Расширенный поиск
27 Июля 2024 года
Логин: Регистрация
Пароль: Забыли пароль?
Навигация
Словарь
  • Онгсузну – джакъла, тенгликни – сакъла.
  • Ашда – бёрю, ишде – ёлю.
  • Ачны эсинде – аш.
  • Къонакъ хазыр болгъанлыкъгъа, къонакъбай хазыр тюлдю.
  • Атлыны ашхысы, ат тизгининден билинир
  • Айныгъанлы алты кюн, тогъайгъанлы тогъуз кюн.
  • Юй кюйдю да, кюйюз чыкъды, ортасындан тюйюш чыкъды.
  • Аман адам этегингден тутса, кес да къач.
  • Урунуу – насыбны анасы.
  • Чалманны аллы къалай башланса, арты да алай барады.
  • Сёз къанатсыз учар.
  • Джюрекден джюрекге джол барды.
  • Джырчы джырчыгъа – къарнаш.
  • Джаралыны джастыгъында сау ёлюр.
  • Тай асырагъан, атха минер.
  • Чакъырылмагъан джерге барма, чакъырылгъан джерден къалма.
  • Ачлыкъ отха секиртир.
  • Сёлеш деб шай берген, тохта деб, сом берген.
  • Кёрмегеннге кебек – танг, битмегеннге сакъал – танг.
  • Эл ауузу – элек, анга ийнаннган – халек.
  • Хар зат кесини орнуна иги.
  • Дуния аламаты сен эсенг да, игиме деб айтма.
  • Джан саулукъ бермей, сан саулукъ бермезсе.
  • Къызны минг тилер, бир алыр.
  • Тау башында, тау болмаз, джангыз терек, бау болмаз.
  • Бойнуму джети джерден кессенг да, мен ол ишни этеллик тюлме.
  • Джаш болсун, къыз болсун, акъылы, саны тюз болсун.
  • Ёгюзню мюйюзлери ауурлукъ этмейдиле.
  • Къан бла кирген, джан бла чыгъар.
  • Ашлыкъ – бюртюкден, джюн – тюкден.
  • Къыйынлы джети элге оноу этер.
  • Юйюнг бла джау болгъандан эсе, элинг бла джау бол.
  • Хар сёзню орну барды.
  • Къобан да къуру да къобханлай турмайды, адам да къуру да патчахлай турмайды.
  • Эшекге миннген – биринчи айыб, андан джыгъылгъан – экинчи айыб.
  • Тамчы таш тешер.
  • Аууздан келген, къолдан келсе, ким да патчах болур эди.
  • Таукел къуру къалмаз.
  • Адеб этмеген, адеб кёрмез.
  • Бёрю да ач къалмасын, эчки да ашалмасын.
  • Джырына кёре эжиую.
  • Ханы къызы буюгъа-буюгъа киштик болду.
  • Сёз садакъдан кючлюдю.
  • Къызбайны юйюне дери сюрсенг, батыр болур.
  • Къайтырыкъ эшигинги, къаты уруб чыкъма.
  • Ётюрюкню къуйругъу – бир тутум.
  • Терслик кетер, тюзлюк джетер.
  • Элиб деген, элге болушур.
  • Баш – акъыл ючюн, акъылман – халкъ ючюн.
  • Чабакъ башындан чирийди.

Аудио

Тенглик (группа)

Файлов: 2

Обновлен: 06.07.2017

  • Тенглик (группа) Солдатны ахыр письмосу
(Голосов: 2, Рейтинг: 5)

Описание

Дата: 14.12.2013
Прослушиваний: 1527
Скачиваний: 66
Размер: 8.46 МБ
Текст песни:
музыка Марата Кочкарова
стихи Зуфара Сарбашева

Мен сенден кенгде къалгъанма, анам, 
Алай болур эд джазыум.
Ахыр письмома къалай сыйынсын,
Сангады джюрек джарсыум.

Бетинге къараб, мен ант этгенем 
Душманнга таджал тюберге, 
Сауутум къолдан тюшмейди джерге,
Барса да аджал биргеме. 

Юй мюйюшюнде джангыз олтуруб,
Джылама, мени эскере. 
Ата Джурт ючюн кёбле ёлелле, 
Ана табылмайд аскерде. 

Картымы алыб, эсге тюшюре,
Намыслы ёлген джашым, де! 
Уллу Хорламны байрагъын алыб,
Тенглерим келирле элге. 

Мен сенден кенгде къалгъанма, анам, 
Алай болур эд джазыум. 
Ахыр письмома къалай сыйынсын, 
Сангады джюрек джарсыуум.

Комментариев нет

  • Зарегистрируйтесь чтобы пользоваться плейлистом.