Расширенный поиск
17 Ноября 2025 года
Логин: Регистрация
Пароль: Забыли пароль?
Навигация
Словарь
  • Аз сёлешген, къайгъысыз турур.
  • Къуллукъчума, деб махтанма, къуллукъ – хаух джамчыды!
  • Айранын берсенг, челегин да къызгъанма.
  • Къарт айтханны этмеген, къартаймаз.
  • Ашхы атаны – джашы ашхы, ашхы ананы – къызы ашхы.
  • Эрине къаргъыш этген къатын, эрнин къабар.
  • Булут кёкге джарашыу, уят бетге джарашыу.
  • Эки къатын алгъан – эки ташны ортасына башын салгъан.
  • Тас болгъан бычакъны сабы – алтын.
  • Уллу айтханны этмеген – уллаймаз.
  • Билеги кючлю, бирни джыгъар, билими кючлю, мингни джыгъар.
  • Къошда джокъгъа – юлюш джокъ.
  • Тилде сюек болмаса да, сюек сындырыр.
  • Шапа кёб болса, аш татымсыз болур.
  • Чыбыкълыкъда бюгюлмеген, къазыкълыкъда бюгюлмей эди.
  • Аш иеси бла татлыды.
  • Адам боллукъ, атламындан белгили болур.
  • Аджаллыгъа окъсуз шкок атылыр.
  • Бал – татлы, балдан да бала – татлы.
  • Биреуге кёлтюрген таягъынг, кесинги башынга урур.
  • Элде адам къалмаса, ит тахтагъа минер.
  • Джол бла сёзню къыйыры джокъ.
  • Кёб къычыргъандан – къоркъма, тынч олтургъандан – къоркъ.
  • Иги джашны ышаны – аз сёлешиб, кёб тынгылар.
  • Бозаны арты дауур болур.
  • Чомарт къолда мал къалмаз.
  • Аман адам элни бир-бирине джау этер.
  • Къарнынг къанлынга кийирир.
  • Бастасын ашагъан, хантусун да ичер.
  • Айныгъанлы алты кюн, тогъайгъанлы тогъуз кюн.
  • Адам къаллай бир ишленмесе, аллай бир кесин уллу кёреди.
  • Ишлерге уял да, ашаргъа табма.
  • Арба аугъандан сора, джол кёргюзтюучю кёб болур.
  • Сескекли кесин билдирир.
  • Кюн кёрмеген, кюн кёрсе, кюндюз чыракъ джандырыр.
  • Кёзюнде тереги болгъан, чёбю болгъаннга кюле эди.
  • Таукел тауну аудурур.
  • Ач отунчуну ачыуу – бурнунда.
  • Ишни аллы бла къууанма да, арты бла къууан.
  • Адеб джокъда, намыс джокъ.
  • Дуния мал дунияда къалады.
  • Урама да – ёледи, сатама да – келеди.
  • Аджашханны ызындагъы кёреди, джангылгъанны джанындагъы биледи.
  • Гугурук къычырмаса да, тангны атары къалмаз.
  • Окъугъан озар, окъумагъан тозар.
  • Адеби болмагъан къыз – тузсуз хант.
  • Ашхы тенг джолгъа салыр, аман тенг джолдан тайдырыр.
  • Чакъырылмай келген къонакъ сыйланмай кетер.
  • Азыкъ аз болса, эртде орун сал.
  • Ашхы сёз таш тешер.

Аудио

Отаров Омар

Файлов: 265

Обновлен: 06.07.2017

  • Отаров Омар Анам сакълама
(Голосов: 1, Рейтинг: 5)

Описание

Дата: 19.03.2013
Прослушиваний: 1806
Скачиваний: 1334
Размер: 9.06 МБ
Текст песни:
музыка Мустафира Жеттеева
стихи Иссы Боташева

Ой анам хариб, сен мени аллыма
Кёз къакъмай къарагъанлы азмы болду?
Джюрегинг ийнанмайд тас болгъаныма.
Огъурлу бетинг былай сазмы болду?

Анам хариб, джолгъа бош къараб турма.
Кир юйге, кёремисе кеч болгъанды?
Джюрегингде ашхы умутла къурма,
Джашынг солдат эд, солдатлай къалгъанды.

Анам, энди урушдан къайтыб келиб,
Сени тансыкълай, тору атымдан тюшмем.
"Анам, урушда бек суусаб болдум", - деб,
Халал къолунгдан айран алыб ичмем.

Ол сени аналарына санаучу
Кёб тенгим урушдан къайтхан болмазла.
Зыбыр къолунг бла сылаучу
Башыма окъ тийгенин ала айтхан болмазла.

Эрни иши алайды, алайды, джаным,
Аны къабыры элинде болмайды.
Ата джуртуна къоркъуу тюшсе, анам,
Ол къанын джанында артха салмайды.

Кир юйге, анам, кеч болгъанд, кёресе.
Энди манга сен къурманлыкъла атама.
Энди манга отоу джасаб не этесе?
Белгисиз солдат къабырда джатама. 

Комментариев нет

  • Зарегистрируйтесь чтобы пользоваться плейлистом.