- Ана кёлю – балада, бала кёлю – талада.
- Таукел къуру къалмаз.
- Айтхан – тынч, этген – къыйын.
- Ана – юйню кюн джарыгъы.
- Билмезни кёзю кёрмез, этмезни къулагъы эшитмез.
- От кюйдюрген, сау болса да, тот кюйдюрген, сау болмаз.
- Аурууну келиую тынч, кетиую – къыйын.
- Эл бла кёргенинг эрелей.
- Азыкъ аз болса, эртде орун сал.
- Аманны эки битли тону болур, бирин сеннге кийдирир, бирин кеси киер.
- Кеси юйюмде мен да ханма.
- Чоюнну башы ачыкъ болса, итге уят керекди.
- Терслик кетер, тюзлюк джетер.
- Къонагъы джокъну – шоху джокъ.
- Агъач халкъгъа алтынды, иссиликге салкъынды.
- Джылар джаш, атасыны сакъалы бла ойнар.
- Чабар ат – джетген къыз.
- Биреуню къыйынлыгъы бла кесинге джол ишлеме.
- Бичгенде ашыкъма, тикгенде ашыкъ.
- Айранын берсенг, челегин да къызгъанма.
- Къатын къылыкъсыз, эр тынчлыкъсыз.
- Кесине гебен этелмеген, биреуге черен эте эди.
- Джангыз терек къынгыр ёсер.
- Сабийликде юретмесенг, уллу болса – тюзелмез.
- Киштикге къанат битсе, чыпчыкъ къалмаз эди.
- Ётюрюкчюню шагъаты – къатында.
- Алтыннга тот къонмаз.
- Бёрю да ач къалмасын, эчки да ашалмасын.
- Акъыллы айтыр эди, акъылсыз къоймайды.
- Ачлыкъ отха секиртир.
- Хата – гитчеден.
- Кёз – сюйген джерде, къол – ауругъан джерде.
- Ашхы – джыяр, аман – джояр.
- Аман киши кеси юйюнде – къонакъ.
- Ата – билек, ана – джюрек!
- Аджаллыгъа окъсуз шкок атылыр.
- Ёзденликни джайгъан – джокълукъ.
- Кёл ашады да, кеси ашады.
- Аджашханны ызындагъы кёреди, джангылгъанны джанындагъы биледи.
- Ауурну тюбю бла, дженгилни башы бла джюрюген.
- Термилгенинги табмазса, кюлгенинге тюберсе.
- Тилчи тилден къаныкъмаз.
- Тин – байлыгъынг, терен саулугъунг.
- Къолунгдан къуймакъ ашатсанг да, атаны борчундан къутулмазса.
- Джолунга кёре – джюрюшюнг, джагъанга кёре – юлюшюнг.
- Уллу къашыкъ эрин джыртар.
- Иши джокъну, сыйы джокъ.
- Ишлемеген – тишлемез.
- Эрине къаргъыш этген къатын, эрнин къабар.
- Аллахдан тилесенг, кёб тиле.
Гогуев Ислам Мудалифович, погиб в Афганистане
Читают тему (гостей: 1)