Расширенный поиск
18 Января  2019 года
Логин: Регистрация
Пароль: Забыли пароль?
  • Ашаса, ашамаса да, бёрюню ауузу – къан.
  • Хантына кёре тузу, юйюне кёре къызы.
  • Джырчы ёлсе, джыры къалыр.
  • Бир абыннган – минг сюрюнюр.
  • Аш хазыр болса, иш харам болур.
  • Магъанасыз сёз – тауушсуз сыбызгъы.
  • Кесине оноу эте билмеген, халкъына да эте билмез.
  • Ауругъан – джашаудан умутчу.
  • Тил – миллетни джаны.
  • Ачны эсинде – аш.
  • Байлыкъ тауусулур, билим тауусулмаз.
  • Ариу сёз – къылычдан джити.
  • Ким бла джюрюсенг, аны кёзю бла кёрюнюрсе.
  • Абынмазлыкъ аякъ джокъ, джангылмазлыкъ джаякъ джокъ.
  • Билгенни къолу къарны джандырыр.
  • Эшекни не къадар тюйсенг да, ат болмаз.
  • Тынгылагъан тынгы бузар.
  • Артына баргъанны, къатына барма.
  • Ишлегенде эринме, ишде чолакъ кёрюнме.
  • Аджалсыз ёлюм болмаз.
  • Бермеген къол, алмайды.
  • Рысхысына кёре, джаш ёсер, къышлыгъына кёре, мал ёсер.
  • Бек анасы джыламаз.
  • Хар ишни да аллы къыйынды.
  • Кёкдеги болмаса, джердегин кёрмейди.
  • Къарт айтханны этмеген, къартаймаз.
  • Биреуню эскиси биреуге джангы болмайды.
  • Ата Джуртча джер болмаз, туугъан элча эл болмаз.
  • Кесинг сынамагъан затны, адамгъа буюрма.
  • Уллу къашыкъ эрин джыртар.
  • Ата джурт – алтын бешик.
  • Къоркъакъны кёзю экили кёрюр.
  • Биреуге кёлтюрген таягъынг, кесинги башынга урур.
  • Баш болса, бёрк табылыр.
  • Билимсиз иш бармаз.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ашхы сёз таш тешер.
  • Элни кючю – эмеген.
  • Ариу сёз – джаннга азыкъ, аман сёз – башха къазыкъ.
  • Чабар ат – джетген къыз.
  • Хар адамгъа кеси миннген тау кибик.
  • Аман адам этегингден тутса, кес да къач.
  • Билим къая тешер.
  • Джашынгы кесинг юретмесенг, джашау юретир.
  • Къайгъы тюбю – тенгиз.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Къонакъ хазыр болгъанлыкъгъа, къонакъбай хазыр тюлдю.
  • Хансыз джомакъ болмаз.
  • Къартха ушагъан джаш – акъыллы, джашха ушагъан къарт – тели.
  • Бастасын ашагъан, хантусун да ичер.

Дауров Марат

Файлов: 9

Обновлен: 10.07.2017

  • Дауров Марат Къарачайым-Малкъарым
(Голосов: 1, Рейтинг: 4)

Описание

Дата: 11.09.2013
Прослушиваний: 518
Скачиваний: 19
Размер: 10.15 МБ
Текст песни:
Музыка Бориса Турклиева, стихи Нори Созарукова.

Деу аланла зорчуладан, джауладан
Кёб ёмюрлени Аллах бла сакъланнган,
Сейир джуртну эркелете, ийнакълай,
Биз джашайбыз - Малкъар бла Къарачай!

«Бу дунияны джандети» деб аталгъан
Тау джерибиз махтау бла айтылгъан.
Сууларыбыз – тамам кюмюш белибау,
Къууанчыбыз – эки башлы Минги Тау.

Припев:
Къарачайым-Малкъарым,
Эгибиз да – эки учар къанатым,
Бир миллетден джаратылгъан эки халкъ,
Шох турабыз, бир-бирге болуб джакъ.

Тамаданы сыйлаб, орун бергенле,
Тиширыуну ана къачын кёргенле,
Къартларыбыз – тюз оноулу, келбетли,
Джаш тёлюбюз – тау намыслы, адебли.

Къыйын кюнде шохун-тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ, ачыу сынамагъыз ёмюрде!

Припев.

Комментариев нет

  • Зарегистрируйтесь чтобы пользоваться плейлистом.