- Къыз тиширыу кеси юйюнде да къонакъды.
- Ишге юренсин къоллары, халкъ бла болсун джоллары.
- Аманны тукъумуна къарама, игини тукъумун сорма.
- Урама да – ёледи, сатама да – келеди.
- Намыс сатылыб алынмайды.
- Адебни адебсизден юрен.
- Сютню башын джалагъан къутулур, тюбюн ичген тутулур.
- Биреу къой излей, биреу той излей.
- Керти сёзге тёре джокъ.
- Къонакъ хазыр болгъанлыкъгъа, къонакъбай хазыр тюлдю.
- Ёлмесенг да, къарт дамы болмазса?
- Игиге айтсанг – билир, аманнга айтсанг – кюлюр.
- Элде адам къалмаса, ит тахтагъа минер.
- Ашаса, ашамаса да, бёрюню ауузу – къан.
- Иесиз малны бёрю ашар.
- Асхат ашлыкъ сата, юйдегиси ачдан къата.
- Тилчи бир сагъатха айлыкъ хата этер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёпюр салгъан кеси ётер, уру къазгъан кеси кетер.
- Уллу суу бла уллу ауруудан башынгы сакъла.
- Юйлю уругъа ит чабмаз.
- Аш кетер да бет къалыр.
- Эшекге миннген – биринчи айыб, андан джыгъылгъан – экинчи айыб.
- Ана – юйню кюн джарыгъы.
- Тюзлюк тас болмайды.
- Сабыр джетер муратха, сабырсыз къалыр уятха.
- Дуния малгъа сатылма, кесингден телиге къатылма.
- Окъуу – билимни ачхычы, окъуу – дунияны бачхычы.
- Зарда марда джокъ.
- Ётген ёмюр – акъгъан суу.
- Мадар болса, къадар болур.
- Къонагъынгы артмагъын алма да, алгъышын ал.
- Ашына кёре табагъы, балына кёре къалагъы.
- Ашхы адам – халкъ байлыгъы, ашхы джер – джашау байлыгъы.
- Тойчу джашха къарама, къойчу джашха къара.
- Джарлы эскисин джамаса, къууаныр.
- Атлыны кёрсе, джаяуну буту талыр.
- Джылкъыдан – ат чыгъар, тукъумдан – джаш чыгъар.
- Тойгъан джерге джети къайт.
- Ач уят къоймаз.
- Джахил болса анасы, не билликди баласы?
- Джеринден айырылгъан – джети джылар, джуртундан айырылгъан – ёлгюнчю джылар.
- Ариуну – ауруу кёб.
- Тамчы таш тешер.
- Малны кют, джерни тюрт.
- Тилчи тилден къаныкъмаз.
- Чёбню кёлтюрсенг, тюбюнден сёз чыгъар.
- Мухардан ач ычхынмаз.
- Джолунга кёре – джюрюшюнг, джагъанга кёре – юлюшюнг.
- Акъылсызны джууукъгъа алма, акъыллыны кенгнге салма.