Расширенный поиск
26 Апреля 2024 года
Логин: Регистрация
Пароль: Забыли пароль?
Навигация
Словарь
  • Телиге акъыл салгъандан эсе, ёлгеннге джан салырса.
  • Чакъырылмагъан къонакъ – орунсуз.
  • Къайгъыны сюйген, къайгъы табар.
  • Битмегеннге сакъал – танг.
  • Минг тенг да азды, бир джау да кёбдю.
  • Къарнынг бла ёч алма.
  • Арба аугъандан сора, джол кёргюзтюучю кёб болур.
  • Джуртун къоругъан озар.
  • Ишленмеген джаш – джюгенсиз ат, ишленмеген къыз – тузсуз хант.
  • Суугъа – чабакъ, къаягъа – ыргъакъ.
  • Ётюрюкден тюбю джокъ, кёлтюрюрге джиби джокъ.
  • Кирсизни – саны таза, халалны – къаны таза.
  • Бал ашаргъа сюе эсенг, чибин ургъаннга тёз.
  • Ат да турмайды бир териде.
  • Уллу атлама – абынырса, уллу къабма – къарылырса.
  • Элге къуллукъ этмеген, элге ие болмаз.
  • Къайгъы тюбю – тенгиз.
  • Къызын тута билмеген, тул этер, джашын тута билмеген, къул этер.
  • Тойгъанлыкъ къойгъа джарашады.
  • Аман адам этегингден тутса, кес да къач.
  • Сибиртки да сыйлы болду, кюрек да кюнлю болду.
  • Башда акъыл болмаса, эки аякъгъа кюч джетер.
  • Ач келгенни – тойдур, кеч келгенни – къондур.
  • Биреуню къыйынлыгъы бла кесинге джол ишлеме.
  • Башланнган иш битер, къымылдагъан тиш тюшер.
  • Халкъны юйю – туугъан джери.
  • Ач уят къоймаз.
  • Иги адамны бир сёзю эки болмаз.
  • Баланы адам этген анады.
  • Аууздан келген, къолдан келсе, ким да патчах болур эди.
  • Адам къыйынлыгъын кёлтюрюр, зауукълугъун кёлтюрмез.
  • Ашхы сёз таш тешер.
  • Тиширыусуз юй – отсуз от джагъа.
  • Къозулугъунда тоймагъан, къойлугъунда тоймаз.
  • Адеби болмагъан къыз – тузсуз хант.
  • Юй ишлеген балта эшикде къалыр.
  • Хар адамгъа кеси миннген тау кибик.
  • Эрине къаргъыш этген къатын, эрнин къабар.
  • Термилгенинги табмазса, кюлгенинге тюберсе.
  • Къобан да къуру да къобханлай турмайды, адам да къуру да патчахлай турмайды.
  • Билимсиз иш бармаз.
  • Элни кючю – эмеген.
  • Ашлыкъны арба юйге келтирир, чана базаргъа элтир.
  • Кёб къычыргъандан – къоркъма, тынч олтургъандан – къоркъ.
  • Эте билген, этген этеди, эте билмеген, юретген этеди!
  • Чалманны аллы къалай башланса, арты да алай барады.
  • Тулпарлыкъ, билекден тюл – джюрекден.
  • Къолу уллу – асыу, аягъы уллу – джарсыу.
  • Къыйынлы джети элни къайгъысын этер.
  • Тойгъандан сора, ашны сёкме.

Аудио

Апсаты (ансамбль)

Файлов: 3

Обновлен: 06.07.2017

  • Апсаты (ансамбль) Анам
(Голосов: 1, Рейтинг: 5)

Описание

Дата: 14.06.2012
Прослушиваний: 1305
Скачиваний: 218
Размер: 9.05 МБ
Текст песни: СЕМЕНЛАНЫ СЫМАЙЫЛ

АНАМ

Ата деген Минги Таугъа миннгенлей,
Ана деген дарий, дамха кийгенлей,
Кюнюм батды джарлы анам ёлгенлей,
Джулдуз атлы, балдан татлы, ой анам!

Билмегенлей кёчюрюрге бардыла,
Сормагьанлай машинагьа салдыла,
Эки джашынг эки джерде къалдыла
Джулдуз атлы, балдан татлы, ой анам!

Кимле чачдыла Семенлада къалангы,
Кимге айтайым джюрегимде джарамы,
Къайда къойдум акъ сют берген анамы?
Джулдуз атлы, балдан татлы, ой анам!

Ой Къарачай къуш тюгюнлей чачылды,
Бар палахны башы бери ачылды,
Джарлы миллет Азиягъа атылды...
Джулдуз атлы, балдан татлы, ой анам!

Ата деген ашхы ишге талпытхан,
Ана деген кёкню, джерни танытхан...
Ёлюм деген хар джюрекни ачытхан...
Джулдуз атлы, балдан татлы, ой анам!

Ата деген ёмюр юйню ачхычы,
Ана деген джашауунгу басхычы,
Елюм деген джашагъанны ачысы
Джулдуз атлы, балдан татлы, ой анам!

Ата деген накъут-налмаз къалады,
Ана деген джанынга джан салады,
Ол джашауну бир насыблы табады,
Джулдуз атлы, балдан татлы, ой анам!

Тогъуз айны ay тюбюнде кёлтюрдюнг,
Къайын ата, къайын ана къолунда,
Кече-кюн да гёзет этген джолунда,
Джулдуз атлы, балдан татлы, ой анам!

Эки джылны акъ сютюнгю ичирдинг,
Ешюнюнгю тёшек этиб ёсдюрдюнг,
Алай эте талай джылгъа джетдирдинг,
Джулдуз атлы, балдан татлы, ой анам!

Отха иймей, суугъа иймей сакъладынг,
Юй кёгюрчюн къанатларын джабханча,
Белляуунгда сени алгъыш сёзлеринг ?
Джанкъылычдан нюр таякъла къакъгъанча.

Кёк памилден кёлек, кёнчек этгененг,
Къаназирден къабдал этиб кийдирдинг,
Эркелете хар адамгъа сюйдюрдюнг...
Джулдуз атлы, балдан татлы, ой анам!

Джети джылда окъуу-билим алдырдынг,
Ишлей-ишлей санларынгы талдырдынг,
Джашачы деб, тоханала салдырдынг
Джулдуз атлы, балдан татлы, ой анам!

Таугъа чыкъсам, таш аджалдан титиреб,
Малгъа кетсем, садакъала кёлтюрюб,
Бушуу, къайгъы джюрегинге келтириб...
Джулдуз атлы, балдан татлы, ой анам!

Элден энчи ат атаенг атыма...
Джанауалда мен болмадым къатынгда,
Джаш тюрсюнюнг агъармагъан чачынгда...
Джулдуз атлы, балдан татлы ой анам!

Къулагъыма сууукъ салах тартылды,
Джулдуз ананг ёлгенди деб, айтылды,
Джюрегиме джюрек ауруу къатылды...
Джулдуз атлы, балдан татлы, ой анам!

Къайда къалды харекетинг, малларынг,
Ишлей-ишлей талчыкъмагьан санларынг,
Джюнню джибек этген алтын къолларынг?
Джулдуз атлы, балдан татлы ой анам!

Атам эсе Бейтуллахда ёлюбдю,
Анам эсе, бир мусафир шейитди,
Нек джылайма кимден да не келликди?
Джулдуз атлы, балдан татлы, ой анам!

Джыллыкъ джолдан келир эдим кёрюрге,
Санга, анам, олджан салам берирге,
Разылыгъынгы алыб ёлюрге,
Джулдуз атлы, балдан татлы, ой анам!

Къарачайда къабырынгы табсам эд,
Зияратха Азиягъа бармазем,
Былай болуб къаллыгъымы мен билсем,
Джан бермейин айырылыб къалмазем.

Бу дуниягъа туумай къалгъан мен болсам,
Сени ёлген ачыуунгу билмезем,
Къазах элде къабырынгы кёрмезем...
Джулдуз атлы, балдан татлы, ой анам!

Кёр узакъды, тура-тура безерсе,
Уллу Аллахны буйругьуна тёзерсе,
Махшар кюнде, ой балам деб, излерсе,
Джулдуз атлы, балдан татлы, ой анам!

Кюн садакъа мени санга беририм,
Аллах айтса, махшар кюндю кёрюрюм,
Къазах элде къалды, хариб, ёлюгюнг
Джулдуз атлы, балдан татлы, ой анам!

Кече ёмюрюм бир къарангы тёбеди,
Кюн ёмюрюм джюзюб кетген кемеди,
Ёлюм деген хар адамгъа тёреди,
Джулдуз атлы, балдан татлы ой анам!

Комментариев нет

  • Зарегистрируйтесь чтобы пользоваться плейлистом.