Расширенный поиск
30 Апреля 2025 года
Логин: Регистрация
Пароль: Забыли пароль?
Навигация
Словарь
  • Рысхысына кёре, джаш ёсер, къышлыгъына кёре, мал ёсер.
  • Иги сеники эсе да, сюйген кесимикин этеме.
  • Кийим тукъум сордурур.
  • Къатын байлыкъны сюер, эр саулукъну сюер.
  • Билмейме деген – бир сёз
  • Джарашыу сюйген – джалынчакъ.
  • Ишлемеген – тишлемез.
  • Иги сёз – джаннга азыкъ, аман сёз башха – къазыкъ.
  • Ата – баланы уясы.
  • Ариу – кёзге, акъыл – джюрекге.
  • Эте билген, этген этеди, эте билмеген, юретген этеди!
  • Акъылсызны джууукъгъа алма, акъыллыны кенгнге салма.
  • Башы джабылгъан челекге, кир тюшмез.
  • Айырылмаз джууугъунга, унутмаз сёзню айтма.
  • Сакъалы текени да бар, мыйыгъы киштикни да бар.
  • Биреуге аманлыкъны тилеме да, кесинге ашхылыкъны тиле.
  • Къарнынг тойгъунчу аша да, белинг талгъынчы ишле.
  • Мухарны эси – ашарыкъда.
  • Иги адамны бир сёзю эки болмаз.
  • Аманны эки битли тону болур, бирин сеннге кийдирир, бирин кеси киер.
  • Къобан да къуру да къобханлай турмайды, адам да къуру да патчахлай турмайды.
  • Таугъа чыгъаллыкъ эсенг, тюзде къалма.
  • Чалманны аллы къалай башланса, арты да алай барады.
  • Кечеси – аяз, кюню – къыш, джарлы къаргъагъа бир аш тюш!
  • Ёнгкюч къууана барыр, джылай келир.
  • Хоншуну тауугъу къаз кёрюнюр, келини къыз кёрюнюр.
  • Ашхы атаны – джашы ашхы, ашхы ананы – къызы ашхы.
  • Кютгени беш эчки, сызгъыргъаны уа, джерни джарады.
  • Тил – кесген бычакъ, сёз – атылгъан окъ.
  • Тура эдим джата, къайдан чыкъды хата?
  • Окъуу – билимни ачхычы, окъуу – дунияны бачхычы.
  • Адеб джокъда, намыс джокъ.
  • Эм ашхы къайын ана мамукъ бла башынгы тешер.
  • Окъугъан озар, окъумагъан тозар.
  • Окъдан джара эртде-кеч болса да бителир, сёз джара, ёмюрге къалыр.
  • Уллу къазанда бишген эт, чий къалмаз.
  • Хатерли къул болур.
  • Алтыда кюлмеген, алтмышда кюлмез.
  • Шапа кёб болса, аш татымсыз болур.
  • Ётюрюкден тюбю джокъ, кёлтюрюрге джиби джокъ.
  • Тёрдеги кюлсе, эшикдеги ышарыр.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Ауругъанны сау билмез, ач къарынны токъ билмез.
  • Ишин билген, аны сыйын чыгъарады.
  • Къан бла кирген, джан бла чыгъар.
  • Рысхы – сют юсюнде кёмюк кибикди.
  • Джаным-тиним – окъуу, билим.
  • Иши джокъну, сыйы джокъ.
  • Аманны тукъумуна къарама, игини тукъумун сорма.
  • Ким бла джюрюсенг, аны кёзю бла кёрюнюрсе.

Аудио

Узденов Альберт

Файлов: 48

Обновлен: 06.07.2017

  • Узденов Альберт Джашлыгъым
(Голосов: 1, Рейтинг: 5)

Описание

Дата: 10.11.2013
Прослушиваний: 4146
Скачиваний: 1055
Размер: 7.39 МБ
Текст песни:
Музыка и стихи Альберта Узденова.

Кетген кече бир сейирлик тюш кёрдюм,
Къушча учуб бара эди джашлыгъым,
Бек тансыкълаб, джеталмасам деб, кёб сюрдюм,
Уча эдим, джел-джел эте башлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Алдагъанны алдагъанын билгенде,
Алдайса деб,айталмагъан джашлыгъым!
Ол тазалыкъ джокъду бюгюн биргемде,
Алыб кетди къайталмагъан джашлыгъым!

Припев:
Джеталмадым, джеталмадым мен аны,
Къайтарыргъа бармыд мадар заманны?

Бюгюнлюкде тюшлерими джокълагъан,
Насыбы кёб, сагъышы аз джашлыгъым!
Джокъду къачхы булутда да сокъмагъы,
Келлик джаз бла да къайталмаз джашлыгъым.

Припев:
Джеталмадым, джеталмадым мен аны,
Къайтарыргъа бармыд мадар заманны?

Комментариев нет

  • Зарегистрируйтесь чтобы пользоваться плейлистом.