Расширенный поиск
10 Декабря 2018 года
Логин: Регистрация
Пароль: Забыли пароль?
Навигация
Словарь
  • Халкъны джырын джырласанг, халкъ санга эжиу этер.
  • Ата Джуртча джер болмаз, туугъан элча эл болмаз.
  • Ачлыкъда тары гырджын халыуадан татлы.
  • Аджаллыгъа окъсуз шкок атылыр.
  • Ана къолу ачытмаз.
  • Сабыр джетер муратха, сабырсыз къалыр уятха.
  • Зарда марда джокъ.
  • Къонагъы джокъну – шоху джокъ.
  • Ёлген эшек бёрюден къоркъмайды.
  • Таукел къуру къалмаз.
  • Аурууну келиую тынч, кетиую – къыйын.
  • Джукъу тёшек сайламайды.
  • Хар сёзню орну барды.
  • Джарлы тюеге минсе да, ит къабар.
  • Борчунг бар эсе, хурджунунга ойлаб узал.
  • Сабийни джумушха джибер да, ызындан бар.
  • Кесинг сынамагъан затны, адамгъа буюрма.
  • Ауругъанны сау билмез, ач къарынны токъ билмез.
  • Окъуу – билимни ачхычы, окъуу – дунияны бачхычы.
  • Ашхы адам – халкъ байлыгъы, ашхы джер – джашау байлыгъы.
  • Мен да «сен», дейме, сен да «кесим», дейсе.
  • Кёзюнде тереги болгъан, чёбю болгъаннга кюле эди.
  • Туз, гырджын аша, тюзлюк бла джаша.
  • Бюгюн дуния кибик, тамбла ахыратды.
  • Уллу сёлешме да, уллу къаб.
  • Абынмазлыкъ аякъ джокъ, джангылмазлыкъ джаякъ джокъ.
  • Чабакъ башындан чирийди.
  • Сабийликде юретмесенг, уллу болса – тюзелмез.
  • Ётюрюк хапар аякъ тюбю бла джюрюйдю.
  • Къызын тута билмеген, тул этер, джашын тута билмеген, къул этер.
  • Онгсузну – джакъла, тенгликни – сакъла.
  • Адам сёзюнден белгили.
  • Керти сёзге тёре джокъ.
  • Этни да ашады, бетни да ашады.
  • Къыйынлы джети элге оноу этер.
  • Ариу джол аджал келтирмез.
  • Къолу уллу – асыу, аягъы уллу – джарсыу.
  • Алим болгъандан эсе, адам болгъан къыйынды.
  • Байлыкъдан саулукъ ашхыды.
  • Тешик этген тынчды, аны джамагъан къыйынды.
  • Джашлыкъ этмеген, башлыкъ этмез.
  • Адамны джюреги нени кёрюрге сюйсе, кёзю да аны кёрюрге ёч болады.
  • Къумурсхала джыйылсала, пилни да джыгъадыла.
  • Атадан ёксюз – бир ёксюз, анадан ёксюз – эки ёксюз.
  • Зар адам ашынгы ашар, кесинги сатар.
  • Кёб джашагъан – кёб билир.
  • Къызбайны юйюне дери сюрсенг, батыр болур.
  • Бастасын ашагъан, хантусун да ичер.
  • Минг тенг да азды, бир джау да кёбдю.
  • Уллу суу бла уллу ауруудан башынгы сакъла.

Аудио

Габаев Тенгиз

Файлов: 54

Обновлен: 10.07.2017

  • Габаев Тенгиз Ата-Ана
(Голосов: 1, Рейтинг: 5)

Описание

Дата: 25.10.2012
Прослушиваний: 918
Скачиваний: 286
Размер: 6.57 МБ
Текст песни:
музыка и стихи Исмаила Семенова

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей,
Джулдуз атлы, балдан татлы, ой анам!..

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Джулдуз атлы, балдан татлы, ой анам!..

Эки джылны акъ сютюнгю ичирдинг,
Ешюнюнгю тёшек этиб ёсдюрдюнг,
Алай-эте талай джылгъа джетдирдинг,
Джулдуз атлы, балдан татлы, ой анам!

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг –
Джанкъылычдан нюр таякъла къакъгъанча...

Элден энчи ат атаенг атыма...
Джанауалда мен болмадым къатынгда,
Джаш тюрсюнюнг агъармагъан чачынгда...
Джулдуз атлы, балдан татлы, ой анам!

Джыллыкъ джолдан келир эдим кёрюрге,
Санга, анам, олджан салам берирге,
Разылыгъынгы алыб ёлюрге...
Джулдуз атлы, балдан татлы, ой анам!..

Кече ёмюрюм бир къарангы тёбеди,
Кюн ёмюрюм джюзюб кетген кемеди,
Ёлюм деген хар адамгъа тёреди...
Джулдуз атлы, балдан татлы, ой анам!

Комментарии (1)

    Джаратама0
    Бурханаддин
    25.03.2015 20:16:31
    АЛЛАh разы болсун Тенгиз.Сени булбул ауузынъ адамланы джуреклерине дарман болсун.
    Ссылка
    • Зарегистрируйтесь чтобы пользоваться плейлистом.