Расширенный поиск
23 Июля 2019 года
Логин: Регистрация
Пароль: Забыли пароль?
Навигация
Словарь
  • Сескекли кесин билдирир.
  • Ёлген эшек бёрюден къоркъмайды.
  • Ариу сёз – джаннга азыкъ, аман сёз – башха къазыкъ.
  • Бюгюн дуния кибик, тамбла ахыратды.
  • Тёзген – тёш ашар!
  • Чомарт джарлы болмаз.
  • Окъуу – билимни ачхычы, окъуу – дунияны бачхычы.
  • Ёпкелегенни ашы татлы болады.
  • Артына баргъанны, къатына барма.
  • Байлыкъ тауусулур, билим тауусулмаз.
  • Аш хазыр болса, иш харам болур.
  • Чалманны аллы къалай башланса, арты да алай барады.
  • Рысхы – сют юсюнде кёмюк кибикди.
  • Акъыллы айтыр эди, акъылсыз къоймайды.
  • Бал чибинни ургъаны – ачы, балы – татлы.
  • Зарда марда джокъ.
  • Нафысынгы айтханын этме, намысынгы айтханын эт.
  • Эл тойса, тоймагъан, эл къойса, къоймагъан.
  • Къолунгдан къуймакъ ашатсанг да, атаны борчундан къутулмазса.
  • Келлик заман – къартлыкъ келтирир, кетген заман – джашлыкъ ёлтюрюр.
  • Эм ашхы къайын ана мамукъ бла башынгы тешер.
  • Дуния аламаты сен эсенг да, игиме деб айтма.
  • Ашхы адам – халкъ байлыгъы, ашхы джер – джашау байлыгъы.
  • Ариуну – ауруу кёб.
  • Ариу джол аджал келтирмез.
  • Ётюрюкчюню шагъаты – къатында.
  • Джумушакъ сёз къаты таякъны сындырыр.
  • Адамны джюреги нени кёрюрге сюйсе, кёзю да аны кёрюрге ёч болады.
  • Джашда акъыл джокъ, къартда къарыу джокъ.
  • Ишге юренсин къоллары, халкъ бла болсун джоллары.
  • Адамны бетине къарама, адетине къара.
  • Итли къонакъ джарашмаз.
  • Джыйырма къойну юч джыйырма эбзе кюте эди.
  • Тыш элде солтан болгъандан эсе, кесинги элде олтан болгъан игиди!
  • Ётюрюкден тюбю джокъ, кёлтюрюрге джиби джокъ.
  • Ата Джуртун танымагъан, атасын да танымаз.
  • Тулпарлыкъ, билекден тюл – джюрекден.
  • Мухар, кеси тойса да, кёзю тоймаз.
  • Къарны аманнга къазан такъдырма, къолу аманнга от джакъдырма.
  • Сагъыш – къартлыкъгъа сюйюмчю.
  • Малны кют, джерни тюрт.
  • Билген билмегенни юретген адетди.
  • Эски джаугъа ышанма.
  • Ётюрюк хапар аякъ тюбю бла джюрюйдю.
  • Тенгни тенглиги джашай барсанг билинир.
  • Сёлеш деб шай берген, тохта деб, сом берген.
  • Уллу айтханны этмеген – уллаймаз.
  • Кечеси – аяз, кюню – къыш, джарлы къаргъагъа бир аш тюш!
  • Зар адамны насыбы болмаз.
  • Айныгъанлы алты кюн, тогъайгъанлы тогъуз кюн.

Аудио

Узденов Альберт

Файлов: 48

Обновлен: 06.07.2017

  • Узденов Альберт Ийнар
(Голосов: 4, Рейтинг: 4)

Описание

Дата: 13.09.2012
Прослушиваний: 1817
Скачиваний: 633
Размер: 9.95 МБ
Текст песни:
Мен сюймекликден дюккюч болгъанма,
Джаз чырпы болуб чабмазча.
Мени тенгледен кемлигим неди,
Насыбдан юлюш табмазча?

Элекге къуюб бергенча сууну
Бергененг сюймеклигингден,
Челекге къуюб бердинг джарсыуну
Ичдим сени бек сюйгенден

Ариум дедим, наныгъым дедим,
Къалай демедим атынга?
Насыб джюгенни джазыуугъа бериб,
Баралмай къалдым къатынга...

Кемсиз ариу сез башынга джауду,
Мен къоркъуума тюбедим.
Джаз чагъыб келген насып гоккамы
Сууну кеб къуюб тюб этдим...

Джазыуум улуйд къобхан тенгизча,
Къыбламам джокъду, къайдад джол?
Хар кетген кюнюм - батхан кемечад,
Мыдах къарайма, булгъай къол.

Боран шаушалса, джерни джылытыб,
Сенге кюн тийсин менге - ай!
Айгъа къарарма, санга ушатыб,
Къалсам да дайым суукълай...

Комментариев нет

  • Зарегистрируйтесь чтобы пользоваться плейлистом.