- Ашха уста, юйюнде болсун
- Ёгюзню мюйюзлери ауурлукъ этмейдиле.
- Баланы адам этген анады.
- Джылкъыдан – ат чыгъар, тукъумдан – джаш чыгъар.
- Къайгъыны сюйген, къайгъы табар.
- Аууздан келген, къолдан келсе, ким да патчах болур эди.
- Алтыннга тот къонмаз.
- Эки элинги тыйсанг, джети элде махталырса.
- Кечеси – аяз, кюню – къыш, джарлы къаргъагъа бир аш тюш!
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Иги сёз – джаннга азыкъ, аман сёз башха – къазыкъ.
- Тенгни тенглиги джашай барсанг билинир.
- Аякъларынгы джууургъанынга кёре узат.
- Эл ауузу – элия.
- Джюрекге ариу – кёзге да ариу.
- Эркишиге тары кебек танг кёрюнюр.
- Акъыллы айтыр эди, акъылсыз къоймайды.
- Атынг аманнга чыкъгъандан эсе, джанынг тамагъынгдан чыкъсын.
- Тойгъанлыкъ къойгъа джарашады.
- Ишлемеген – тишлемез.
- Ашхы – джыяр, аман – джояр.
- Ишленмеклик адамлыкъды.
- Аш хазыр болса, иш харам болур.
- Бичгенде ашыкъма, тикгенде ашыкъ.
- Ауузу аманнга «иги», деме.
- Ёлген аслан – сау чычхан.
- Чомартны къолу берекет.
- Тюзлюк шохлукъну бегитир.
- Сагъышы джокъ – джукъучу, акъылы джокъ – къаугъачы.
- Чабакъсыз кёлге къармакъ салгъанлыкъгъа, чабакъ тутмазса.
- Эркиши – от, тиширыу – суу.
- Азыкъ аз болса, эртде орун сал.
- Ач – эснер, ат – кишнер.
- Сыфатында болмагъаны, суратында болмаз.
- Къозулугъунда тоймагъан, къойлугъунда тоймаз.
- Нёгер болсанг, тенг бол, тенг болмасанг, кенг бол.
- Джашлыкъ этмеген, башлыкъ этмез.
- Джыланны къуйругъундан басарынг келсе, аны башы болгъанын унутма.
- Билгенни къолу къарны джандырыр.
- Ёлмесенг да, къарт дамы болмазса?
- Агъач – джерни чырайы, кийим – эрни чырайы.
- Кюн кёрмеген, кюн кёрсе, кюндюз чыракъ джандырыр.
- Бюгюн дуния кибик, тамбла ахыратды.
- Сёз – кюмюш, джыр – алтын.
- Къан бла кирген, джан бла чыгъар.
- Кёб къычыргъандан – къоркъма, тынч олтургъандан – къоркъ.
- Тулпарлыкъ, билекден тюл – джюрекден.
- Уллу къашыкъ эрин джыртар.
- Рысхысына кёре, джаш ёсер, къышлыгъына кёре, мал ёсер.
- Ёпкелегенни ашы татлы болады.
Крымкая война
Читают тему (гостей: 1)