- Байлыкъ адамны сокъур этер.
- Бет бетге къараса, бет да джерге къарар.
- Тилчиден кери бол.
- Чабакъсыз кёлге къармакъ салгъанлыкъгъа, чабакъ тутмазса.
- Юйюнгден чыкъдынг – кюнюнгден чыкъдынг.
- Адамны аманы адамны бети бла ойнар.
- Таукел къуру къалмаз.
- Эл элде бирер малынг болгъандан эсе, бирер тенгинг болсун.
- Байлыкъ келсе, акъыл кетер.
- Ишни ахырын ойламай, аллын башлама.
- Урама да – ёледи, сатама да – келеди.
- Айтхан сёзюне табылгъан.
- Агъач – джерни чырайы, кийим – эрни чырайы.
- Уллу къазанда бишген эт, чий къалмаз.
- Джарашыу сюйген – джалынчакъ.
- Ашыкъгъанны этеги бутуна чырмалыр.
- Борчунг бар эсе, хурджунунга ойлаб узал.
- От этилмеген джерден тютюн чыкъмайды.
- Эшекни не къадар тюйсенг да, ат болмаз.
- Юре билмеген ит, къонакъ келтирир.
- Къарт айтханны этмеген, къартаймаз.
- Биреуню къыйынлыгъы бла кесинге джол ишлеме.
- Нарт сёз – тилни бети.
- Насыб бютеу халкъны юлюшюдю.
- Аууздан келген, къолдан келсе, ким да патчах болур эди.
- Адам къаллай бир ишленмесе, аллай бир кесин уллу кёреди.
- Къатын къылыкъсыз, эр тынчлыкъсыз.
- Тас болгъан бычакъны сабы – алтын.
- Керти сёзге тёре джокъ.
- Къууут – джелге, берне – бошха.
- Нёгерсизни джолу узун.
- Юй ишлеген балта эшикде къалыр.
- Кёл – къызбай, къол – батыр.
- Джарлы эскисин джамаса, къууаныр.
- Джылкъыдан – ат чыгъар, тукъумдан – джаш чыгъар.
- Ач бёрюге мекям джокъ.
- Эки элинги тыйсанг, джети элде махталырса.
- «Ма», - дегенни билмесенг, «бер», - дегенни билмезсе.
- Ата – билек, ана – джюрек!
- Байны къызы баймакъ болса да, юйде къалмаз!
- Къазанчы аман болса, къазаны къайнамаз.
- Сууда джау джокъ, кёб сёзде магъана джокъ.
- Джыйырма къойну юч джыйырма эбзе кюте эди.
- Эски джаугъа ышанма.
- Ёзденликни джайгъан – джокълукъ.
- Бир абыннган – минг сюрюнюр.
- Къартны бурнун сюрт да, оноугъа тут.
- Миллетни бойну – базыкъ, аны бла кюрешген – джазыкъ.
- Суугъа – таянма, джаугъа – ийнанма.
- Ариу джол аджал келтирмез.
Фото во время отъезда на Японскую войну., прошу посмотреть
Читают тему (гостей: 1)