Расширенный поиск
26 Июля 2024 года
Логин: Регистрация
Пароль: Забыли пароль?
Навигация
Словарь
  • Таугъа чыгъаллыкъ эсенг, тюзде къалма.
  • Ат басханны джер билед.
  • Ач уят къоймаз.
  • Къарт айтханны этмеген, къартаймаз.
  • Ачыкъ джюрекге джол – ачыкъ.
  • Тойгъанлыкъ къойгъа джарашады.
  • Сакъламагъан затынга джолукъсанг, не бек къууанаса, не бек ачыйса.
  • Соргъан айыб тюлдю, билмеген айыбды.
  • Чабакъ башындан чирийди.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Чоюнну башы ачыкъ болса, итге уят керекди.
  • Дуния мал дунияда къалады.
  • Джетген къыз джерли эшекни танымаз.
  • Къыз келсе, джумуш эте келеди, къатын келсе, ушакъ эте келеди.
  • Байлыкъ адамны сокъур этер.
  • Тюз сёз баргъан сууну тыяр.
  • Къазанда болса, чолпугъа чыгъар.
  • Башда акъыл болмаса, эки аякъгъа кюч джетер.
  • Тамбла алтындан бюгюн багъыр ашхы.
  • Уясында не кёрсе, учханында аны этер.
  • Эркиши – от, тиширыу – суу.
  • Тил – кесген бычакъ, сёз – атылгъан окъ.
  • Хатерли къул болур.
  • Акъылсызны джууукъгъа алма, акъыллыны кенгнге салма.
  • Чомартны къолун джокълукъ байлар.
  • Хазыр ашха – терен къашыкъ.
  • Биреуге аманлыкъ этиб, кесинге игилик табмазса.
  • Намыс болмагъан джерде, насыб болмаз.
  • Гырджын – тепсини тамадасы.
  • Уллу суу бла уллу ауруудан башынгы сакъла.
  • Джарашыу сюйген – джалынчакъ.
  • Кютгени беш эчки, сызгъыргъаны уа, джерни джарады.
  • Ач къарным, тынч къулагъым.
  • Душманны тышы – акъ, ичи – къара.
  • Кёбден умут этиб, аздан къуру къалма.
  • Хар ишни да аллы къыйынды.
  • Термилгенинги табмазса, кюлгенинге тюберсе.
  • Адамны адамлыгъы къыйынлыкъда айгъакъланады.
  • Этни да ашады, бетни да ашады.
  • Керти сёзге тёре джокъ.
  • Чомарт бергенин айтмаз.
  • Баланы адам этген анады.
  • Аманнга да, игиге да оноусуз къатышма.
  • Къарнынг ауруса, ауузунгу тый
  • Зар адам ашынгы ашар, кесинги сатар.
  • Тойгъан джерге джети къайт.
  • Бети – къучакълар, джюреги – бычакълар.
  • Иги – алгъыш этер, аман – къаргъыш этер.
  • Ат да турмайды бир териде.
  • Тойгъа алгъа да барма, тойда артха да къалма.

Аудио

Узденов Альберт

Файлов: 48

Обновлен: 06.07.2017

  • Узденов Альберт Къарачайны къобаны
(Голосов: 6, Рейтинг: 4.5)

Описание

Дата: 12.09.2012
Прослушиваний: 5297
Скачиваний: 907
Размер: 6.36 МБ
Текст песни:
сл. и муз. Узденова Альберта

Ёзенлени, кенг тюзлени
Суусабларын къандыргъан,
Минги Тауну джюрегини
Къан тамырыса, Къобан.

Къарачайны Къобаны,
Минги Тауну кёк къаны,
Алгъышлары къартланы,
Таркъайма минг джылланы!

Джайда-боза, къачда - таза,
Къыш болса уа - мияла.
Джаз башында кемсиз аза,
Къулакъ суудан уяла,

Сени суунг - мени къаным,
Ёхтемлигинг кёлюмде.
Сабыр болгъанлыкъгъа ангым,
Дженгиллигинг халимде.

Энди халкъым термилмесин
Сенден уртлам уртларгъа!
Ачлыкъ джетиб кюсемесин
Ташларынгы джаларгъа!

Сынамазча халкъым къуулукъ,
Ёмюрде да болма сай!
Этиб турсанг халал къуллукъ,
Разы турур Къарачай!

Комментариев нет

  • Зарегистрируйтесь чтобы пользоваться плейлистом.