- Джаш болсун, къыз болсун, акъылы, саны тюз болсун.
- Ашхы сёз таш тешер.
- Къызгъанчдан ычхыныр, мухардан ычхынмаз.
- Адам сёзге тынгыла, акъыл сёзню ангыла.
- Къонакъ хазыр болгъанлыкъгъа, къонакъбай хазыр тюлдю.
- Ач келгенни – тойдур, кеч келгенни – къондур.
- Ач – эснер, ат – кишнер.
- Босагъа таш юйге кирмей эди, тыбыр таш эшикге чыкъмай эди.
- Тёгюлген тюгел джыйылмайды.
- Айыбны суу бла джууалмазса.
- Къыйынлы джети элге оноу этер.
- Бойнуму джети джерден кессенг да, мен ол ишни этеллик тюлме.
- Иги джашны ышаны – аз сёлешиб, кёб тынгылар.
- Атлыны ашхысы, ат тизгининден билинир
- Дуния мал дунияда къалады.
- Джан саулукъ бермей, сан саулукъ бермезсе.
- Тыш элде солтан болгъандан эсе, кесинги элде олтан болгъан игиди!
- Джангыз терек къынгыр ёсер.
- Халкъны юйю – туугъан джери.
- Игиге айтсанг – билир, аманнга айтсанг – кюлюр.
- Терек ауса, отунчу – кёб.
- Юй ишлеген балта эшикде къалыр.
- Ханы къызы буюгъа-буюгъа киштик болду.
- Эр сокъур болсун, къатын тилсиз болсун.
- Ариу – кёзге, акъыл – джюрекге.
- Аджашханны ызындагъы кёреди, джангылгъанны джанындагъы биледи.
- Илму – джашауну джолу.
- Аш иеси бла татлыды.
- Аякъларынгы джууургъанынга кёре узат.
- Тойгъан антын унутур.
- Къулакъдан эсе, кёзге ышан.
- Къонакъны къачан кетерин сорма, къачан келлигин сор.
- Чомартны къолун джокълукъ байлар.
- Джеринден айырылгъан – джети джылар, джуртундан айырылгъан – ёлгюнчю джылар.
- Харам къарнашдан, халал тенг ашхы.
- Ишлегенден, къарагъан уста.
- Бек анасы джыламаз.
- Тин – байлыгъынг, терен саулугъунг.
- Суу да къайтады чыкъгъан джерине.
- Мухар, кеси тойса да, кёзю тоймаз.
- Къарнынг тойгъунчу аша да, белинг талгъынчы ишле.
- Суу ичген шауданынга тюкюрме.
- Джашда акъыл джокъ, къартда къарыу джокъ.
- Ётюрюкден тюбю джокъ, кёлтюрюрге джиби джокъ.
- Джангыз торгъай джырламаз.
- Мал тутхан – май джалар.
- Аман адам этегингден тутса, кес да къач.
- Ашхы болсанг, атынг чыгъар, аман болсанг, джанынг чыгъар.
- Итли къонакъ джарашмаз.
- Билген билмегенни юретген адетди.