- Ана къойну – балагъа джандет.
- Атынг аманнга чыкъгъандан эсе, джанынг тамагъынгдан чыкъсын.
- Шайтан алдады, тюзлюк къаргъады.
- Илму – джашауну джолу.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Агъач халкъгъа алтынды, иссиликге салкъынды.
- Иши джокъну, сыйы джокъ.
- Миллетни бойну – базыкъ, аны бла кюрешген – джазыкъ.
- Таякъ этден ётер, тил сюекден ётер.
- Къыйынлы джети элни къайгъысын этер.
- Джарлы джети элни сёзюн этер.
- Джангыз терек къынгыр ёсер.
- Къозулугъунда тоймагъан, къойлугъунда тоймаз.
- Байлыкъ адамны сокъур этер.
- Къар – келтирди, суу – элтди.
- Аман къатын алгъан, арыр, иги къатын алгъан джарыр.
- Байлыкъ болгъан джерде, тынчлыкъ джокъду.
- Чёбню кёлтюрсенг, тюбюнден сёз чыгъар.
- Джангыз торгъай джырламаз.
- Эринчекни аурууу – кёб.
- Ачлыкъда тары гырджын халыуадан татлы.
- Сакъалы текени да бар, мыйыгъы киштикни да бар.
- Суу ичген шауданынга тюкюрме.
- Ашхы сёз таш тешер.
- Джукъу тёшек сайламайды.
- Сагъышы джокъ – джукъучу, акъылы джокъ – къаугъачы.
- Бойнуму джети джерден кессенг да, мен ол ишни этеллик тюлме.
- Джюрекден джюрекге джол барды.
- Мен да «сен», дейме, сен да «кесим», дейсе.
- Къайгъыны сюйген, къайгъы табар.
- Тенгинг джокъ эсе – изле, бар эсе – сакъла!
- Тура эдим джата, къайдан чыкъды хата?
- Эринчекни эр алмаз, эр алса да, кёл салмаз, кёл салса да, кёб бармаз!
- Джюз элде джюз ёгюзюм болгъандан эсе, джюз джууугъум болсун.
- Аз сёлеш, кёб ишле.
- Адамны сабийин сюйген джюреги, бычакъча, джитиди.
- Сютден ауузу кюйген, суугъа юфгюре эди.
- Байлыкъ келсе, акъыл кетер.
- Ишге юренсин къоллары, халкъ бла болсун джоллары.
- Къатын къылыкъсыз, эр тынчлыкъсыз.
- Босагъа таш юйге кирмей эди, тыбыр таш эшикге чыкъмай эди.
- Чомарт къолда мал къалмаз.
- Тойчу джашха къарама, къойчу джашха къара.
- «Ёгюз, джаргъа джууукъ барма, меннге джюк боллукъса», - дегенди эшек.
- Эл тойса, тоймагъан, эл къойса, къоймагъан.
- Къолу уллу – асыу, аягъы уллу – джарсыу.
- Бозанг болмагъан джерге, къалагъынгы сукъма.
- Ауругъан – джашаудан умутчу.
- Джангызны оту джарыкъ джанмаз!
- Къартны сыйын кёрмеген, къартлыгъында сыйлы болмаз.
[ Закрыто ] Правила Форума
Читают тему (гостей: 1)