- Тюз сёз баргъан сууну тыяр.
- Кёбден умут этиб, аздан къуру къалма.
- Туз, гырджын аша, тюзлюк бла джаша.
- Артына баргъанны, къатына барма.
- Аман адам элни бир-бирине джау этер.
- Онгсузну – джакъла, тенгликни – сакъла.
- Гырджын – тепсини тамадасы.
- Аман эсирсе, юйюн ояр.
- Сакъламагъан затынга джолукъсанг, не бек къууанаса, не бек ачыйса.
- Ашына кёре табагъы, балына кёре къалагъы.
- Ашхы атаны – джашы ашхы, ашхы ананы – къызы ашхы.
- Тай асырагъан, атха минер.
- Чабакъ башындан чирийди.
- Биреуню тёрюнден, кесинги эшик артынг игиди.
- Тойгъан джерден туугъан джер игиди.
- Къолу уллу – асыу, аягъы уллу – джарсыу.
- Оюмсуз атлагъан, аджалсыз ёлюр.
- Эр сокъур болсун, къатын тилсиз болсун.
- Накъырданы арты керти болур.
- Ишге юренсин къоллары, халкъ бла болсун джоллары.
- Ач бёрюге мекям джокъ.
- Тешик этген тынчды, аны джамагъан къыйынды.
- Тенгни тенглиги джашай барсанг билинир.
- Ойнай-ойнай кёз чыгъар.
- Джашда акъыл джокъ, къартда къарыу джокъ.
- Тилчиден кери бол.
- Къонакъ аман болса, къонакъбай джунчур
- Къонакъ болсанг, ийнакъ бол.
- Айтханы чапыракъдан ётмеген.
- Ариу сёз – джаннга азыкъ, аман сёз – башха къазыкъ.
- Халкъгъа джарагъан, джарлы къалмаз.
- Хунаны тюбюн къазсанг, юсюнге ауар.
- Сескекли кесин билдирир.
- Тас болгъан бычакъны сабы – алтын.
- Къарт айтханны этмеген, къартаймаз.
- Борчунг бар эсе, хурджунунга ойлаб узал.
- Эки итни арасына сюек атма, эки адамны арасында сёз чыгъарма.
- Дууулдаса – бал чибин, къонса – къара чибин.
- Сёз – кюмюш, джыр – алтын.
- Билеги кючлю, бирни джыгъар, билими кючлю, мингни джыгъар.
- Ашхы сёз таш тешер.
- Адамны аты башхача, акъылы да башхады.
- Джылыгъа джылан илешир.
- Асхат ашлыкъ сата, юйдегиси ачдан къата.
- Орундукъ тюбюнде атылсам да, орта джиликме, де да айлан.
- Къошда джокъгъа – юлюш джокъ.
- Насыб бютеу халкъны юлюшюдю.
- Аджалсыз ёлюм болмаз.
- Акъыл неден да кючлюдю.
- Хоншуну тауугъу къаз кёрюнюр, келини къыз кёрюнюр.
Ушедшие на Японскую войну...
23.04.2009 20:45:19
Материал про карачаево-балкарцев на Islam.ru :
|
||||
|
|
|||
Читают тему (гостей: 1)