- Ариу сёзде ауруу джокъ.
- Айран ичген – къутулду, джугъусун джалагъан – тутулду.
- Къызны минг тилер, бир алыр.
- Ана къойну – балагъа джандет.
- Юйюнгден чыкъдынг – кюнюнгден чыкъдынг.
- Ашлыкъны арба юйге келтирир, чана базаргъа элтир.
- Аман адам этегингден тутса, кес да къач.
- Хар ишни да аллы къыйынды.
- Терек ауса, отунчу – кёб.
- Баланы адам этген анады.
- Мен да «сен», дейме, сен да «кесим», дейсе.
- Джылар джаш, атасыны сакъалы бла ойнар.
- Джарлыны эшигин махтагъан джабар.
- Ачлыкъда тары гырджын халыуадан татлы.
- Адам сёзюнден белгили.
- Мал кёб болса, джууукъ кёб болур.
- Билеги кючлю, бирни джыгъар, билими кючлю, мингни джыгъар.
- Ариу сёз – къылычдан джити.
- Татлы тилде – сёз ариу, чемер къолда – иш ариу.
- Бозаны арты дауур болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Керти сёзге тёре джокъ.
- Ишлегенде эринме, ишде чолакъ кёрюнме.
- Къая джолда джортма, ачыкъ сёзден къоркъма.
- Келинин тута билмеген, къул этер, къызын тута билмеген, тул этер.
- Ач уят къоймаз.
- Ётюрюкден тюбю джокъ, кёлтюрюрге джиби джокъ.
- Элиб деген, элге болушур.
- Гитче джилтин уллу элни джандырыр.
- Аш кетер да бет къалыр.
- Кийимни бир кюнню аясанг, минг кюннге джарар.
- Окъугъан озар, окъумагъан тозар.
- Телини эшигин, махтау джабар.
- Чыкълы кюнде чыкъмагъан, чыкъса къуру кирмеген.
- Тилчиден кери бол.
- Къыйынлы джети элни къайгъысын этер.
- Хар сёзню орну барды.
- Джеринден айырылгъан – джети джылар, джуртундан айырылгъан – ёлгюнчю джылар.
- Алма терегинден кери кетмез.
- Ашхы атаны – джашы ашхы, ашхы ананы – къызы ашхы.
- Биреуню тёрюнден, кесинги эшик артынг игиди.
- Къоркъакъны кёзю экили кёрюр.
- Джумушакъ терекни къурт ашар.
- Дуния аламаты сен эсенг да, игиме деб айтма.
- Бети къызарыучу адамны, джюреги харам болмаз.
- Адеби болмагъан къыз – тузсуз хант.
- Кечеси – аяз, кюню – къыш, джарлы къаргъагъа бир аш тюш!
- Тилсиз миллет джокъ болур.
- Чарсда алчыны эл кёреди.
- Бермеген къол, алмайды.