Расширенный поиск
27 Января 2023 года
Логин: Регистрация
Пароль: Забыли пароль?
Навигация
Словарь
  • Эллинг бла джау болсанг да, юйюнг бла джау болма.
  • Душманны тышы – акъ, ичи – къара.
  • Ана кёлю – балада, бала кёлю – талада.
  • Аман эсирсе, юйюн ояр.
  • Иесиз малны бёрю ашар.
  • Накъырда – кертини келечиси.
  • Чоюнну башы ачыкъ болса, итге уят керекди.
  • Ашхы тенг джолгъа салыр, аман тенг джолдан тайдырыр.
  • Аманны эки битли тону болур, бирин сеннге кийдирир, бирин кеси киер.
  • Хазыр ашха – терен къашыкъ.
  • Джаш къарыу бла кючлю, къарт акъыл бла кючлю.
  • Иги адамны бир сёзю эки болмаз.
  • Джукъу тёшек сайламайды.
  • Тай асырагъан, атха минер.
  • Шайтан алдады, тюзлюк къаргъады.
  • Аджаллыгъа окъсуз шкок атылыр.
  • Тиширыусуз юй – отсуз от джагъа.
  • Окъугъанны бети джарыкъ.
  • Айраннга суу къош, телиге джол бош.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Къайгъы тюбю – тенгиз.
  • Хата – гитчеден.
  • Къолунгдан къуймакъ ашатсанг да, атаны борчундан къутулмазса.
  • Тешик этген тынчды, аны джамагъан къыйынды.
  • Aдам боллукъ, сыфатындан белгили.
  • Ёнгкюч къууана барыр, джылай келир.
  • Ишге юренсин къоллары, халкъ бла болсун джоллары.
  • Къолу уллу – асыу, аягъы уллу – джарсыу.
  • Кесинге джетмегенни, кёб сёлешме.
  • Къонагъы джокъну – шоху джокъ.
  • Кёл ашады да, кеси ашады.
  • Ёгюзню мюйюзюнден тутадыла, адамны сёзюнден тутадыла.
  • Насыблы элин сюер, насыбсыз кесин сюер.
  • Огъурлуну сёзю – суу, огъурсузну сёзю – уу.
  • Билгенни къолу къарны джандырыр.
  • Окъдан джара эртде-кеч болса да бителир, сёз джара, ёмюрге къалыр.
  • Миллетни бойну – базыкъ, аны бла кюрешген – джазыкъ.
  • Къанны къан бла джуума, аманны аман бла къуума.
  • Ат басханны джер билед.
  • Джырчы джырчыгъа – къарнаш.
  • Махтаннган къыз, тойда джукълар.
  • Билими азны – ауузунда кирит.
  • Ач келгенни – тойдур, кеч келгенни – къондур.
  • Башы джабылгъан челекге, кир тюшмез.
  • Къошда джокъгъа – юлюш джокъ.
  • Бети къызарыучу адамны, джюреги харам болмаз.
  • Суу да къайтады чыкъгъан джерине.
  • Джашны джигитлиги сорулур, къызны джигерлиги сорулур.
  • Тёрени джагъы джокъ.
  • От кюйдюрген, сау болса да, тот кюйдюрген, сау болмаз.

Аудио

Дауров Марат

Файлов: 9

Обновлен: 10.07.2017

  • Дауров Марат Сен ариугъа
(Голосов: 2, Рейтинг: 5)

Описание

Дата: 11.09.2013
Прослушиваний: 1234
Скачиваний: 58
Размер: 9.02 МБ
Текст песни:
Музыка Абидина Байчекуева, стихи Иссы Боташева.

Сени къара чачынг табанынга джете,
Кёзлеринг кёзюр ойнайла.
Узун кирпиклеринг кёзлеринги джаба,
Джарыкълыгъынгы джашыралла.

Сенден ариу болмаз, ой джерни юсюнде,
Ариулугъунг ай бла эрише.
Сюймеклик къапханнга тюшгенме, ариуум,
Къыйналмам чыгъаргъа кюреше.

Терк-терк кёралмасам мен, саннга тансыкъдан
Джюрегим отда кюеди.
Башым къой десе да, унамай джюрегим,
Сени джюрегим бла сюеди.

Бир къарасанг а сен мени кёзюме,
Нечик бек ушайса сен айгъа,
Бармаз джериме да барама мен, ариуу,
Тепсей билмей, сен баргъан тойгъа.

Сен а абезекни ариу тепсейсе ,
Ариу чабакъ кёлде джюзгенча.
Мен сен ариучукъну чексиз бек сюеме
Дахир Зухураны сюйгенча.

Комментариев нет

  • Зарегистрируйтесь чтобы пользоваться плейлистом.