- Урама да – ёледи, сатама да – келеди.
- Айран ичген – къутулду, джугъусун джалагъан – тутулду.
- Билимли ёлмез, билимсиз кёрмез.
- Тешигини къатында, чычхан да батыр болур.
- Кесинге джетмегенни, кёб сёлешме.
- Тюзлюк тас болмайды.
- Тулпарлыкъ, билекден тюл – джюрекден.
- Бал ашаргъа сюе эсенг, чибин ургъаннга тёз.
- Эли джокъну – кёлю джокъ.
- Минг тенг да азды, бир джау да кёбдю.
- Иги – алгъыш этер, аман – къаргъыш этер.
- Хунаны тюбюн къазсанг, юсюнге ауар.
- Арбаз къынгырды да, ийнек сауалмайма.
- Эрни эр этерик да, къара джер этерик да, тиширыуду.
- Кийимни бичсенг, кенг бич, тар этген къыйын тюлдю.
- Эл бла кёргенинг эрелей.
- Билимден уллу байлыкъ джокъду.
- Къонакъ аз олтурур, кёб сынар.
- Байлыкъ адамны сокъур этер.
- Баргъанынга кёре болур келгенинг.
- Ашаса, ашамаса да, бёрюню ауузу – къан.
- Джангыз торгъай джырламаз.
- Ашыкъгъанны этеги бутуна чырмалыр.
- Къайтырыкъ эшигинги, къаты уруб чыкъма.
- Къатын къылыкъсыз, эр тынчлыкъсыз.
- Азыкъ аз болса, эртде орун сал.
- Этим кетсе да, сюегим къалыр.
- Адамны бетине къарама, адетине къара.
- Битмегеннге сакъал – танг.
- Этни бети бла шорпасы.
- Ачлыкъ отха секиртир.
- Ачлыкъда тары гырджын халыуадан татлы.
- Телиге от эт десенг, юйюнге от салыр.
- Чыкълы кюнде чыкъмагъан, чыкъса къуру кирмеген.
- Къарт бла баш аша, джаш бла аякъ аша.
- Къанны къан бла джуума, аманны аман бла къуума.
- Аджалсыз ёлюм болмаз.
- Чомартны къолу берекет.
- Бозаны арты дауур болур.
- Къыйынлы джети элни къайгъысын этер.
- Мени джылытмагъан кюн, меннге тиймесин!
- Экиндини кеч къылсанг, чабыб джетер ашхам.
- Тилсиз миллет джокъ болур.
- Ат басханны джер билед.
- Таукел адам тау тешер.
- Аджал соруб келмез, келсе, къайтыб кетмез.
- Ауругъанны сау билмез, ач къарынны токъ билмез.
- Аз айтсам, кёб ангылагъыз.
- Тил – миллетни джаны.
- Къарнынг бла ёч алма.
