Расширенный поиск
26 Июля 2024 года
Логин: Регистрация
Пароль: Забыли пароль?
Навигация
Словарь
  • Ётюрюкден тюбю джокъ, кёлтюрюрге джиби джокъ.
  • Арба аугъандан сора, джол кёргюзтюучю кёб болур.
  • Сабий болмагъан джерде, мёлек болмаз.
  • Ургъан суудан башынгы сакъла.
  • Къартны сыйын кёрмеген, къартлыгъында сыйлы болмаз.
  • Джюрекге ариу – кёзге да ариу.
  • Джаханимни кёрмей, джандетге кёл салмазса.
  • Ач къалгъандан, кеч къалгъан къолай.
  • Атлыны кёрсе, джаяуну буту талыр.
  • Адамны сабийин сюйген джюреги, бычакъча, джитиди.
  • Айырылмаз джууугъунга, унутмаз сёзню айтма.
  • Бети – къучакълар, джюреги – бычакълар.
  • Байлыкъ тауусулур, билим тауусулмаз.
  • Тёзгеннге, джабылгъан эшик ачылыр.
  • Айтхан – тынч, этген – къыйын.
  • Рысхы – насыбха къор.
  • Махтаннган къыз, тойда джукълар.
  • Кесинг сынамагъан затны, адамгъа буюрма.
  • Бюгюн дуния кибик, тамбла ахыратды.
  • Тиширыусуз юй – отсуз от джагъа.
  • Ишни аллы бла къууанма да, арты бла къууан.
  • Джашынгы кесинг юретмесенг, джашау юретир.
  • Ауузу бла къуш тута айланады.
  • Акъыллы башны – тили къысха.
  • Терслик кетер, тюзлюк джетер.
  • Аджалсыз ёлюм болмаз.
  • Сакъламагъан затынга джолукъсанг, не бек къууанаса, не бек ачыйса.
  • Къартха ушагъан джаш – акъыллы, джашха ушагъан къарт – тели.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Агъач халкъгъа алтынды, иссиликге салкъынды.
  • Иги адам абынса да, джангылмаз.
  • Эркиши – от, тиширыу – суу.
  • Ашхылыкъ джерде джатмайды, аманлыкъ суугъа батмайды.
  • Къыйынлы джети элни къайгъысын этер.
  • Адам сёзюнден белгили.
  • Айранын берсенг, челегин да къызгъанма.
  • Сютню башын джалагъан къутулур, тюбюн ичген тутулур.
  • Уллу суу бла уллу ауруудан башынгы сакъла.
  • Юйюнг бла джау болгъандан эсе, элинг бла джау бол.
  • Аманны эки битли тону болур, бирин сеннге кийдирир, бирин кеси киер.
  • Эли джокъну – кёлю джокъ.
  • Минг тенг да азды, бир джау да кёбдю.
  • Тилде сюек болмаса да, сюек сындырыр.
  • Джарлы тюеге минсе да, ит къабар.
  • Джангызны оту джарыкъ джанмаз!
  • Кийиминг бла танылма, адамлыкъ бла таныл.
  • Ариу сёзде ауруу джокъ.
  • Адамны артындан къара сабан сюрме.
  • Гырджын – тепсини тамадасы.
  • Ата Джуртуму башы болмасам да, босагъасында ташы болайым.

Аудио

Отаров Омар

Файлов: 265

Обновлен: 06.07.2017

  • Отаров Омар Кёгала (с Алтуевоей Зоей)
(Голосов: 2, Рейтинг: 5)

Описание

Дата: 11.04.2013
Прослушиваний: 2059
Скачиваний: 1244
Размер: 6.24 МБ
Текст песни:
музыка Маджита Ногайлиева
стихи Азамата Суюнчева

Джашла:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Кёгала:
Кёкле тюбюнде, кёкбаш юйледе
Мен бек къайгъысыз джашаеем,
Тойгъа-оюнга къошулмай эдим,
Мен сюймекликден ташаем.

Джашла:
Джарыкъ джулдузча, сени сыфатынг
Къууат салады шахаргъа,
Ышаргъанчыгъынг, ала кёзлеринг
Къоймайла бизни джашаргъа.

Кёгала:
Бизни тийреге сиз тойгъа келиб,
Юйде олтутуруб кетдигиз,
Бирден кёзюме къараб ышарыб,
Мени тынчлыкъсыз этдигиз.

Джашла:
Субай санынга ариу джарашхан
Кёк бетли чепкен кийесе,
Экеулен болуб сени сюебиз,
Сен къайсыбызны сюесе?

Кёгала:
Экигизге да бир сёзюм джокъду,
Джашла, сиз ашхы, аламат.
Халал тенглени шохлугъун бузсам,
Не айтыр манга джамагъат?

Джашла:
Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

Кёгала:
Экигизни мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.

Комментариев нет

  • Зарегистрируйтесь чтобы пользоваться плейлистом.