- Адамны адамлыгъы къыйынлыкъда айгъакъланады.
- Иги сёз – джаннга азыкъ, аман сёз башха – къазыкъ.
- Байлыкъ келсе, акъыл кетер.
- Хантына кёре тузу, юйюне кёре къызы.
- Джюрек кёзден алгъа кёрюр.
- Туз, гырджын аша, тюзлюк бла джаша.
- Къонакъ хазыр болгъанлыкъгъа, къонакъбай хазыр тюлдю.
- Джаш къарыу бла кючлю, къарт акъыл бла кючлю.
- Минг тенг да азды, бир джау да кёбдю.
- Биреуню тёрюнден, кесинги эшик артынг игиди.
- Босагъагъа джууукъ орун болса, ашыгъыб тёрге озма.
- Болджал ишни бёрю ашар.
- Чакъырылмагъан къонакъ къачан кетерин сормаз.
- Телиге от эт десенг, юйюнге от салыр.
- Мухар, кеси тойса да, кёзю тоймаз.
- Иги сеники эсе да, сюйген кесимикин этеме.
- Ач къарынны, токъ билмез
- Халкъны джырын джырласанг, халкъ санга эжиу этер.
- Кимни – тили, тиши онглу, кимни – къолу, иши онглу.
- Аджалсыз ёлюм болмаз.
- Киштикге къанат битсе, чыпчыкъ къалмаз эди.
- Ёлген аслан – сау чычхан.
- Мал кёб болса, джууукъ кёб болур.
- Уллу атлама – абынырса, уллу къабма – къарылырса.
- Къыз тиширыу кеси юйюнде да къонакъды.
- Керек ташны ауурлугъу джокъ.
- Къартны бурнун сюрт да, оноугъа тут.
- Артына баргъанны, къатына барма.
- Джахил болса анасы, не билликди баласы?
- Ата Джуртун танымагъан, атасын да танымаз.
- Къартны сыйын кёрмеген, къартлыгъында сыйлы болмаз.
- Биреуге кёлтюрген таягъынг, кесинги башынга урур.
- Аманны къуугъан, аманлыкъ табар.
- Уллу сёлешме да, уллу къаб.
- Байлыкъ тауусулур, билим тауусулмаз.
- Сютню башын джалагъан къутулур, тюбюн ичген тутулур.
- Кечеси – аяз, кюню – къыш, джарлы къаргъагъа бир аш тюш!
- Гыдай эчки суугъа къараб, мюйюзле кёрмесе, джашма алкъын, дегенди.
- Узун джолну барсанг, бюгюн келирсе, къысха джолну барсанг, тамбла келирсе.
- Ачыкъ джюрекге джол – ачыкъ.
- Кийим тукъум сордурур.
- Азыкъ аз болса, эртде орун сал.
- Урунуу – насыбны анасы.
- Джигер – джаннга къыйынлыкъ.
- Ургъан суудан башынгы сакъла.
- Къарны аманнга къазан такъдырма, къолу аманнга от джакъдырма.
- Арбаз сайлама да, хоншу сайла.
- Сабийни джумушха джибер да, ызындан бар.
- Акъыл аздырмаз, билим тоздурмаз.
- Башда акъыл болмаса, эки аякъгъа кюч джетер.
