Расширенный поиск
13 Октября 2024 года
Логин: Регистрация
Пароль: Забыли пароль?
Навигация
Словарь
  • Баланы адам этген анады.
  • Ачылгъан эт джабылыр, кёрген кёз унутмаз.
  • Келинни – келгинчи, бёркню кийгинчи кёр.
  • Кесинг сынамагъан затны, адамгъа буюрма.
  • Къызбайны юйюне дери сюрсенг, батыр болур.
  • Насыб бютеу халкъны юлюшюдю.
  • Бети – къучакълар, джюреги – бычакълар.
  • Ата – баланы уясы.
  • Ёлген ийнек сютлю болур.
  • Джырына кёре эжиую.
  • Адамны сыфатына къарама, сёзюне къара.
  • Тилчиден кери бол.
  • Рысхы – насыбха къор.
  • Атадан ёксюз – бир ёксюз, анадан ёксюз – эки ёксюз.
  • Кёб ант этген, кёб ётюрюк айтыр.
  • Эте билген, этген этеди, эте билмеген, юретген этеди!
  • Эли джокъну – кёлю джокъ.
  • Таш бла ургъанны, аш бла ур.
  • Билими азны – ауузунда кирит.
  • Аманны къуугъан, аманлыкъ табар.
  • Башы ишлегенни, ауузу да ишлер.
  • Ишлегенде эринме, ишде чолакъ кёрюнме.
  • Биреуге кёлтюрген таягъынг, кесинги башынга урур.
  • Ана къолу ачытмаз.
  • Сормай – алма, чакъырылмай – барма.
  • Кёзюнде тереги болгъан, чёбю болгъаннга кюле эди.
  • Къалгъан ишге къар джауар.
  • Джарлы эскисин джамаса, къууаныр.
  • Мухарны эси – ашарыкъда.
  • Сабыр джетер муратха, сабырсыз къалыр уятха.
  • Кечеси – аяз, кюню – къыш, джарлы къаргъагъа бир аш тюш!
  • Аман къатын сабий табса, бий болур…
  • Къыз келсе, джумуш эте келеди, къатын келсе, ушакъ эте келеди.
  • Джаным-тиним – окъуу, билим.
  • Ауузу аманнга «иги», деме.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Кёлю джокъну – джолу джокъ.
  • Билмезни кёзю кёрмез, этмезни къулагъы эшитмез.
  • Ёлюк кебинсиз къалмаз.
  • Ариу сёз аурууунгу алыр.
  • Акъыл сабырлыкъ берир.
  • Айныгъанлы алты кюн, тогъайгъанлы тогъуз кюн.
  • Къошда джокъгъа – юлюш джокъ.
  • Садакъачыны джаны – къапчыгъында.
  • Къая джолда джортма, ачыкъ сёзден къоркъма.
  • Дуния аламаты сен эсенг да, игиме деб айтма.
  • Билеги кючлю, бирни джыгъар, билими кючлю, мингни джыгъар.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Эшекге миннген – биринчи айыб, андан джыгъылгъан – экинчи айыб.
  • Къызны минг тилер, бир алыр.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Тиширула
(Голосов: 1, Рейтинг: 5)

Описание

Дата: 23.03.2012
Прослушиваний: 1945
Скачиваний: 199
Размер: 4.98 МБ
Текст песни:
Музыка Любы Болуровой, стихи Биляла Аппаева. 

Къыш сууукълада джылыу излесек, 
Биз ушатабыз джазгъа. 
Джай иссиледе тенглешдиребиз 
Сизни салкъын аязгъа. 

Гокка ханслача, ариулукъ салыб, 
Сейирлик джерибизде. 
Иги умутла, иги муратла 
Туудура кёлюбюзде. 

Припев: 
Джолубузгъа тийириб джарыкъ кюн 
Бизге къанат бересиз, тиширыула. 
Бизден бек сюе билгенигиз ючюн, 
Сизни артыкъ сюебиз, тиширыула. 

Кёгюрчюн кибик, сакъалайсыз отдан 
Сиз джерни юсюн хаман. 
Кёгюбюз чууакъ, рахат джашайбыз 
Джарыкъды бизни заман. 

Джолубуз кенгди, кюн билек болуб, 
Таймай алгъа барабыз. 
Къууанч кюнде да, джарсыу кюнде да 
Биз халал тенг болабыз. 

Припев. 

Хар насыбны да тамамы болгъан 
Сиз огъурлу анасыз. 
Сабийлеригиз джарыкъ ышара, 
Юйге къууанч саласыз. 

Нюр сыфатыгъыз булут кюнде да 
Бизге джарыкъ этеди. 
Сюймеклигигиз кюч бериб хаман 
Таукел алгъа элтеди. 

Припев. 

Комментариев нет

  • Зарегистрируйтесь чтобы пользоваться плейлистом.