- Аууз сакълагъан – джан сакълар.
- Эм ашхы къайын ана мамукъ бла башынгы тешер.
- Чабакъсыз кёлге къармакъ салгъанлыкъгъа, чабакъ тутмазса.
- Адебсиз адам – джюгенсиз ат.
- Джюрекден джюрекге джол барды.
- Къыз тиширыу кеси юйюнде да къонакъды.
- Аш берме да, къаш бер.
- Тил бла келеди джыр да.
- Джылкъыдан – ат чыгъар, тукъумдан – джаш чыгъар.
- Эшекни не къадар тюйсенг да, ат болмаз.
- Тил – кесген бычакъ, сёз – атылгъан окъ.
- Джол бла сёзню къыйыры джокъ.
- Ашатыргъа иш – ашхы, ишлетирге аш – ашхы.
- Аман эсирсе, юйюн ояр.
- Джашда акъыл джокъ, къартда къарыу джокъ.
- Чомарт къонакъ юй иесин сыйлар.
- Билген билмегенни юретген адетди.
- Бал ашаргъа сюе эсенг, чибин ургъаннга тёз.
- Эте билген, этген этеди, эте билмеген, юретген этеди!
- Акъыллы башны – тили къысха.
- Тюз сёз баргъан сууну тыяр.
- Суугъа – таянма, джаугъа – ийнанма.
- Мадар болса, къадар болур.
- Ач отунчуну ачыуу – бурнунда.
- Сакъламагъан затынга джолукъсанг, не бек къууанаса, не бек ачыйса.
- Ауузу аманнга «иги», деме.
- Ётген ёмюр – акъгъан суу.
- Биреуге кёлтюрген таягъынг, кесинги башынга урур.
- Адам сёзюнден белгили.
- Биреуню эскиси биреуге джангы болмайды.
- Ёмюрлюк шохлукъну джел элтмез.
- Кёб джат да, бек чаб.
- Акъыл къартда, джашда тюйюлдю – башдады.
- Джеринден айырылгъан – джети джылар, джуртундан айырылгъан – ёлгюнчю джылар.
- Эркиши – от, тиширыу – суу.
- Тилде сюек болмаса да, сюек сындырыр.
- Накъырданы арты керти болур.
- Джангызны оту джарыкъ джанмаз!
- Эрни эр этерик да, къара джер этерик да, тиширыуду.
- Мухардан ач ычхынмаз.
- Халкъны джырын джырласанг, халкъ санга эжиу этер.
- Арбаз сайлама да, хоншу сайла.
- Ана къолу ачытмаз.
- Къарны аманнга къазан такъдырма, къолу аманнга от джакъдырма.
- Аманны къуугъан, аманлыкъ табар.
- Адеб этмеген, адеб кёрмез.
- Тилчиден кери бол.
- От кюйдюрген, сау болса да, тот кюйдюрген, сау болмаз.
- Аурууну келиую тынч, кетиую – къыйын.
- Экеу тутушса, биреу джыгъылыр.
КАРАКЕТОВ ХЫЗЫР (Дикая дивизия)
Читают тему (гостей: 1)