Расширенный поиск
17 Января 2021 года
Логин: Регистрация
Пароль: Забыли пароль?
Навигация
Словарь
  • Ауузу аманнга «иги», деме.
  • Сёз сёзню айтдырыр.
  • Билмезни кёзю кёрмез, этмезни къулагъы эшитмез.
  • Ауурну тюбю бла, дженгилни башы бла джюрюген.
  • Экеу тутушса, биреу джыгъылыр.
  • Къарт айтханны этмеген, къартаймаз.
  • Таугъа чыгъаллыкъ эсенг, тюзде къалма.
  • Мал кёб болса, джууукъ кёб болур.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Суу да къайтады чыкъгъан джерине.
  • Билимден уллу байлыкъ джокъду.
  • Ашаса, ашамаса да, бёрюню ауузу – къан.
  • Джахил болса анасы, не билликди баласы?
  • Джашны джигитлиги сорулур, къызны джигерлиги сорулур.
  • Аурууну келиую тынч, кетиую – къыйын.
  • Итли къонакъ джарашмаз.
  • Тойчу джашха къарама, къойчу джашха къара.
  • Харам къарнашдан, халал тенг ашхы.
  • Ёпкелегенни ашы татлы болады.
  • Терслик кетер, тюзлюк джетер.
  • Къулакъдан эсе, кёзге ышан.
  • Акъыл неден да кючлюдю.
  • Эрни эр этерик да, къара джер этерик да, тиширыуду.
  • Билим насыб берир, билим джолну керир.
  • Джырына кёре эжиую.
  • Адам боллукъ, атламындан белгили болур.
  • Джетген къыз джерли эшекни танымаз.
  • Билген билмегенни юретген адетди.
  • Тёзгеннге, джабылгъан эшик ачылыр.
  • Ашына кёре табагъы, балына кёре къалагъы.
  • Къуру гыбыт бек дыгъырдар.
  • Мен да «сен», дейме, сен да «кесим», дейсе.
  • Агъач – джерни чырайы, кийим – эрни чырайы.
  • Ата Джуртуму башы болмасам да, босагъасында ташы болайым.
  • Кимни – тили, тиши онглу, кимни – къолу, иши онглу.
  • Ишленмеклик адамлыкъды.
  • Аш кетер да бет къалыр.
  • Акъыллы эркиши атын махтар, акъылсыз эркиши къатынын махтар.
  • Ач, тоймам, дейди, тойгъан, ач болмам, дейди.
  • Аджал соруб келмез, келсе, къайтыб кетмез.
  • Ач келгенни – тойдур, кеч келгенни – къондур.
  • Тыш элде солтан болгъандан эсе, кесинги элде олтан болгъан игиди!
  • Ана – юйню кюн джарыгъы.
  • Аманнга да, игиге да оноусуз къатышма.
  • Къарт болгъан джерде, берекет болур, сабий болгъан джерде, оюн болур.
  • Борчунг бар эсе, хурджунунга ойлаб узал.
  • Кирсизни – саны таза, халалны – къаны таза.
  • Къанны къан бла джуума, аманны аман бла къуума.
  • Халкъны юйю – туугъан джери.

Аудио

Салпагаров Мусса

Файлов: 1

Обновлен: 06.07.2017

  • Салпагаров Мусса Анам
(Голосов: 2, Рейтинг: 5)

Описание

Дата: 12.12.2012
Прослушиваний: 2475
Скачиваний: 157
Размер: 15.79 МБ
Текст песни:
муз. и сл. Муссы Салпагарова

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Кюн джарыкъны джарыгъыса, анам, сен!

Мыдах кюнде кюн кибиксе, анам, сен!
Джашау джолунг джарыкъ болсун сени, кенг!
Къарангыны джарыкъ этген, анам, сен!
Бу дунияда джокъду, анам, санга тенг!

Сенсе, анам, адеб-намыс юретген!
Сенсе, анам, "иги бол" деб, кюрешген!
Сенсе, анам, балаланы бек сюйген!
Сенсе, анам, манга алгъыш тилеген!

Къор болайым, "ана" деген атынга!
Дарман болуб, джагъылайым санынга!
Кечмеклик бер, тийген эсем джанынга!
"Ана" деген сыйлы атды таулугъа!

Сенсиз, анам, мени кюнюм ётмесин!
Аналагъа бир къыйынлыкъ джетмесин!
Ол джашауун мамырлыкъда ашырсын!
Зор джыламукъ ана кёзден акъмасын!

Джюрегими джюрегисе, анам, сен!
Кёзлерими чырагъыса, анам, сен!
Джашауму дагъаныса, анам, сен!
Бу дунияда джокъду, анам, санга тенг!
Джокъду, анам, санга тенг! 

Комментариев нет

  • Зарегистрируйтесь чтобы пользоваться плейлистом.