Расширенный поиск
9 Июля 2025 года
Логин: Регистрация
Пароль: Забыли пароль?
Навигация
Словарь
  • Мал кёб болса, джууукъ кёб болур.
  • Джарлыны тону джаз битер.
  • Къартны сыйын кёрмеген, къартлыгъында сыйлы болмаз.
  • Керилген да, ургъан кибикди.
  • Кюлме джашха – келир башха.
  • Айранны сюйген, ийнек тутар.
  • Аз сёлеш, кёб ишле.
  • Сабий кёргенин унутмаз.
  • Садакъачыны джаны – къапчыгъында.
  • Джигер – джаннга къыйынлыкъ.
  • Тойгъандан сора, ашны сёкме.
  • Артына баргъанны, къатына барма.
  • Этим кетсе да, сюегим къалыр.
  • Суугъа – чабакъ, къаягъа – ыргъакъ.
  • Ашхы болсанг, атынг чыгъар, аман болсанг, джанынг чыгъар.
  • Аурууну келиую тынч, кетиую – къыйын.
  • Ашхы тенг джолгъа салыр, аман тенг джолдан тайдырыр.
  • Оюмсуз атлагъан, аджалсыз ёлюр.
  • Кёрмегеннге кебек – танг, битмегеннге сакъал – танг.
  • Тёзгеннге, джабылгъан эшик ачылыр.
  • От кюйдюрген, сау болса да, тот кюйдюрген, сау болмаз.
  • Арбаз сайлама да, хоншу сайла.
  • Сабийликде юретмесенг, уллу болса – тюзелмез.
  • Ичимден чыкъды хата, къайры барайым сата?
  • Сёлеш деб шай берген, тохта деб, сом берген.
  • Зар адамны насыбы болмаз.
  • Чомарт джарлы болмаз.
  • Кесине оноу эте билмеген, халкъына да эте билмез.
  • Мал ёлсе, сюек къалыр, адам ёлсе, иши къалыр.
  • Хата – гитчеден.
  • Юй ишлеген балта эшикде къалыр.
  • Телини эшигин, махтау джабар.
  • Шекер бла туз – бир болмаз, ушамагъан – юй болмаз.
  • Рысхы – сют юсюнде кёмюк кибикди.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Ышармагъан – кюлмез, кюлмеген – къууанчны билмез.
  • Алма терегинден кери кетмез.
  • Чомарт къонакъ юй иесин сыйлар.
  • Мухарны эси – ашарыкъда.
  • Ана – юйню кюн джарыгъы.
  • Адам къаллай бир ишленмесе, аллай бир кесин уллу кёреди.
  • Бозаны арты дауур болур.
  • Атынг аманнга чыкъгъандан эсе, джанынг тамагъынгдан чыкъсын.
  • Чакъырылмагъан джерге барма, чакъырылгъан джерден къалма.
  • Кёбден умут этиб, аздан къуру къалма.
  • Аджалсыз ёлюм болмаз.
  • Башынга джетмегенни сорма.
  • Ётюрюк хапар аякъ тюбю бла джюрюйдю.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Байлыкъ адамны сокъур этер.

Аудио

Отаров Омар

Файлов: 265

Обновлен: 06.07.2017

  • Отаров Омар Акътамакъ
(Голосов: 3, Рейтинг: 5)

Описание

Дата: 17.12.2012
Прослушиваний: 2864
Скачиваний: 1264
Размер: 7.95 МБ
Текст песни:
музыка и стихи Исмаила Семенова (Джырчы Сымайыла)

...Кел, мин, ариу, файтоннга, 
Байду да минер биргенге. 
Эй, мен джюз файтоннга буйрукъ бергенме 
Сени биргенге тебрерге. 

Джюз файтон бла барырем, 
Юйюнгю аллына джол салыб, 
Эй, отоу терезеден бир къарагъыем, 
Эки джан сюекге къол салыб. 

Къаяда къаплан джатханлай, 
Къамагъа бычакъ такъгъанлай, 
Эй, джазыуунг джетсе, келиб къалырса 
Джалан аякълай, чабханлай, 

Мен таугъа тогъай салмасам, ариу, 
Тюзде файтон бла бармасам, 
Эй, ёлсем, къабырым а эки джарылыр, 
Дуниямда сени алмасам. 

Кел, мин, ариу, фаитоннга, 
Хамут салгъанма сары атха, 
Эй, джай чилледе да безгек боллукъса, 
Алыб кетмесем наратха. 

Тюлкю бла турна уа шох эдиле, 
Ала тюз къамишде къош элле. 
Эй, тауда сюйгенле - ма биз экиси, 
Къалгъан сюйгенле бош элле. 

Бал чибиним бал этер, 
Къанатын джайыб кенг, кетер. 
Эй, аджал инбашда, болджал тау башда, 
Толу муратына ким джетер? 

Мен суу джоргъагъа минейим, ариу, 
Темирден кюбе киейим, 
Эй, этген тузагъыма аягъынга тюшюб, 
Амалсыз кюнюнге тюбейим. 

Тау артында джылкъыла, 
Эбзеде токълу къыркъыла. 
Эй, ариу, алакёзюм, къайдан келесе, 
Базар мамукълай сытыла? 

Тауну артында чилле сюргенме, 
Керекли болсанг, алырса. 
Эй, алтын челеклеринг, кюмюш суу агъачынг, 
Эриксенг, суугъа барырса. 

Кел, мин, ариу, фаитоннга, 
Да къобуз согъа, чайкъала. 
Эй, сол джанынгда кесим барлыкъма, 
Сорсанг а, джууаб къайтара. 

Ой, ариучугъум, къайдан келесе, 
Кесинг кесинги сюйдюрюб? 
Эй, алыб кетерикме ариу алакёзню, 
Автомобильге миндириб...

Комментарии (1)

    Джаратама0
    Bilal
    18.01.2013 07:06:21
    Бу джырны сёзлери, макъамы да Семенланы Сымайылныкъыдыла (Джырчы Сымайылны).
    Башха айтырым джокъду. Отар улу ариу джырлагъанына сёз джокъду, алай а, билгенле, джырын Сымайыл кеси кимден да ариу джырлагъанын айтадыла.
    Ссылка
    • Зарегистрируйтесь чтобы пользоваться плейлистом.