Расширенный поиск
29 Апреля 2025 года
Логин: Регистрация
Пароль: Забыли пароль?
Навигация
Словарь
  • Таукелге нюр джауар.
  • Аллахха ийнаннган кишини, Аллах онгдурур ишин.
  • Ариу – кёзге, акъыл – джюрекге.
  • Ышармагъан – кюлмез, кюлмеген – къууанчны билмез.
  • Танг атмайма десе да, кюн къоярыкъ тюйюлдю.
  • Ат басханны джер билед.
  • Тёзген – тёш ашар!
  • Аманны тукъумуна къарама, игини тукъумун сорма.
  • Джумушакъ сёз къаты таякъны сындырыр.
  • Эркишини аманы тиширыуну джылатыр.
  • Ашхы сёз таш тешер.
  • «Ма», - дегенни билмесенг, «бер», - дегенни билмезсе.
  • Джангыз терек къынгыр ёсер.
  • Къарнынг бла ёч алма.
  • Хаухну атма, ёнгкючню сатма.
  • Садакъачыны джаны – къапчыгъында.
  • Юйюнг бла джау болгъандан эсе, элинг бла джау бол.
  • Тынгылагъан тынгы бузар.
  • Аш иеси бла татлыды.
  • Джогъун бар этген, барын бал этген.
  • Мал ёлсе, сюек къалыр, адам ёлсе, иши къалыр.
  • Уясында не кёрсе, учханында аны этер.
  • Aдам боллукъ, сыфатындан белгили.
  • Къонагъы джокъну – шоху джокъ.
  • Кёбден умут этиб, аздан къуру къалма.
  • Адеб джокъда, намыс джокъ.
  • Къолу уллу – асыу, аягъы уллу – джарсыу.
  • Ачыу алгъа келсе, акъыл артха къалады.
  • Эрни эр этерик да, къара джер этерик да, тиширыуду.
  • Джеринден айырылгъан – джети джылар, джуртундан айырылгъан – ёлгюнчю джылар.
  • Хансыз джомакъ болмаз.
  • Ишленмеклик адамлыкъды.
  • Айырылмаз джууугъунга, унутмаз сёзню айтма.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ёгюзню мюйюзюнден тутадыла, адамны сёзюнден тутадыла.
  • Джолунга кёре – джюрюшюнг, джагъанга кёре – юлюшюнг.
  • Иги адам абынса да, джангылмаз.
  • Бал – татлы, балдан да бала – татлы.
  • Босагъа таш юйге кирмей эди, тыбыр таш эшикге чыкъмай эди.
  • Керек ташны ауурлугъу джокъ.
  • Сёз къанатсыз учар.
  • Джашлыкъ этмеген, башлыкъ этмез.
  • Урунуу – насыбны анасы.
  • Джырчы ёлсе, джыры къалыр.
  • Иги болса, тамадама – махтау, аман болса, меннге – айыб.
  • Накъырданы арты керти болур.
  • Аякъларынгы джууургъанынга кёре узат.
  • Туз, гырджын аша, тюзлюк бла джаша.
  • Сескекли кесин билдирир.
  • Бети бедерден, намыс сакълама.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 3288
Скачиваний: 175
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.