Расширенный поиск
16 Февраля 2019 года
Логин: Регистрация
Пароль: Забыли пароль?
Навигация
Словарь
  • Чомарт къолда мал къалмаз.
  • Акъдан къара болмаз.
  • Къызны минг тилер, бир алыр.
  • Харам къарнашдан, халал тенг ашхы.
  • Ашха уста, юйюнде болсун
  • Эри аманны, къатыны – аман.
  • Адамны аманы адамны бети бла ойнар.
  • Гитче джилтин уллу элни джандырыр.
  • Эркишиге тары кебек танг кёрюнюр.
  • Кёлсюзден сёзсюз тууар.
  • Джогъун бар этген, барын бал этген.
  • Чакъырылмагъан къонакъ – орунсуз.
  • Уллу сёзде уят джокъ.
  • Тойгъан джерден туугъан джер игиди.
  • Адамгъа аман кюн соруб келмейди.
  • Иги адамны бир сёзю эки болмаз.
  • Кёл ашады да, кеси ашады.
  • Ичимден чыкъды хата, къайры барайым сата?
  • Баш – акъыл ючюн, акъылман – халкъ ючюн.
  • Ёлген ийнек сютлю болур.
  • Танг атмайма десе да, кюн къоярыкъ тюйюлдю.
  • Таула не мийик болсала да, аууш табылыр.
  • Махтаннган къыз, тойда джукълар.
  • Акъыллы эркиши атын махтар, акъылсыз эркиши къатынын махтар.
  • Тилсиз миллет джокъ болур.
  • Адамны сыфатына къарама, сёзюне къара.
  • Ёлюк кебинсиз къалмаз.
  • Ашхы тенг джолгъа салыр, аман тенг джолдан тайдырыр.
  • Туз, гырджын аша, тюзлюк бла джаша.
  • Билмегенинги, билгеннге сор.
  • Тёзген – тёш ашар!
  • Бек анасы джыламаз.
  • Эл ауузу – элия.
  • Зарда марда джокъ.
  • Айтылгъан буйрукъ, сёгюлмез
  • Чомартны къолун джокълукъ байлар.
  • Зар адамны насыбы болмаз.
  • Ана къойну – балагъа джандет.
  • Бёрю да ач къалмасын, эчки да ашалмасын.
  • Хантына кёре тузу, юйюне кёре къызы.
  • Эртде тургъан бла эртде юйленнген сокъуранмаз.
  • Къолу уллу – асыу, аягъы уллу – джарсыу.
  • Ауругъаннга – кийик саулукъ, джетген къызгъа – чилле джаулукъ.
  • Зар адам ашынгы ашар, кесинги сатар.
  • Тешик этген тынчды, аны джамагъан къыйынды.
  • Къозулугъунда тоймагъан, къойлугъунда тоймаз.
  • Кёл – къызбай, къол – батыр.
  • Болджал ишни бёрю ашар.
  • Азыгъы аз, алгъа къабар, аты аман, алгъа чабар.
  • Сормай – алма, чакъырылмай – барма.

Аудио

Эркенов Мухаммад-хаджи

Файлов: 2

Обновлен: 06.07.2017

  • Эркенов Мухаммад-хаджи Зикир Исмаила Семенова (нашид)
(Голосов: 5, Рейтинг: 5)

Описание

Дата: 10.04.2013
Прослушиваний: 1982
Скачиваний: 235
Размер: 8.03 МБ
Текст песни:
макъамы, сёзлери да Семенланы Исмаилны (Джырчы Сымайылны)

Джан тебреннген заманда
Джан ачыдан сен сакъла,
Сыйлы Уллу Аллахым,
Джандетле бла Сен джокъла.

«Къуран - джюрекни ийнагъы,
Намаз - къабырны чырагъы,
Зикир - Сыйратны бурагъы», -
Айтыгъыз, Аллахны къуллары.

Ля иляха илля Ллах.
Ля иляха илля Ллах.
Ля иляха илля Ллах,
Мухаммадан расулюЛлах.

Намаз сыйлы къуллукъду,
Аллахдан келген буйрукъду,
Бетинге нюрю урлукъду,
Къабырда нёгер боллукъду.

Джандет кийим болгъаед
Дженгсиз, джагъасыз кёлегим,
Къабырда нёгер болгъаед
Онг джанымдагъы мёлегим.

Ля иляха илля Ллах.
Ля иляха илля Ллах.
Ля иляха илля Ллах,
Мухаммадан расулюЛлах.

Тут ораза, къыл намаз,
Бошлама нафсынга санынгы,
Салдырма джаханимге
Аллах джаратхан джанынгы.

Тутсанг ораза, къылсанг намаз,
Кем затланы Аллах кечер,
Биз умметге саналсакъ,
Файгъамбар шафагъат этер.

Ля иляха илля Ллах.
Ля иляха илля Ллах.
Ля иляха илля Ллах,
Мухаммадан расулюЛлах.

Я, Аллахым, рахмат эт
Шафагъатха кирирге,
Муслиманнга насыб эт,
Ийман бла ёлюрге.

Шукур болсун Аллахха,
Файгъамбарны джаратхан,
Уммет этиб бизни Анга,
Ислам динни танытхан.

Ля иляха илля Ллах.
Ля иляха илля Ллах.
Ля иляха илля Ллах,
Мухаммадан расулюЛлах.

Рахмат бла, я Аллах,
Кечилсин гюнахыбыз,
Джаханимден кенгде къалсын
Сен джаратхын джаныбыз.

Тюз Аллахым аллайды,
Хар затны да кёреди,
Хар адамны иннетича
Аллай насыб береди.

Я, Аллахым, рахмат эт
Бютеу муслиманлагъа,
Разы да бол муну джазгъан
Семенланы Смайылгъа.

Ля иляха илля Ллах.
Ля иляха илля Ллах.
Ля иляха илля Ллах,
Мухаммадан расулюЛлах.

Маулай о салли о салим
Да ийман абада,
Аля хабибикяха
Рилкалхи куллихими.

Комментариев нет

  • Зарегистрируйтесь чтобы пользоваться плейлистом.