Расширенный поиск
18 Июня 2021 года
Логин: Регистрация
Пароль: Забыли пароль?
Навигация
Словарь
  • Ашха уста, юйюнде болсун
  • Къатын къылыкъсыз, эр тынчлыкъсыз.
  • Дуния аламаты сен эсенг да, игиме деб айтма.
  • Мен да «сен», дейме, сен да «кесим», дейсе.
  • Къонакъ аз олтурур, кёб сынар.
  • Уруну арты – къуру.
  • Терслик кетер, тюзлюк джетер.
  • Суу да къайтады чыкъгъан джерине.
  • Байлыкъ адамны сокъур этер.
  • Айтылгъан сёз ызына къайтмаз.
  • Рысхы джалгъанды: келген да этер, кетген да этер.
  • Тыш элде солтан болгъандан эсе, кесинги элде олтан болгъан игиди!
  • «Ёгюз, джаргъа джууукъ барма, меннге джюк боллукъса», - дегенди эшек.
  • Нарт сёз – тилни бети.
  • Эр сокъур болсун, къатын тилсиз болсун.
  • Джахил болса анасы, не билликди баласы?
  • Ач бёрюге мекям джокъ.
  • Чабакъгъа акъыл, табагъа тюшсе келеди.
  • Ариу джол аджал келтирмез.
  • Игиге айтсанг – билир, аманнга айтсанг – кюлюр.
  • Тели турса – той бузар.
  • Берекет берсин деген джерде, берекет болур.
  • Джумушакъ терекни къурт ашар.
  • Насыблы элин сюер, насыбсыз кесин сюер.
  • Ашатыргъа иш – ашхы, ишлетирге аш – ашхы.
  • Ашхы – джыяр, аман – джояр.
  • Aдам боллукъ, сыфатындан белгили.
  • Намысы болмагъанны, сыйы болмаз.
  • Зар адамны насыбы болмаз.
  • Ышармагъан – кюлмез, кюлмеген – къууанчны билмез.
  • Эрине къаргъыш этген къатын, эрнин къабар.
  • Мухар, кеси тойса да, кёзю тоймаз.
  • Эм уллу байлыкъ – джан саулукъ.
  • Ашхы атаны – джашы ашхы, ашхы ананы – къызы ашхы.
  • Ишлегенден, къарагъан уста.
  • Кюл тюбюндеги от кёрюнмейди.
  • Ач къалгъандан, кеч къалгъан къолай.
  • Кёл ашады да, кеси ашады.
  • Къуллукъчума, деб махтанма, къуллукъ – хаух джамчыды!
  • Кимни – тили, тиши онглу, кимни – къолу, иши онглу.
  • Ашын ашагъанынгы, башын да сыйла.
  • Бал – татлы, балдан да бала – татлы.
  • Бозанг болмагъан джерге, къалагъынгы сукъма.
  • Билеги кючлю, бирни джыгъар, билими кючлю, мингни джыгъар.
  • Чомартха Тейри да борчлуду.
  • Ариу сёз джыланны орнундан чыгъарыр.
  • Ёнгкюч къууана барыр, джылай келир.
  • Хата – гитчеден.
  • Хазыр ашха – терен къашыкъ.
  • Иги болса, тамадама – махтау, аман болса, меннге – айыб.

Аудио

Казиев Азнор

Файлов: 36

Обновлен: 10.07.2017

  • Казиев Азнор Кёгала
(Голосов: 1, Рейтинг: 5)

Описание

Дата: 13.11.2012
Прослушиваний: 815
Скачиваний: 107
Размер: 9.51 МБ
Текст песни:
музыка Маджита Ногайлиева
стихи Азамата Суюнчева

Кёкле тюбюнде, кёкбаш юйледе
Джашайды ариу Кёгала,
Экибиз бирге кюйюб барабыз,
Кёгала, санга тарала.

Джарыкъ джулдузча, сени сюйюмюнг
Къууат салады шахаргъа.
Ышаргъанчыгъынг, ала кёзлеринг
Къоймайла бизни джашаргъа.

Субай санынга ариу джарашхан
Сен кёксюл чепген кийесе,
Экеулен болуб сени сюебиз,
Сен къайсыбызны сюесе?

Энди, ахыры, ачыкъ айтабыз
Турмайын кенгден кёл ала,
Бу эки къолну къайсын тутарын
Кеси сайласын Кёгала.

Экибиз бирге аллынга келдик
Бир-бирибизден уяла,
Халал тенглени харам этме да
Бирин сайлачы, Кёгала. 

Комментариев нет

  • Зарегистрируйтесь чтобы пользоваться плейлистом.