Расширенный поиск
27 Октября 2024 года
Логин: Регистрация
Пароль: Забыли пароль?
Навигация
Словарь
  • Эртде тургъан бла эртде юйленнген сокъуранмаз.
  • Кёпюр салгъан кеси ётер, уру къазгъан кеси кетер.
  • Адебни адебсизден юрен.
  • Джаз бир кюнню джатсанг, къыш талай кюнню абынырса.
  • Насыб бютеу халкъны юлюшюдю.
  • Ишни ахырын ойламай, аллын башлама.
  • Тил – кесген бычакъ, сёз – атылгъан окъ.
  • Соргъан айыб тюлдю, билмеген айыбды.
  • Келинин тута билмеген, къул этер, къызын тута билмеген, тул этер.
  • Ёлген ийнек сютлю болур.
  • Бюгюн дуния кибик, тамбла ахыратды.
  • Айтхан сёзюне табылгъан.
  • Юре билмеген ит, къонакъ келтирир.
  • Аманнга алтын чыдамаз.
  • Ачны эсинде – аш.
  • Ауругъанны сау билмез, ач къарынны токъ билмез.
  • Гырджын – тепсини тамадасы.
  • Адамгъа аман кюн соруб келмейди.
  • Хоншуну тауугъу къаз кёрюнюр, келини къыз кёрюнюр.
  • Тиширыусуз юй – отсуз от джагъа.
  • Урама да – ёледи, сатама да – келеди.
  • Ач къарынны, токъ билмез
  • Танг атмайма десе да, кюн къоярыкъ тюйюлдю.
  • Таукелге нюр джауар.
  • Къулакъдан эсе, кёзге ышан.
  • Мени джылытмагъан кюн, меннге тиймесин!
  • Аджалсыз ёлюм болмаз.
  • Къарнынг ауруса, ауузунгу тый
  • Джангызны оту джарыкъ джанмаз!
  • Шайтан алдады, тюзлюк къаргъады.
  • Къозулугъунда тоймагъан, къойлугъунда тоймаз.
  • Алим болгъандан эсе, адам болгъан къыйынды.
  • Джарлы джети элни сёзюн этер.
  • Билим къая тешер.
  • Артына баргъанны, къатына барма.
  • Мал кёб болса, джууукъ кёб болур.
  • Ишлерге уял да, ашаргъа табма.
  • Айтылгъан сёз ызына къайтмаз.
  • Ана къолу ачытмаз.
  • Огъурлуну сёзю – суу, огъурсузну сёзю – уу.
  • Тёзген – тёш ашар!
  • Тойгъандан сора, ашны сёкме.
  • Тыш элде солтан болгъандан эсе, кесинги элде олтан болгъан игиди!
  • Ёлюк кебинсиз къалмаз.
  • Кёлю джокъну – джолу джокъ.
  • Мухарны эси – ашарыкъда.
  • Тил бла келеди джыр да.
  • Эркишини аманы тиширыуну джылатыр.
  • Аман къатын сабий табса, бий болур…
  • Ашын ашагъанынгы, башын да сыйла.

Аудио

Отаров Омар

Файлов: 265

Обновлен: 06.07.2017

  • Отаров Омар Къайтукъ улу Сары-Асланбек
(Голосов: 2, Рейтинг: 5)

Описание

Дата: 11.04.2013
Прослушиваний: 2160
Скачиваний: 641
Размер: 5.55 МБ
Текст песни:
муз. и сл. народные

Лезгуар да тарында, дейди,
Бурчакъ-бурчакъ акъ туманла къайнайла,
Ой, алай да, ой, къайнайла.
Аланы ичинде чыгыр да башлы
Бу къара къушла ойнайла, ой-ой.
Ала чыгыр башлы, дейди,
Къара къушла алайда, ой, болмазла, -
Ала Къайтукъ улу Сары-Асланбекни джыйгъан а джыйыны, ой-ой.
Ала келе келиб, дейди,
Лезгуар къулагъында уа тохталла.
Ала сауутларын шаптал тереклеге сора такъдыла, ой-ой.
Къанукълагъа барыргъа, дейди,
Эки чий ёзденни ала, о-ой, сайлалла.
Сора экинчи кюн ала тебиреб, Къанукъалагъа баралла, ой-ой.
Ала уа келелле, дейди,
Ёзен сабанлада алай, о-ой, джортаракъ,
Эй-хей, Къанукълары къараб, аланы дурус кёрмелле, ой-ой.
Ала ол хапарны, дейди,
Базыкъ Эсеннге уа дженгил бердиле.
Батыр базыкъ Эсен кёзюлдюреуюклерин сермеб къарады, ой-ой.
- Алчыгъыз, эй джашла, - деди, -
Кёзюлдюреуюк бла сиз да къарагъыз,
Кимле болгъанларын, кимле болгъанларын сиз да таныгьыз, ой-ой.
Кёзюлдюреуюкню, дейди,
Джашла алыб, кезиу-кезиу къаралла.
Дашла келгенлени кимле болгъанларын чыртда танымалла, ой-ой.
- Берчигиз, эй джашла, - деди, -
Энтда кесим джютюлеб бир къарайым. -
Ол къарт базыкъ Эсен кёзюлдюреуюпон алыб къарады, ой-ой.
- Ой, аман джашла, - дейди, -
Къарт кёзле уа сизден иги кёрелле.
Ол эки атлы бизге келечиге алай келелле, ой-ой.
Онг джанында атлы, - дейди, -
Тауну да ичинде ол джашагъан,
Ол да Бий улу уа Сафар-Алий деген а ол болмазмы, ой-ой?
Сол джанында келген, - дейди, -
Урухну да бойнунда ол джашагъан,
Къара-Шауа улу Суртаз-Алий кеси уа болмазмы, ой-ой?
Ала баз келелле, - дейди, -
Чий кюмюшча, атларын джылтыратып,
Бизге келечиге, ала уа кеслерин алай ушатыб, ой-ой.
Ючюнчюсюн айтсам, - дейди, -
Къаракъуйрукъ, къараджалкъа тор атлы.
Аланы ызындан, туман болуб келелле кёб атлы, ой-ой.
Ала Дюгер Маргушха, дейди,
Бир кесекден мычымайын чабдыла.
Чабдыла эсе уа, ала анда аман хата табдыла, ой-ой.
Алайда онгмалла, дейди,
Сора ала Шары таугъа чабдыла.
Къысыр эчкилени, сайлаб-сайлаб, кесиб, ала къабдыла, ой-ой.
Къысыр эчки этден тоюб, дейди,
Ала, джаным, джау кекире, джукълалла.
Чолпан джулдуз чыкъды, сора ала танг атды деб ойлалла, ой-ой.
Ызларындан джетдик, дейди,
Стауатда эчки башланы биз кёрдюк.
Ай джетгенлей, танг алагъа ала бла ачы сермешдик, ой-ой.

Комментариев нет

  • Зарегистрируйтесь чтобы пользоваться плейлистом.