Расширенный поиск
23 Января 2025 года
Логин: Регистрация
Пароль: Забыли пароль?
Навигация
Словарь
  • Итли къонакъ джарашмаз.
  • Чомарт къонакъ юй иесин сыйлар.
  • Аджал соруб келмез, келсе, къайтыб кетмез.
  • Джашда акъыл джокъ, къартда къарыу джокъ.
  • Къарнынг ауруса, ауузунгу тый
  • Ёнгкюч къууана барыр, джылай келир.
  • Аш иеси бла татлыды.
  • Экеулен сёлеше тура эселе, орталарына барыб кирме.
  • Борчунг бар эсе, хурджунунга ойлаб узал.
  • Джуртун къоругъан озар.
  • Арбаз сайлама да, хоншу сайла.
  • Къыз чыгъаргъан – къызыл къымжа.
  • Ариу сёз – къылычдан джити.
  • Эл тойса, тоймагъан, эл къойса, къоймагъан.
  • Тойгъанлыкъ къойгъа джарашады.
  • Этек чакъмакълары баш джаргъан, сёлешген сёзлери таш джаргъан.
  • Экиндини кеч къылсанг, чабыб джетер ашхам.
  • Башсыз урчукъ тюзюне айланмаз.
  • Тойгъан антын унутур.
  • Алим болгъандан эсе, адам болгъан къыйынды.
  • Бойнуму джети джерден кессенг да, мен ол ишни этеллик тюлме.
  • Элге къуллукъ этмеген, элге ие болмаз.
  • Къатын байлыкъны сюер, эр саулукъну сюер.
  • Джангызны оту джарыкъ джанмаз!
  • Ат басханны джер билед.
  • Ариу сёз джыланны орнундан чыгъарыр.
  • Кёб джат да, бек чаб.
  • Акъыллы башны – тили къысха.
  • Джаным-тиним – окъуу, билим.
  • Кёрмегеннге кебек – танг, битмегеннге сакъал – танг.
  • Аллахха ийнаннган кишини, Аллах онгдурур ишин.
  • Эте билген, этген этеди, эте билмеген, юретген этеди!
  • Къонакъ хазыр болгъанлыкъгъа, къонакъбай хазыр тюлдю.
  • Таугъа чыгъаллыкъ эсенг, тюзде къалма.
  • Ёпкелегенни ашы татлы болады.
  • Керти сёзге тёре джокъ.
  • Таула не мийик болсала да, аууш табылыр.
  • Тойгъан джерге джети къайт.
  • Къарны аманнга къазан такъдырма, къолу аманнга от джакъдырма.
  • Джаханимни кёрмей, джандетге кёл салмазса.
  • Тили узунну, намысы – къысха.
  • Бозанг болмагъан джерге, къалагъынгы сукъма.
  • Тау башында, тау болмаз, джангыз терек, бау болмаз.
  • Атлыны кёрсе, джаяуну буту талыр.
  • Ёзденликни кёбю ётюрюк.
  • Мадар болса, къадар болур.
  • Ауурну тюбю бла, дженгилни башы бла джюрюген.
  • Чыкълы кюнде чыкъмагъан, чыкъса къуру кирмеген.
  • Ана къолу ачытмаз.
  • Ата Джуртча джер болмаз, туугъан элча эл болмаз.

Аудио

Узденов Кямал

Файлов: 4

Обновлен: 06.07.2017

  • Узденов Кямал Джигитни джыры
(Голосов: 5, Рейтинг: 5)

Описание

Дата: 15.10.2014
Прослушиваний: 2502
Скачиваний: 302
Размер: 6.87 МБ
Текст песни:
Музыка и стихи Азрет-Али Байрамукова.

Кеслерин сюйдюрген
Тамаша джуртлада,
Тёгерекни джырларым сагъайта,
Тенгизча чайкъалгъан
Къатапа сыртлада
Мен барама, атымы ойната.

Припев:
Къарлы таулагьа,
Шоркъа суулагъа
Илешгенди джюрегим.
Джюрек къылымда,
Сокъгъан джырымда
Айтылады сюйгеним!

Минги Тау ышара,
Булутдан къарайды,
Джаш джюрекни чакъыра кесине,
Аны чал тёппесин
Джарыкъ кюн тарайды,
Окъа чепкен кийдириб юсюне...

Припев.

Комментариев нет

  • Зарегистрируйтесь чтобы пользоваться плейлистом.