Расширенный поиск
7 Сентября 2024 года
Логин: Регистрация
Пароль: Забыли пароль?
Навигация
Словарь
  • Хатерли къул болур.
  • Чомартха хар кюн да байрамды.
  • Ышармагъан – кюлмез, кюлмеген – къууанчны билмез.
  • Сууда джау джокъ, кёб сёзде магъана джокъ.
  • Кенгеш болса, уруш болмаз.
  • Къонакъ болсанг, ийнакъ бол.
  • Тин – байлыгъынг, терен саулугъунг.
  • Ёгюзню мюйюзлери ауурлукъ этмейдиле.
  • Арба аугъандан сора, джол кёргюзтюучю кёб болур.
  • Ачлыкъ отха секиртир.
  • Иги – алгъыш этер, аман – къаргъыш этер.
  • Булут кёкге джарашыу, уят бетге джарашыу.
  • Тюз сёз баргъан сууну тыяр.
  • Алтыннга тот къонмаз.
  • Туз, гырджын аша, тюзлюк бла джаша.
  • Кийиминг бла танылма, адамлыкъ бла таныл.
  • Борчунг бар эсе, хурджунунга ойлаб узал.
  • Тил – кесген бычакъ, сёз – атылгъан окъ.
  • Оюмсуз атлагъан, аджалсыз ёлюр.
  • Ойнай-ойнай кёз чыгъар.
  • Баргъанынга кёре болур келгенинг.
  • Джырчы ёлсе, джыры къалыр.
  • Джуртун къоругъан озар.
  • Тойчу джашха къарама, къойчу джашха къара.
  • Къатын байлыкъны сюер, эр саулукъну сюер.
  • Эр сокъур болсун, къатын тилсиз болсун.
  • Асхат ашлыкъ сата, юйдегиси ачдан къата.
  • Сабий болмагъан джерде, мёлек болмаз.
  • Джарлыны тону джаз битер.
  • Артына баргъанны, къатына барма.
  • Аджашхан тёгерек айланыр.
  • Ана кёлю – балада, бала кёлю – талада.
  • Аманны къуугъан, аманлыкъ табар.
  • Акъдан къара болмаз.
  • Чабакъгъа акъыл, табагъа тюшсе келеди.
  • Бал – татлы, балдан да бала – татлы.
  • Кирсизни – саны таза, халалны – къаны таза.
  • Ханнга да келеди хариблик.
  • Къыз чыгъаргъан – къызыл къымжа.
  • Къыз тиширыу кеси юйюнде да къонакъды.
  • Садакъачыны джаны – къапчыгъында.
  • Бал ашаргъа сюе эсенг, чибин ургъаннга тёз.
  • Алтыда кюлмеген, алтмышда кюлмез.
  • Накъырда – кертини келечиси.
  • Онгсузну – джакъла, тенгликни – сакъла.
  • Ёксюзню тилеги къабыл болур.
  • Уллу суу бла уллу ауруудан башынгы сакъла.
  • Джашны джигитлиги сорулур, къызны джигерлиги сорулур.
  • Къыз келсе, джумуш эте келеди, къатын келсе, ушакъ эте келеди.
  • Зарда марда джокъ.

Аудио

Айдаруков Хасан

Файлов: 6

Обновлен: 06.07.2017

  • Айдаруков Хасан Гапалау
(Голосов: 2, Рейтинг: 5)

Описание

Дата: 08.09.2012
Прослушиваний: 1243
Скачиваний: 86
Размер: 7.38 МБ
Текст песни:
сл. и муз. народные

Гапалаула эки элле, бир болду,
Джарлы балам дуниядан тас болду.
Ой, анасына джигит туугъан Гапалау!

Ыстауатда толу къазан къайнайды,
Сени юсюнгде тогъуз къазыкъ ойнайды,
Ой, анасына джигит туугъан Гапалау!

Ыстауатынг джылан джырмаз мурсады,
Сени ёлтюрген Ижаланы Мусады,
Гапалауум къызыл къан бла къусады!

Къанынг барад къырдыкъланы мор этиб,
Ижалары ёлтюрдюле зор этиб,
Ой, анасына джигит туугъан Гапалау!

Гапалауну ёлтюрдюле, сойдула,
Джаш къатынын ау тюбюнде къойдула,
Ой, анасына джигит туугъан Гапалау!

Джалчыларынг малларынгы сюрелле,
Ижалары сени ызынгдан кюлелле,
Ой, анасына джигит туугъан Гапалау!

Комментариев нет

  • Зарегистрируйтесь чтобы пользоваться плейлистом.