- Бети бедерден, намыс сакълама.
- Ёгюзню мюйюзюнден тутадыла, адамны сёзюнден тутадыла.
- Аман адам элни бир-бирине джау этер.
- Тёрдеги кюлсе, эшикдеги ышарыр.
- Тиширыусуз юй – отсуз от джагъа.
- Бал чибинни ургъаны – ачы, балы – татлы.
- Биреуге аманлыкъ этиб, кесинге игилик табмазса.
- Ана кёлю – балада, бала кёлю – талада.
- Кеси юйюмде мен да ханма.
- Ышармагъан – кюлмез, кюлмеген – къууанчны билмез.
- Тюз сёз баргъан сууну тыяр.
- Тюкюрюк баш джармаз, налат кёз чыгъармаз!
- Башланнган иш битер, къымылдагъан тиш тюшер.
- Ауузу аманнга «иги», деме.
- Чомартха хар кюн да байрамды.
- Суу кетер, таш къалыр.
- Сютню башын джалагъан къутулур, тюбюн ичген тутулур.
- Юре билмеген ит, къонакъ келтирир.
- Джиби бир къат джетмей эди да, эки къат тарта эди.
- Келгинчи, къонакъ уялыр, келгенден сора, къонакъбай уялыр.
- Соргъан айыб тюлдю, билмеген айыбды.
- Аджашханны ызындагъы кёреди, джангылгъанны джанындагъы биледи.
- Кюн – узун, ёмюр – къысха.
- Сабий кёргенин унутмаз.
- Къатыны харакетли болса, эри къымсыз болур.
- Хата – гитчеден.
- Ашда – бёрю, ишде – ёлю.
- Келинни – келгинчи, бёркню кийгинчи кёр.
- Адеб базарда сатылмаз.
- Чомарт къонакъ юй иесин сыйлар.
- Керек ташны ауурлугъу джокъ.
- Джылар джаш, атасыны сакъалы бла ойнар.
- Харам къарнашдан, халал тенг ашхы.
- Джыйырма къойну юч джыйырма эбзе кюте эди.
- Бичгенде ашыкъма, тикгенде ашыкъ.
- Ач да бол, токъ да бол – намысынга бек бол.
- Таугъа чыгъаллыкъ эсенг, тюзде къалма.
- Дууулдаса – бал чибин, къонса – къара чибин.
- Эри аманны, къатыны – аман.
- Окъугъан – асыу, окъумагъан – джарсыу.
- Намыс сатылыб алынмайды.
- Чёбню кёлтюрсенг, тюбюнден сёз чыгъар.
- Бёрю да ач къалмасын, эчки да ашалмасын.
- Терслик кетер, тюзлюк джетер.
- Ётюрюкню къуйругъу – бир тутум.
- Ишлемеген – тишлемез.
- Адеб джокъда, намыс джокъ.
- Акъыллы – эл иеси, тели – эл баласы.
- Хатерли къул болур.
- Зар адамны насыбы болмаз.
