Расширенный поиск
27 Июля 2024 года
Логин: Регистрация
Пароль: Забыли пароль?
Навигация
Словарь
  • Огъурлуну сёзю – суу, огъурсузну сёзю – уу.
  • Кёзюнде тереги болгъан, чёбю болгъаннга кюле эди.
  • Телини эшигин, махтау джабар.
  • Тенгни тенглиги джашай барсанг билинир.
  • Тил бла келеди джыр да.
  • Джаш къарыу бла кючлю, къарт акъыл бла кючлю.
  • Суу ичген шауданынга тюкюрме.
  • Ишлегенден, къарагъан уста.
  • Тели турса – той бузар.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Къаллай салам берсенг, аллай джууаб алырса.
  • Аджашхан тёгерек айланыр.
  • Къолу уллу – асыу, аягъы уллу – джарсыу.
  • Алгъанда – джууукъ, бергенде – джау.
  • Тюзлюк шохлукъну бегитир.
  • Ёгюзню мюйюзлери ауурлукъ этмейдиле.
  • Къая джолда джортма, ачыкъ сёзден къоркъма.
  • Иги сеники эсе да, сюйген кесимикин этеме.
  • Аманнга алтын чыдамаз.
  • Эл элде бирер малынг болгъандан эсе, бирер тенгинг болсун.
  • Чалманны аллы къалай башланса, арты да алай барады.
  • Къонакъ аз олтурур, кёб сынар.
  • Байма, деб да, къууанма, джарлыма, деб да, джылама.
  • Чомарт къонакъ юй иесин сыйлар.
  • Шапа кёб болса, аш татымсыз болур.
  • Бир онгсуз адам адет чыгъарды, деб эштирик тюлсе.
  • Билмезни кёзю кёрмез, этмезни къулагъы эшитмез.
  • Бал ашаргъа сюе эсенг, чибин ургъаннга тёз.
  • Аллахдан тилесенг, кёб тиле.
  • Онгсузну – джакъла, тенгликни – сакъла.
  • Айранны сюйген, ийнек тутар.
  • Сёз – кюмюш, джыр – алтын.
  • Акъыллы айтыр эди, акъылсыз къоймайды.
  • Чабакъгъа акъыл, табагъа тюшсе келеди.
  • Аман адамны тепсинге олтуртсанг, къызынгы тилер.
  • Кюн – узун, ёмюр – къысха.
  • Аманны тукъумуна къарама, игини тукъумун сорма.
  • Билгенни къолу къарны джандырыр.
  • Аманны къуугъан, аманлыкъ табар.
  • Арпа, будай – ащды, алтын, кюмюш а – ташды.
  • Кёлю джокъну – джолу джокъ.
  • Сакъалы текени да бар, мыйыгъы киштикни да бар.
  • Кийим тукъум сордурур.
  • Нафысынгы айтханын этме, намысынгы айтханын эт.
  • Биреу къой излей, биреу той излей.
  • Ёнгкюч къууана барыр, джылай келир.
  • Арыгъан къош чамчы болур.
  • Экеу тутушса, биреу джыгъылыр.
  • Джюз элде джюз ёгюзюм болгъандан эсе, джюз джууугъум болсун.
  • Кийимни бир кюнню аясанг, минг кюннге джарар.

Аудио

Учкекен (группа)

Файлов: 42

Обновлен: 06.07.2017

  • Учкекен (группа) Ючкекен элим
(Голосов: 5, Рейтинг: 5)

Описание

Дата: 20.06.2014
Прослушиваний: 2407
Скачиваний: 163
Размер: 6 МБ
Текст песни:
Музыка Курман-Али Узденова, стихи Биляла Аппаева.

Кюн тийгенди мийик кёкде, нюрюн чача,
Уллу юйле сюелелле, къалалача,
Къонакъ келсе, эшиклерин кенгнге ача,
Сен джашайса туугъан элим - Ючкекеним.

Чагъадыла этеклеринг - кенг талала,
Гум бойнунда малла джая, чалкъы чала,
Бюгюнюнгден тамблагъа айбат бола,
Сен джашайса туугъан элим - Ючкекеним.

Кёрмегенме сендеча ариу къызланы мен
Ийнан, бирин унутады бирин кёрген, -
Аладыла кёб джашлагъа ауруу берген,
Кюёу айырыб сайлагъан Ючкекеним.

Эскиликни аякълары тутмай, тая,
Джангылыкъгъа къанатларын кенге джая,
Сенге къараб къууанады Къалеж къая,
Туугъан джерим, ариу элим - Ючкекеним.

Джашларынг а учхан къушдан тюк алалла,
Алыб ташны сыкъсала, сют чыгъаралла,
Урунууда кёблеге юлгю болалла...
Джигитлени бешигисе, Ючкекеним.

Джетишимле кёрюнелле къарамынгда,
Уллу шохлукъ къуршча бегиб халкъларынгда,
Шахар тюрсюн кёрюнеди хар орамда,
Туугъан элим, джаным-тиним - Ючкекеним.

Комментариев нет

  • Зарегистрируйтесь чтобы пользоваться плейлистом.