Расширенный поиск
14 Декабря 2018 года
Логин: Регистрация
Пароль: Забыли пароль?
Навигация
Словарь
  • Бетинги сатма, малынгы сат.
  • Ашхы – джыяр, аман – джояр.
  • Эркиши – от, тиширыу – суу.
  • Ёлюк кебинсиз къалмаз.
  • Адамны аманы адамны бети бла ойнар.
  • Игини сыйлагъан адетди.
  • Биреуню къыйынлыгъы бла кесинге джол ишлеме.
  • Ишге юренсин къоллары, халкъ бла болсун джоллары.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Айтханы чапыракъдан ётмеген.
  • Тенгинг джокъ эсе – изле, бар эсе – сакъла!
  • Чомартны къолу берекет.
  • Адеб этмеген, адеб кёрмез.
  • Джумушакъ терекни къурт ашар.
  • Кийим тукъум сордурур.
  • Таякъ этден ётер, тил сюекден ётер.
  • Аллахдан тилесенг, кёб тиле.
  • Босагъагъа джууукъ орун болса, ашыгъыб тёрге озма.
  • Аманны къуугъан, аманлыкъ табар.
  • Тюзню ётмеги тюзде къалса да, тас болмаз.
  • Джарлы джети элни сёзюн этер.
  • Бюгюн дуния кибик, тамбла ахыратды.
  • Элиб деген, элге болушур.
  • Ана – юйню кюн джарыгъы.
  • Чакъырылмагъан къонакъ – орунсуз.
  • Намысы болмагъанны, сыйы болмаз.
  • Эки ойлашыб, бир сёлешген.
  • Къолунгдан къуймакъ ашатсанг да, атаны борчундан къутулмазса.
  • Насыблы элин сюер, насыбсыз кесин сюер.
  • Къонакъны къачан кетерин сорма, къачан келлигин сор.
  • Ата Джуртча джер болмаз, туугъан элча эл болмаз.
  • Окъдан джара эртде-кеч болса да бителир, сёз джара, ёмюрге къалыр.
  • Ишни аллы бла къууанма да, арты бла къууан.
  • Тойгъан джерге джети къайт.
  • Ач къарынны, токъ билмез
  • Хар ишни да аллы къыйынды.
  • Къонакъ кёб келюучю юйню, къазаны отдан тюшмез.
  • Джаханимни кёрмей, джандетге кёл салмазса.
  • Ана кёлю – балада, бала кёлю – талада.
  • Рысхы – насыбха къор.
  • Тюкюрюк баш джармаз, налат кёз чыгъармаз!
  • Къарыусузгъа кюлме, онгсузгъа тийме.
  • Ургъан суудан башынгы сакъла.
  • Тик ёргени, тик энгишгеси да болады.
  • Атлыны ашхысы, ат тизгининден билинир
  • Кёз – сюйген джерде, къол – ауругъан джерде.
  • Къатын байлыкъны сюер, эр саулукъну сюер.
  • Тил – миллетни джаны.
  • Башда акъыл болмаса, эки аякъгъа кюч джетер.
  • Халкъны юйю – туугъан джери.

Аудио

Салам (группа)

Файлов: 41

Обновлен: 06.07.2017

  • Салам (группа) Таулу къызчыкъ Роза
(Голосов: 1, Рейтинг: 5)

Описание

Дата: 20.05.2014
Прослушиваний: 1688
Скачиваний: 211
Размер: 8.59 МБ
Текст песни:
Музыка Маджита Ногайлиева, стихи Хусея Джаубаева.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Къобан сууну тазалыгъы — иннетингде,
Джашил джазны айбатлыгъы — бетингде:
Таулу къызчыкъ Роза, джашайса джырымда,
Эсимдесе хар кюнюмде, джылымда.

Кюн таякъны сейир нюрю — къарамынгда,
Джаш кёлюмю джарытхан саламынгда:
Таулу къызчыкъ Роза, манга сёз берсенг а —
Юйюме да, джюрекгеча, кирсенг а.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Комментариев нет

  • Зарегистрируйтесь чтобы пользоваться плейлистом.