- Къобан да къуру да къобханлай турмайды, адам да къуру да патчахлай турмайды.
- Иги болса, тамадама – махтау, аман болса, меннге – айыб.
- Къанны къан бла джуума, аманны аман бла къуума.
- Тил джюрекге джол ишлейди.
- Ариу сёз – джаннга азыкъ, аман сёз – башха къазыкъ.
- Мал кёб болса, джууукъ кёб болур.
- Окъумагъан сокъурду, сокъур ташха абыныр!
- Айтылгъан буйрукъ, сёгюлмез
- Джюрек кёзден алгъа кёрюр.
- Тёзген – тёш ашар!
- От этилмеген джерден тютюн чыкъмайды.
- Гугурук къычырмаса да, тангны атары къалмаз.
- Дуния аламаты сен эсенг да, игиме деб айтма.
- Чарсда алчыны эл кёреди.
- Тойгъанлыкъ къойгъа джарашады.
- Тенгни тенглиги джашай барсанг билинир.
- Тамчы таш тешер.
- Эм уллу байлыкъ – джан саулукъ.
- Айран ичген – къутулду, джугъусун джалагъан – тутулду.
- Адамны джюреги нени кёрюрге сюйсе, кёзю да аны кёрюрге ёч болады.
- Ариу сёз аурууунгу алыр.
- Болджал ишни бёрю ашар.
- Ашыкъгъанны этеги бутуна чырмалыр.
- Адеб базарда сатылмаз.
- Эллинг бла джау болсанг да, юйюнг бла джау болма.
- Кюн – узун, ёмюр – къысха.
- Бал – татлы, балдан да бала – татлы.
- Ата Джуртуму башы болмасам да, босагъасында ташы болайым.
- Кечеси – аяз, кюню – къыш, джарлы къаргъагъа бир аш тюш!
- Ата Джуртун танымагъан, атасын да танымаз.
- Къолунгдан къуймакъ ашатсанг да, атаны борчундан къутулмазса.
- Сёз – кюмюш, джыр – алтын.
- Иги – алгъыш этер, аман – къаргъыш этер.
- Эркишини аманы тиширыуну джылатыр.
- Билмегенинги, билгеннге сор.
- Джиби бир къат джетмей эди да, эки къат тарта эди.
- Чабакъсыз кёлге къармакъ салгъанлыкъгъа, чабакъ тутмазса.
- Уллу къазанда бишген эт, чий къалмаз.
- Ашатыргъа иш – ашхы, ишлетирге аш – ашхы.
- Бир абыннган – минг сюрюнюр.
- Юйюнгден чыкъдынг – кюнюнгден чыкъдынг.
- Ётюрюкден тюбю джокъ, кёлтюрюрге джиби джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Сормай – алма, чакъырылмай – барма.
- Сыфатында болмагъаны, суратында болмаз.
- Кёлю джокъну – джолу джокъ.
- Аджаллыгъа окъсуз шкок атылыр.
- Уруну арты – къуру.
- Ариу джол аджал келтирмез.
- Кийимни бичсенг, кенг бич, тар этген къыйын тюлдю.
[ Закрыто ] Правила Форума
Читают тему (гостей: 1)