Расширенный поиск
28 Апреля 2025 года
Логин: Регистрация
Пароль: Забыли пароль?
Навигация
Словарь
  • Адамны артындан къара сабан сюрме.
  • Акъыллы – эл иеси, тели – эл баласы.
  • Джыланны къуйругъундан басарынг келсе, аны башы болгъанын унутма.
  • Хоншуну тауугъу къаз кёрюнюр, келини къыз кёрюнюр.
  • Борчунг бар эсе, хурджунунга ойлаб узал.
  • Юйюнгден чыкъдынг – кюнюнгден чыкъдынг.
  • Атлыны кёрсе, джаяуну буту талыр.
  • Тамбла алтындан бюгюн багъыр ашхы.
  • Тойгъа алгъа да барма, тойда артха да къалма.
  • Иги – алгъыш этер, аман – къаргъыш этер.
  • Байны къызы баймакъ болса да, юйде къалмаз!
  • Бойнуму джети джерден кессенг да, мен ол ишни этеллик тюлме.
  • Адеб джокъда, намыс джокъ.
  • Къыз келсе, джумуш эте келеди, къатын келсе, ушакъ эте келеди.
  • Тешигини къатында, чычхан да батыр болур.
  • Адамны адамлыгъы къыйынлыкъда айгъакъланады.
  • Къартны сыйын кёрмеген, къартлыгъында сыйлы болмаз.
  • Эм ашхы къайын ана мамукъ бла башынгы тешер.
  • Чалманны аллы къалай башланса, арты да алай барады.
  • Рысхы – насыбха къор.
  • Телиге от эт десенг, юйюнге от салыр.
  • Танг атмайма десе да, кюн къоярыкъ тюйюлдю.
  • Хар ишни да аллы къыйынды.
  • Тели турса – той бузар.
  • Кюн кёрмеген, кюн кёрсе, кюндюз чыракъ джандырыр.
  • Чомартны къолу берекет.
  • Адеби болмагъан къыз – тузсуз хант.
  • Джумушакъ сёз къаты таякъны сындырыр.
  • Билим насыб берир, билим джолну керир.
  • Окъугъанны бети джарыкъ.
  • Элни кючю – эмеген.
  • Ауузу аманнга «иги», деме.
  • Арбаз къынгырды да, ийнек сауалмайма.
  • Къазанны башы ачыкъ болса, итге уят керекди.
  • Юй кюйдю да, кюйюз чыкъды, ортасындан тюйюш чыкъды.
  • Ата Джуртуму башы болмасам да, босагъасында ташы болайым.
  • Итли къонакъ джарашмаз.
  • Къарт болгъан джерде, берекет болур, сабий болгъан джерде, оюн болур.
  • Джюз элде джюз ёгюзюм болгъандан эсе, джюз джууугъум болсун.
  • Тулпарлыкъ, билекден тюл – джюрекден.
  • Къонагъы джокъну – шоху джокъ.
  • Тюзлюк тас болмайды.
  • Алим болгъандан эсе, адам болгъан къыйынды.
  • Ишленмеген джаш – джюгенсиз ат, ишленмеген къыз – тузсуз хант.
  • Ёнгкюч къууана барыр, джылай келир.
  • Къошда джокъгъа – юлюш джокъ.
  • Джигер – джаннга къыйынлыкъ.
  • Кирсизни – саны таза, халалны – къаны таза.
  • От кюйдюрген, сау болса да, тот кюйдюрген, сау болмаз.
  • Джаханимни кёрмей, джандетге кёл салмазса.

Аудио

Эльбрусоид

Файлов: 2

Обновлен: 06.07.2017

  • Эльбрусоид Къарачайым-Малкъарым
(Голосов: 1, Рейтинг: 5)

Описание

Дата: 28.09.2012
Прослушиваний: 1277
Скачиваний: 87
Размер: 10.04 МБ
Текст песни:
музыка Бориса Турклиева 
слова Норий Созарукова  

Деу аланла зорчуладан, джауладан,
Кёб ёмюрлени Аллах бла сакъланнган.
Сейир джуртну эркелете, ийнакълай,
Биз джашайбыз Малкъар бла Къарачай.

Бу дунияны джандети, деб аталгъан,
Тау джерибиз махтау бла айтылгъан.
Сууларыбыз - тамам кюмюш белибау,
Къууанчыбыз - эки башлы Минги Тау.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Тамаданы сыйлаб орун бергенле,
Тиширыуну ана къачын кёргенле.
Къартларыбыз тюз оноулу келбетли,
Джаш тёлюбюз тау намыслы, адетли.

Къыйын кюнде шохун, тенгин сатмагъан,
Башхалагъа сауут алыб чабмагъан,
Тюзлюк джолда тенг атлагъан эгизле,
Зорлукъ ачыу сынамагъыз ёмюрде.

ПРИПЕВ:
Къарачайым, Малкъарым!
Экибиз да эки учар къанатым.
Бир миллетден джаратылгъан эки халкъ,
Шох турабыз бир-бирге болуб джакъ.

Комментариев нет

  • Зарегистрируйтесь чтобы пользоваться плейлистом.