Расширенный поиск
10 Октября 2024 года
Логин: Регистрация
Пароль: Забыли пароль?
Навигация
Словарь
  • Къаллай салам берсенг, аллай джууаб алырса.
  • Джаш къарыу бла кючлю, къарт акъыл бла кючлю.
  • Эл тойса, тоймагъан, эл къойса, къоймагъан.
  • Чомарт къолда мал къалмаз.
  • Аллахха ийнаннган кишини, Аллах онгдурур ишин.
  • Дуния малгъа сатылма, кесингден телиге къатылма.
  • Ашлыкъны арба юйге келтирир, чана базаргъа элтир.
  • Кёлсюзден сёзсюз тууар.
  • Айранны сюйген, ийнек тутар.
  • Киштикге къанат битсе, чыпчыкъ къалмаз эди.
  • Ёгюзню мюйюзюнден тутадыла, адамны сёзюнден тутадыла.
  • Къарны аманнга къазан такъдырма, къолу аманнга от джакъдырма.
  • Бир онгсуз адам адет чыгъарды, деб эштирик тюлсе.
  • Къыйынлы джети элге оноу этер.
  • Ач да бол, токъ да бол – намысынга бек бол.
  • Аууздан келген, къолдан келсе, ким да патчах болур эди.
  • Суу ичген шауданынга тюкюрме.
  • Ашын ашагъанынгы, башын да сыйла.
  • Хар адамгъа кеси миннген тау кибик.
  • Къолу уллу – асыу, аягъы уллу – джарсыу.
  • Чакъырылмагъан къонакъ – орунсуз.
  • Ачлыкъда тары гырджын халыуадан татлы.
  • Эллинг бла джау болсанг да, юйюнг бла джау болма.
  • Юйюнгден чыкъдынг – кюнюнгден чыкъдынг.
  • Аш кетер да бет къалыр.
  • Ётген ёмюр – акъгъан суу.
  • Къарнынг къанлынга кийирир.
  • Иги адамны бир сёзю эки болмаз.
  • Къатыны харакетли болса, эри къымсыз болур.
  • Танг атмайма десе да, кюн къоярыкъ тюйюлдю.
  • Адамны аты башхача, акъылы да башхады.
  • Кёб къычыргъандан – къоркъма, тынч олтургъандан – къоркъ.
  • Айырылгъанланы айю ашар, бёлюннгенлени бёрю ашар.
  • Аманны тукъумуна къарама, игини тукъумун сорма.
  • Биреуню тёрюнден, кесинги эшик артынг игиди.
  • Иги – алгъыш этер, аман – къаргъыш этер.
  • Кийим тукъум сордурур.
  • Ойнай билмеген, уруб къачар.
  • Мал кёб болса, джууукъ кёб болур.
  • Окъдан джара эртде-кеч болса да бителир, сёз джара, ёмюрге къалыр.
  • Таула не мийик болсала да, аууш табылыр.
  • Харам къарнашдан, халал тенг ашхы.
  • Билим къая тешер.
  • Сабыр джетер муратха, сабырсыз къалыр уятха.
  • Билим ат болуб да чабар, къуш болуб да учар.
  • Къууут – джелге, берне – бошха.
  • Ауругъан – джашаудан умутчу.
  • Сабийликде юретмесенг, уллу болса – тюзелмез.
  • Чомартны къолу берекет.
  • Гырджын – тепсини тамадасы.

Аудио

Салам (группа)

Файлов: 41

Обновлен: 06.07.2017

  • Салам (группа) Тюш
(Голосов: 2, Рейтинг: 5)

Описание

Дата: 19.10.2012
Прослушиваний: 4394
Скачиваний: 577
Размер: 8.31 МБ
Текст песни:
сл. и муз. Альберта Узденова

Минги Тауну тешиб,танг да атаргъа,
Топурагъын айырсына къуйгъанма,
Мен джол ишлеб Къарачайдан Малкъаргъа,
Къурманлыкъгъа Ибилисни сойгъанма.

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан!

Минги тауну эки башны бир этиб,
Дунияда эм мийик тау этгенме!
Къанат битиб,ары учуб терк джетиб,
Байракъ тагъыб,тау элиме кетгенме!

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан!

Бир джырлайма,бир джылайма,тёзалмай,
Хар ахлыума къучагъымы кереме.
Бир болгъаны ючюн Малкъар-Къарачай,
Джауларыма мен садакъа береме.

Асхакъ Темир,рус патчах,гюрджюлю джолдат,
Къанларыгъыз Иблисни къаны бла саркъад!
Ох-ох!-деген таууш келед Орта Азиядан,
Туркиядан,Сириядан,Америкадан! 

Комментариев нет

  • Зарегистрируйтесь чтобы пользоваться плейлистом.