Расширенный поиск
6 Октября 2024 года
Логин: Регистрация
Пароль: Забыли пароль?
Навигация
Словарь
  • Халкъны джырын джырласанг, халкъ санга эжиу этер.
  • Джырчы джырчыгъа – къарнаш.
  • Аз сёлешген, къайгъысыз турур.
  • Мен да «сен», дейме, сен да «кесим», дейсе.
  • Иги – алгъыш этер, аман – къаргъыш этер.
  • Намысы болмагъанны, сыйы болмаз.
  • Къарнынг къанлынга кийирир.
  • Ойнай-ойнай кёз чыгъар.
  • Ёлген эшек бёрюден къоркъмайды.
  • Гитче джилтин уллу элни джандырыр.
  • Телиге от эт десенг, юйюнге от салыр.
  • Билим ат болуб да чабар, къуш болуб да учар.
  • Сабыр джетер муратха, сабырсыз къалыр уятха.
  • Тойну къарнашы – харс, джырны къарнашы – эжиу.
  • Кёзюнде тереги болгъан, чёбю болгъаннга кюле эди.
  • Алтыда кюлмеген, алтмышда кюлмез.
  • Тойгъанлыкъ къойгъа джарашады.
  • Къарт айтханны этмеген, къартаймаз.
  • Тойчу джашха къарама, къойчу джашха къара.
  • Этни бети бла шорпасы.
  • Къалгъан ишге къар джауар.
  • Ёпкелегенни ашы татлы болады.
  • Юй ишлеген балта эшикде къалыр.
  • Мураты болгъанны джюрек тебюую башхады.
  • Тёзген – тёш ашар!
  • Акъыллы башны – тили къысха.
  • Ач отунчуну ачыуу – бурнунда.
  • Сёз сёзню айтдырыр.
  • Таш ата билмеген, башына урур.
  • Ёлген аслан – сау чычхан.
  • Кёзю сокъурдан – къоркъма, кёлю сокъурдан – къоркъ.
  • Кесинг сынамагъан затны, адамгъа буюрма.
  • Айыбны суу бла джууалмазса.
  • Айырылгъанланы айю ашар, бёлюннгенлени бёрю ашар.
  • Билимли ёлмез, билимсиз кёрмез.
  • Насыб бютеу халкъны юлюшюдю.
  • Азыкълы ат арымаз, къатыны аман джарымаз.
  • Джумушакъ сёз къаты таякъны сындырыр.
  • Къонакъны къачан кетерин сорма, къачан келлигин сор.
  • Адамны сабийин сюйген джюреги, бычакъча, джитиди.
  • Ким бла джюрюсенг, аны кёзю бла кёрюнюрсе.
  • Эм ашхы къайын ана мамукъ бла башынгы тешер.
  • Ишлегенде эринме, ишде чолакъ кёрюнме.
  • Джангыз терек къынгыр ёсер.
  • Артына баргъанны, къатына барма.
  • Кюл тюбюндеги от кёрюнмейди.
  • Кёзню ачылгъаны – иги, ауузну джабылгъаны – иги.
  • Мал ёлсе, сюек къалыр, адам ёлсе, иши къалыр.
  • Алгъанда – джууукъ, бергенде – джау.
  • Къоркъакъны кёзю экили кёрюр.

Аудио

Байчоров Азрет

Файлов: 4

Обновлен: 06.07.2017

  • Байчоров Азрет Заманыма къайыталмасам
(Голосов: 1, Рейтинг: 4)

Описание

Дата: 11.12.2013
Прослушиваний: 1254
Скачиваний: 50
Размер: 6.28 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.