Расширенный поиск
25 Апреля 2024 года
Логин: Регистрация
Пароль: Забыли пароль?
Навигация
Словарь
  • Этек чакъмакълары баш джаргъан, сёлешген сёзлери таш джаргъан.
  • Аманнга алтын чыдамаз.
  • Ашлыкъны арба юйге келтирир, чана базаргъа элтир.
  • Къарт болгъан джерде, берекет болур, сабий болгъан джерде, оюн болур.
  • Билимли ёлмез, билимсиз кёрмез.
  • Кютгени беш эчки, сызгъыргъаны уа, джерни джарады.
  • Айныгъанлы алты кюн, тогъайгъанлы тогъуз кюн.
  • Къайгъыны сюйген, къайгъы табар.
  • Ариу сёз джыланны орнундан чыгъарыр.
  • Ишлегенде эринме, ишде чолакъ кёрюнме.
  • Байлыкъдан саулукъ ашхыды.
  • Айырылгъанланы айю ашар, бёлюннгенлени бёрю ашар.
  • Кюл тюбюндеги от кёрюнмейди.
  • Узун джолну барсанг, бюгюн келирсе, къысха джолну барсанг, тамбла келирсе.
  • Къатын къылыкъсыз, эр тынчлыкъсыз.
  • Керек ташны ауурлугъу джокъ.
  • Бермеген къол, алмайды.
  • Эрни эр этерик да, къара джер этерик да, тиширыуду.
  • Аууз сакълагъан – джан сакълар.
  • Къонакъ болсанг, ийнакъ бол.
  • Иги джашны ышаны – аз сёлешиб, кёб тынгылар.
  • Онгсузну – джакъла, тенгликни – сакъла.
  • Къызгъанчдан ычхыныр, мухардан ычхынмаз.
  • Иги болса, тамадама – махтау, аман болса, меннге – айыб.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джолунга кёре – джюрюшюнг, джагъанга кёре – юлюшюнг.
  • Эм ашхы къайын ана мамукъ бла башынгы тешер.
  • Иги сёз – джаннга азыкъ, аман сёз башха – къазыкъ.
  • Джюрекден джюрекге джол барды.
  • Эм уллу байлыкъ – джан саулукъ.
  • Ёнгкюч къууана барыр, джылай келир.
  • Таукел къуру къалмаз.
  • Итли къонакъ джарашмаз.
  • Хаухну атма, ёнгкючню сатма.
  • Ётюрюк хапар аякъ тюбю бла джюрюйдю.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Сагъыш – къартлыкъгъа сюйюмчю.
  • Сёз къанатсыз учар.
  • Къатын байлыкъны сюер, эр саулукъну сюер.
  • Терслик кетер, тюзлюк джетер.
  • Арбаз сайлама да, хоншу сайла.
  • Тёрени джагъы джокъ.
  • Ашхы сёз таш тешер.
  • Кирсизни – саны таза, халалны – къаны таза.
  • Халкъны джырын джырласанг, халкъ санга эжиу этер.
  • Уллу сёзде уят джокъ.
  • Къуллукъчума, деб махтанма, къуллукъ – хаух джамчыды!
  • Гыдай эчки суугъа къараб, мюйюзле кёрмесе, джашма алкъын, дегенди.
  • Иги адамны бир сёзю эки болмаз.
  • Акъыл сабырлыкъ берир.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Тиширула
(Голосов: 1, Рейтинг: 5)

Описание

Дата: 23.03.2012
Прослушиваний: 1867
Скачиваний: 199
Размер: 4.98 МБ
Текст песни:
Музыка Любы Болуровой, стихи Биляла Аппаева. 

Къыш сууукълада джылыу излесек, 
Биз ушатабыз джазгъа. 
Джай иссиледе тенглешдиребиз 
Сизни салкъын аязгъа. 

Гокка ханслача, ариулукъ салыб, 
Сейирлик джерибизде. 
Иги умутла, иги муратла 
Туудура кёлюбюзде. 

Припев: 
Джолубузгъа тийириб джарыкъ кюн 
Бизге къанат бересиз, тиширыула. 
Бизден бек сюе билгенигиз ючюн, 
Сизни артыкъ сюебиз, тиширыула. 

Кёгюрчюн кибик, сакъалайсыз отдан 
Сиз джерни юсюн хаман. 
Кёгюбюз чууакъ, рахат джашайбыз 
Джарыкъды бизни заман. 

Джолубуз кенгди, кюн билек болуб, 
Таймай алгъа барабыз. 
Къууанч кюнде да, джарсыу кюнде да 
Биз халал тенг болабыз. 

Припев. 

Хар насыбны да тамамы болгъан 
Сиз огъурлу анасыз. 
Сабийлеригиз джарыкъ ышара, 
Юйге къууанч саласыз. 

Нюр сыфатыгъыз булут кюнде да 
Бизге джарыкъ этеди. 
Сюймеклигигиз кюч бериб хаман 
Таукел алгъа элтеди. 

Припев. 

Комментариев нет

  • Зарегистрируйтесь чтобы пользоваться плейлистом.