Расширенный поиск
15 Мая 2025 года
Логин: Регистрация
Пароль: Забыли пароль?
Навигация
Словарь
  • Хансыз джомакъ болмаз.
  • Артына баргъанны, къатына барма.
  • Мураты болгъанны джюрек тебюую башхады.
  • Къатыны харакетли болса, эри къымсыз болур.
  • Сескекли кесин билдирир.
  • Суу да къайтады чыкъгъан джерине.
  • Ашхы адам – халкъ байлыгъы, ашхы джер – джашау байлыгъы.
  • Тынгылагъан тынгы бузар.
  • Кёб джашагъан – кёб билир.
  • Ойнай билмеген, уруб къачар.
  • Джыланны къуйругъундан басарынг келсе, аны башы болгъанын унутма.
  • Кёкдеги болмаса, джердегин кёрмейди.
  • Бал чибинни ургъаны – ачы, балы – татлы.
  • Ата Джуртуму башы болмасам да, босагъасында ташы болайым.
  • Юйюнгден чыкъдынг – кюнюнгден чыкъдынг.
  • Этим кетсе да, сюегим къалыр.
  • Эри аманны, къатыны – аман.
  • Чомартны къолу берекет.
  • Къумурсхала джыйылсала, пилни да джыгъадыла.
  • Ёлген аслан – сау чычхан.
  • Ачны эсинде – аш.
  • Джети тилни билген джети кишиди.
  • Айныгъанлы алты кюн, тогъайгъанлы тогъуз кюн.
  • Урунуу – насыбны анасы.
  • Ёпкелегенни ашы татлы болады.
  • Аманны эки битли тону болур, бирин сеннге кийдирир, бирин кеси киер.
  • Сабий кёргенин унутмаз.
  • Иги джашны ышаны – аз сёлешиб, кёб тынгылар.
  • Орну джокъну – сыйы джокъ.
  • Хар адамгъа кеси миннген тау кибик.
  • Уллу къазанда бишген эт, чий къалмаз.
  • Адамны бетине къарама, адетине къара.
  • Насыблы элин сюер, насыбсыз кесин сюер.
  • Юре билмеген ит, къонакъ келтирир.
  • Махтаннган къыз, тойда джукълар.
  • Суугъа – чабакъ, къаягъа – ыргъакъ.
  • Нарт сёз – тилни бети.
  • Джуртун къоругъан озар.
  • Ишге юренсин къоллары, халкъ бла болсун джоллары.
  • Джылар джаш, атасыны сакъалы бла ойнар.
  • Къая джолда джортма, ачыкъ сёзден къоркъма.
  • Башсыз урчукъ тюзюне айланмаз.
  • Чабакъ башындан чирийди.
  • Ачлыкъда тары гырджын халыуадан татлы.
  • Билимсиз иш бармаз.
  • Элге къуллукъ этмеген, элге ие болмаз.
  • Келгинчи, къонакъ уялыр, келгенден сора, къонакъбай уялыр.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Хаухну атма, ёнгкючню сатма.
  • Тёрде – темир таякълы, къаяда – чыпчыкъ аякълы.

Аудио

Эркенов Мухаммад-хаджи

Файлов: 2

Обновлен: 06.07.2017

  • Эркенов Мухаммад-хаджи Къарнашым, беш намазны, кел, таны (нашид)
(Голосов: 2, Рейтинг: 5)

Описание

Дата: 10.04.2013
Прослушиваний: 2240
Скачиваний: 239
Размер: 10.65 МБ
Текст песни:
стихи Кязима Мечиева

Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!

Къарнашым, беш намазны, кел, таны, –
Беш намазны къылмаучуну – бил аны, –
Бетинде болмаз аны халал къаны,
Харамдан тыйылмаз аны хар саны.

Не харибди беш намазны этмеген,
Китаб айтхан къулагъына ётмеген,
Бу дунияда муратына джетмеген,
Ёле туруб, ийман бла кетмеген.

Бир сагъатны рахатланыб джашамаз,
Бар малындан, кёзю къыйыб, ашамаз,
Бу дунияны къайгъысындан бошамаз,
Этген иши шериатха ушамаз.

Ахыратын дуния малгъа ол сатар,
Джассы намаз этмегенлей ол джатар,
Узунуна джатыб джукълар, сын къатар,
Джукълай кетсе, бир заманда танг атар.

Кюн тийгинчи кие билмез кёлегин,
Къууандырыр кяфыр шайтан халегин,
Мыдах этер сууаб джазгъан мёлегин,
Ашар-ичер, тамам этер керегин.

Ашаб битсе, ныгъышлада олтурур,
Ныгъышланы фитна бла толтурур.
Аман тилин фитна сёзден тыялмаз,
Аллах къараб кёре турса уялмаз.

Аллах, кюч бер Китаб айтханны этерге,
Къыямат кюн джандетлеге кетерге.

Ля иляха илля Ллаху! Я Аллах!
Ля иляха илля Ллаху! Я Аллах!

Бу дунияда сакъ болайыкъ намазгъа,
Къыямат кюн джаханимге бармазгъа.

Бек тутайыкъ оразаны, намазны –
Къыямат кюн сен табарса хар затны.

Ойлашмасанг бу дунияны халындан,–
Кёзюнг тоймаз бу дунияны малындан.

Чархынг къоркъмаз джаханимни отундан,
Айланырса, шайтан сюрюб артынгдан.

Аллах, мени сен иймандан айырма,
Мен джарлыны – дин исламдан айырма...

Топурагъынг басар мени санымы,
Кяфырлыкъгъа къыйнаб алыр джанымы.

Атам, анам билмез анда халымы,
Къара джылан ичер анда къанымы.

Гюнахланы тар къабырда джетдирир,
Намазланы къызгъан темирде этдирир.

Хар намазын къатлаб-къатлаб тёлетир,
Ургъан сайын мен джарлыны кюл этер.

Кёрмеймисе адамланы кетгенин,
Къолларына не зат алыб элтгенин?

Муслиманла, ийман джолгъа къайтайыкъ,
Тоба этиб, «Аллах, Аллах» айтайыкъ.

Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!
Ля иляха илля Ллаху! Я Аллах!

Комментариев нет

  • Зарегистрируйтесь чтобы пользоваться плейлистом.