- Ётюрюкден тюбю джокъ, кёлтюрюрге джиби джокъ.
- Башынга джетмегенни сорма.
- Ёксюзню къалачы уллу кёрюнюр.
- Сёлеш деб шай берген, тохта деб, сом берген.
- Эринчекни эр алмаз, эр алса да, кёл салмаз, кёл салса да, кёб бармаз!
- Кюн – узун, ёмюр – къысха.
- Аман эсирсе, юйюн ояр.
- Къайгъы тюбю – тенгиз.
- Ариуну – ауруу кёб.
- Ата Джуртун танымагъан, атасын да танымаз.
- Алгъанда – джууукъ, бергенде – джау.
- Намыс болмагъан джерде, насыб болмаз.
- Юреннген ауруу къалмаз.
- Уллу атлама – абынырса, уллу къабма – къарылырса.
- Дженгил джетерикме деб, узун джолну къоюб, къысхасын барма.
- Адеб базарда сатылмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Чёбню кёлтюрсенг, тюбюнден сёз чыгъар.
- Юй кюйдю да, кюйюз чыкъды, ортасындан тюйюш чыкъды.
- Телиге акъыл салгъандан эсе, ёлгеннге джан салырса.
- Тилчи тилден къаныкъмаз.
- Джашда акъыл джокъ, къартда къарыу джокъ.
- Юйюнгден чыкъдынг – кюнюнгден чыкъдынг.
- Тас болгъан бычакъны сабы – алтын.
- Ариу сёз – къылычдан джити.
- Башы ишлегенни, ауузу да ишлер.
- Джолунга кёре – джюрюшюнг, джагъанга кёре – юлюшюнг.
- Къарт айтханны этмеген, къартаймаз.
- Кюлме джашха – келир башха.
- Байлыкъ болгъан джерде, тынчлыкъ джокъду.
- Джарлыны тону джаз битер.
- Адам туугъан джеринде, ит тойгъан джеринде.
- Болджал ишни бёрю ашар.
- Къолу уллу – асыу, аягъы уллу – джарсыу.
- Къазанда болса, чолпугъа чыгъар.
- Джаханимни кёрмей, джандетге кёл салмазса.
- Башы джабылгъан челекге, кир тюшмез.
- Эллинг бла джау болсанг да, юйюнг бла джау болма.
- Тели турса – той бузар.
- Эртде тургъан джылкъычыны эркек аты тай табар.
- Таш бла ургъанны, аш бла ур.
- Мухардан ач ычхынмаз.
- Къарын къуру болса, джюрек уру болур.
- Сёз – кюмюш, джыр – алтын.
- Ачлыкъ отха секиртир.
- Огъурлуну сёзю – суу, огъурсузну сёзю – уу.
- Нарт сёз къарт болмаз.
- Арбаз къынгырды да, ийнек сауалмайма.
- Ашын ашагъанынгы, башын да сыйла.
- Тешигини къатында, чычхан да батыр болур.
Ифтар (разговение) 21 июня в 20.00 в Ставропольском филиале Фонда "Эльбрусоид"!, Поздравляем всех мусульман с началом Священного месяца Рамадан!
Читают тему (гостей: 1)