- Насыб бютеу халкъны юлюшюдю.
- Мал тутхан – май джалар.
- Зарда марда джокъ.
- Таукел тауну аудурур.
- Тилчи бир сагъатха айлыкъ хата этер.
- Башы джабылгъан челекге, кир тюшмез.
- Джюрекге ариу – кёзге да ариу.
- Айтхан – тынч, этген – къыйын.
- Кёбню кёрген – кёб билир.
- Ашлыкъны арба юйге келтирир, чана базаргъа элтир.
- Джырына кёре эжиую.
- Хар адамгъа кеси миннген тау кибик.
- Атынг аманнга чыкъгъандан эсе, джанынг тамагъынгдан чыкъсын.
- Намысы джокъну – дуниясы джокъ.
- Ётюрюкню къуйругъу – бир тутум.
- Аман эсирсе, юйюн ояр.
- Тюзлюк тас болмайды.
- Нёгер болсанг, тенг бол, тенг болмасанг, кенг бол.
- Джарлыны эшигин махтагъан джабар.
- Башда акъыл болмаса, эки аякъгъа кюч джетер.
- Эринчекге кюн узун.
- Къарнынг къанлынга кийирир.
- Аман адам элни бир-бирине джау этер.
- Чакъырылмагъан къонакъ къачан кетерин сормаз.
- Бек ашыкъгъан меннге джетсин, дегенди аракъы.
- Аманны тукъумуна къарама, игини тукъумун сорма.
- Джангызны оту джарыкъ джанмаз!
- Джылкъыдан – ат чыгъар, тукъумдан – джаш чыгъар.
- Аллахха ийнаннган кишини, Аллах онгдурур ишин.
- Уллу айтханны этмеген – уллаймаз.
- Ашхы тенг джолгъа салыр, аман тенг джолдан тайдырыр.
- Окъугъан озар, окъумагъан тозар.
- Ата Джуртун танымагъан, атасын да танымаз.
- Элиб деген, элге болушур.
- Къонакъны къачан кетерин сорма, къачан келлигин сор.
- Ачлыкъда тары гырджын халыуадан татлы.
- Уллу суу бла уллу ауруудан башынгы сакъла.
- Къонагъынгы артмагъын алма да, алгъышын ал.
- Эм уллу байлыкъ – джан саулукъ.
- Ариуну – ауруу кёб.
- Бёрю да ач къалмасын, эчки да ашалмасын.
- Ким бла джюрюсенг, аны кёзю бла кёрюнюрсе.
- Ашарыкъда сайлагъаннга – чий гырджын.
- Джеринден айырылгъан – джети джылар, джуртундан айырылгъан – ёлгюнчю джылар.
- Нёгерсизни джолу узун.
- Джарашыу сюйген – джалынчакъ.
- Суу ичген шауданынга тюкюрме.
- Джюз элде джюз ёгюзюм болгъандан эсе, джюз джууугъум болсун.
- Акъылсызны джууукъгъа алма, акъыллыны кенгнге салма.
- Тыш элде солтан болгъандан эсе, кесинги элде олтан болгъан игиди!