Расширенный поиск
20 Февраля 2019 года
Логин: Регистрация
Пароль: Забыли пароль?
Навигация
Словарь
  • Тойгъандан сора, ашны сёкме.
  • Татлы сёз – балдан татлы.
  • Кюл тюбюндеги от кёрюнмейди.
  • Эшекни не къадар тюйсенг да, ат болмаз.
  • Аманны къуугъан, аманлыкъ табар.
  • Урунуу – насыбны анасы.
  • Юреннген ауруу къалмаз.
  • Джюрекге ариу – кёзге да ариу.
  • Чакъырылмагъан къонакъ тёрге атламаз.
  • Атлыны кёрсе, джаяуну буту талыр.
  • Ариу джол аджал келтирмез.
  • Сютден ауузу кюйген, суугъа юфгюре эди.
  • Экеу тутушса, биреу джыгъылыр.
  • Берекет берсин деген джерде, берекет болур.
  • Ишлерге уял да, ашаргъа табма.
  • Ёгюзню мюйюзюнден тутадыла, адамны сёзюнден тутадыла.
  • Къыйынлы джети элге оноу этер.
  • Джарлыны тону джаз битер.
  • Къонагъы джокъну – шоху джокъ.
  • Къатын байлыкъны сюер, эр саулукъну сюер.
  • Кёлсюзден сёзсюз тууар.
  • Биреуню тёрюнден, кесинги эшик артынг игиди.
  • Хар зат кесини орнуна иги.
  • Тёзгеннге, джабылгъан эшик ачылыр.
  • Къар – келтирди, суу – элтди.
  • Къолунгдан къуймакъ ашатсанг да, атаны борчундан къутулмазса.
  • Ач къарынны, токъ билмез
  • Дуния малгъа сатылма, кесингден телиге къатылма.
  • Къонагъынгы артмагъын алма да, алгъышын ал.
  • Хатерли къул болур.
  • Суу ичген шауданынга тюкюрме.
  • Къолу уллу – асыу, аягъы уллу – джарсыу.
  • Айраннга суу къош, телиге джол бош.
  • Юйюнгден чыкъдынг – кюнюнгден чыкъдынг.
  • Джангыз торгъай джырламаз.
  • Сагъыш – къартлыкъгъа сюйюмчю.
  • Адамны джюреги нени кёрюрге сюйсе, кёзю да аны кёрюрге ёч болады.
  • Телиге от эт десенг, юйюнге от салыр.
  • Къошда джокъгъа – юлюш джокъ.
  • Биреуге кёлтюрген таягъынг, кесинги башынга урур.
  • Биреу къой излей, биреу той излей.
  • Джан саулукъ бермей, сан саулукъ бермезсе.
  • Айыбны суу бла джууалмазса.
  • Битмегеннге сакъал – танг.
  • Къарт болгъан джерде, берекет болур, сабий болгъан джерде, оюн болур.
  • Къайгъы тюбю – тенгиз.
  • Нарт сёз къарт болмаз.
  • Махтаннган къыз, тойда джукълар.
  • Акъыллы – эл иеси, тели – эл баласы.
  • Чабакъ башындан чирийди.

Аудио

Дауров Марат

Файлов: 9

Обновлен: 10.07.2017

  • Дауров Марат Къарачайны Къадау ташы
(Голосов: 2, Рейтинг: 4.5)

Описание

Дата: 11.09.2013
Прослушиваний: 590
Скачиваний: 33
Размер: 6 МБ
Текст песни:
Музыка и стихи Башира Батчаева.

Къарачайны Къадау ташын
Таудан ургъан салкъын аяз сылайды.
Деу Къарчаны бёгек джашын
Кюн кесине нёгерликге сайлайды.

Припев:
Бир джарлыны юзмей ашын,
Тау миллетим къыйыны бла джашайды.
Къум тюзледе да тутханд башын,
Уясына къайтхан къушха ушайды.

Кёре джерни сууукъ къышын,
Малчы къоюн, тууарын да къурайды.
Къарачайны Къадау ташын
Ай сылаб да, туурасындан къарайды.

Припев.

Таулу къызны кёзюн, къашын
Тау джитиден Чолпан джулдуз марайды.
Къарачайны Къадау ташын
Ёхтем таулу огъурлукъгъа санайды.

Припев.

Комментариев нет

  • Зарегистрируйтесь чтобы пользоваться плейлистом.