- Тойгъа алгъа да барма, тойда артха да къалма.
- Огъурлуну сёзю – суу, огъурсузну сёзю – уу.
- Айныгъанлы алты кюн, тогъайгъанлы тогъуз кюн.
- Ойнай билмеген, уруб къачар.
- Чомартны къолун джокълукъ байлар.
- Зар адам ашынгы ашар, кесинги сатар.
- Ётюрюкден тюбю джокъ, кёлтюрюрге джиби джокъ.
- Ашаса, ашамаса да, бёрюню ауузу – къан.
- Ата Джуртуму башы болмасам да, босагъасында ташы болайым.
- Ариу сёзде ауруу джокъ.
- Сабийликде юретмесенг, уллу болса – тюзелмез.
- Эри аманны, къатыны – аман.
- Эки ойлашыб, бир сёлешген.
- Бети – къучакълар, джюреги – бычакълар.
- Ариу – кёзге, акъыл – джюрекге.
- Джаш болсун, къыз болсун, акъылы, саны тюз болсун.
- Къарт бла баш аша, джаш бла аякъ аша.
- Насыб бютеу халкъны юлюшюдю.
- Къар – келтирди, суу – элтди.
- Кёзюнде тереги болгъан, чёбю болгъаннга кюле эди.
- Кечеси – аяз, кюню – къыш, джарлы къаргъагъа бир аш тюш!
- Джырчы ёлсе, джыры къалыр.
- Тёзгеннге, джабылгъан эшик ачылыр.
- Ышармагъан – кюлмез, кюлмеген – къууанчны билмез.
- Арба аугъандан сора, джол кёргюзтюучю кёб болур.
- Джылыгъа джылан илешир.
- Къаллай салам берсенг, аллай джууаб алырса.
- Биреуню тёрюнден, кесинги эшик артынг игиди.
- Биреу ашаб къутулур, биреу джалаб тутулур.
- Аджалсыз ёлюм болмаз.
- Акъылсызны джууукъгъа алма, акъыллыны кенгнге салма.
- Татлы сёз – балдан татлы.
- Aдам боллукъ, сыфатындан белгили.
- Акъыл аздырмаз, билим тоздурмаз.
- Ишлерге уял да, ашаргъа табма.
- Ишни ахырын ойламай, аллын башлама.
- Къая джолда джортма, ачыкъ сёзден къоркъма.
- Чомарт къонакъ юй иесин сыйлар.
- Ёксюзню къалачы уллу кёрюнюр.
- Ойнай-ойнай кёз чыгъар.
- Уллу сёлешме да, уллу къаб.
- Къызбайны юйюне дери сюрсенг, батыр болур.
- Таукелге нюр джауар.
- Агъач – джерни чырайы, кийим – эрни чырайы.
- Къайгъы тюбю – тенгиз.
- Ач къарным, тынч къулагъым.
- Кёз – сюйген джерде, къол – ауругъан джерде.
- Джолунга кёре – джюрюшюнг, джагъанга кёре – юлюшюнг.
- Ёгюзню мюйюзюнден тутадыла, адамны сёзюнден тутадыла.
- Суугъа – таянма, джаугъа – ийнанма.
КАК СКАЧАТЬ МУЗЫКУ?
Читают тему (гостей: 1)