Расширенный поиск
8 Октября 2024 года
Логин: Регистрация
Пароль: Забыли пароль?
Навигация
Словарь
  • Кёл ашады да, кеси ашады.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Къумурсхала джыйылсала, пилни да джыгъадыла.
  • Мени джылытмагъан кюн, меннге тиймесин!
  • Адебни адебсизден юрен.
  • Кесине оноу эте билмеген, халкъына да эте билмез.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Аманнга игилик этсенг, юйюнге сау бармазса.
  • Джырчы джырчыгъа – къарнаш.
  • Игиге айтсанг – билир, аманнга айтсанг – кюлюр.
  • Атлыны кёрсе, джаяуну буту талыр.
  • Мен да «сен», дейме, сен да «кесим», дейсе.
  • Мадар болса, къадар болур.
  • Эки къатын алгъанны къулагъы тынгнгаймаз.
  • Къар – келтирди, суу – элтди.
  • Эл элде бирер малынг болгъандан эсе, бирер тенгинг болсун.
  • Джаралыны джастыгъында сау ёлюр.
  • Кёзюнде тереги болгъан, чёбю болгъаннга кюле эди.
  • Ишлерге уял да, ашаргъа табма.
  • Кёз – сюйген джерде, къол – ауругъан джерде.
  • Асхат ашлыкъ сата, юйдегиси ачдан къата.
  • Танг атмайма десе да, кюн къоярыкъ тюйюлдю.
  • Ач къарным, тынч къулагъым.
  • Джангыз терек къынгыр ёсер.
  • Билеги кючлю, бирни джыгъар, билими кючлю, мингни джыгъар.
  • Къазанны башы ачыкъ болса, итге уят керекди.
  • Нёгерсизни джолу узун.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Хазыр ашха – терен къашыкъ.
  • Тёрени джагъы джокъ.
  • Бет бетге къараса, бет да джерге къарар.
  • Къарт айтханны этмеген, къартаймаз.
  • Телиге акъыл салгъандан эсе, ёлгеннге джан салырса.
  • Кесине гебен этелмеген, биреуге черен эте эди.
  • Джашынгы кесинг юретмесенг, джашау юретир.
  • Агъач – джерни чырайы, кийим – эрни чырайы.
  • Бастасын ашагъан, хантусун да ичер.
  • Ойнай билмеген, уруб къачар.
  • Сютден ауузу кюйген, суугъа юфгюре эди.
  • Хаухну атма, ёнгкючню сатма.
  • Къартны бурнун сюрт да, оноугъа тут.
  • Эр сокъур болсун, къатын тилсиз болсун.
  • Окъуу – билимни ачхычы, окъуу – дунияны бачхычы.
  • Акъыл аздырмаз, билим тоздурмаз.
  • Ач бёрюге мекям джокъ.
  • Кютгени беш эчки, сызгъыргъаны уа, джерни джарады.
  • Ойнаб айтсанг да, эслеб айт.
  • Адамны сыфатына къарама, сёзюне къара.
  • Кийимни бичсенг, кенг бич, тар этген къыйын тюлдю.

Аудио

Салам (группа)

Файлов: 41

Обновлен: 06.07.2017

  • Салам (группа) Чапай элим
(Голосов: 3, Рейтинг: 3.67)

Описание

Дата: 19.10.2012
Прослушиваний: 2409
Скачиваний: 403
Размер: 8.04 МБ
Текст песни:
муз. и сл. Альберта Узденова

Шам Къарачайды уллу атабыз,
Сен аны къартлыкъ джашыса!
Алтын джюзюкдю чыкъгъан Марабыз,
Сен аны накъут ташыса!

Шам Къарачайны къартлыкъ джашы,
Алтын Мараны накъут ташы,
ДЖаш джюрегимде толгъан айым,
Сен намыс къаламса, Чапайым!

Джеринг эркинча, сени адамынг
Кенг джюреклиди, джарыкъды!
Алан тюзледе ёсген уланынг,
Эски чеклерин саллыкъды!

Шам Къарачайны къартлыкъ джашы,
Алтын Мараны накъут ташы,
Джаш джюрегимде толгъан айым,
Сен намыс къаламса, Чапайым!

Мени тыбырым, ёмюрлюк антым,
Мийиклей турсун намысынг!
Таулу эллеге айтылгъан атынг,
Саулай дуниягъы айтылсын!

Шам Къарачайны къартлыкъ джашы,
Алтын Мараны накъут ташы,
ДЖаш джюрегимде толгъан айым,
Сен намыс къаламса, Чапайым!

Комментариев нет

  • Зарегистрируйтесь чтобы пользоваться плейлистом.