- Телиге от эт десенг, юйюнге от салыр.
- Джети тилни билген джети кишиди.
- Ауругъаннга – кийик саулукъ, джетген къызгъа – чилле джаулукъ.
- Чыкълы кюнде чыкъмагъан, чыкъса къуру кирмеген.
- Ашда уялгъан – мухар, ишде уялгъан – хомух.
- Къартха ушагъан джаш – акъыллы, джашха ушагъан къарт – тели.
- Таугъа чыгъаллыкъ эсенг, тюзде къалма.
- Рысхы джалгъанды: келген да этер, кетген да этер.
- Бетинги сатма, малынгы сат.
- Ёлген эшек бёрюден къоркъмайды.
- Ёзденликни кёбю ётюрюк.
- Кютгени беш эчки, сызгъыргъаны уа, джерни джарады.
- Къаллай салам берсенг, аллай джууаб алырса.
- Чабар ат – джетген къыз.
- Харам къарнашдан, халал тенг ашхы.
- Тюз сёз баргъан сууну тыяр.
- Айырылгъанланы айю ашар, бёлюннгенлени бёрю ашар.
- Тойгъанлыкъ къойгъа джарашады.
- Атлыны ашхысы, ат тизгининден билинир
- Джигер – джаннга къыйынлыкъ.
- Элге къуллукъ этмеген, элге ие болмаз.
- Билим ат болуб да чабар, къуш болуб да учар.
- Сууда джау джокъ, кёб сёзде магъана джокъ.
- Танг атмайма десе да, кюн къоярыкъ тюйюлдю.
- «Ёгюз, джаргъа джууукъ барма, меннге джюк боллукъса», - дегенди эшек.
- Суу кетер, таш къалыр.
- Ариуну – ауруу кёб.
- Тёрде – темир таякълы, къаяда – чыпчыкъ аякълы.
- Къонакъ кёб келюучю юйню, къазаны отдан тюшмез.
- Кийимни бичсенг, кенг бич, тар этген къыйын тюлдю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Абынмазлыкъ аякъ джокъ, джангылмазлыкъ джаякъ джокъ.
- Бал – татлы, балдан да бала – татлы.
- Нёгер болсанг, тенг бол, тенг болмасанг, кенг бол.
- Окъугъанны бети джарыкъ.
- Нафысынгы айтханын этме, намысынгы айтханын эт.
- Ёлген аслан – сау чычхан.
- Акъылсызны джууукъгъа алма, акъыллыны кенгнге салма.
- Адамны бетине къарама, адетине къара.
- Намысы болмагъанны, сыйы болмаз.
- Эки ойлашыб, бир сёлешген.
- Тешигини къатында, чычхан да батыр болур.
- Башы ишлегенни, ауузу да ишлер.
- Эр абынмай, эл танымаз.
- Кесинге джетмегенни, кёб сёлешме.
- Ариу сёз джыланны орнундан чыгъарыр.
- Бермеген къол, алмайды.
- Дженгил джетерикме деб, узун джолну къоюб, къысхасын барма.
- Гугурук къычырмаса да, тангны атары къалмаз.
- Атынг аманнга чыкъгъандан эсе, джанынг тамагъынгдан чыкъсын.