Расширенный поиск
6 Октября 2024 года
Логин: Регистрация
Пароль: Забыли пароль?
Навигация
Словарь
  • Ашхы – джыяр, аман – джояр.
  • Чалманны аллы къалай башланса, арты да алай барады.
  • Юй ишлеген балта эшикде къалыр.
  • Сакъалы текени да бар, мыйыгъы киштикни да бар.
  • Айырылмаз джууугъунга, унутмаз сёзню айтма.
  • Сютден ауузу кюйген, суугъа юфгюре эди.
  • Чакъырылмагъан къонакъ тёрге атламаз.
  • Босагъагъа джууукъ орун болса, ашыгъыб тёрге озма.
  • Тёрде – темир таякълы, къаяда – чыпчыкъ аякълы.
  • «Ма», - дегенни билмесенг, «бер», - дегенни билмезсе.
  • Суу кетер, таш къалыр.
  • Ач отунчуну ачыуу – бурнунда.
  • Атадан ёксюз – бир ёксюз, анадан ёксюз – эки ёксюз.
  • Джан саулукъ бермей, сан саулукъ бермезсе.
  • Окъуусуз билим – джокъ, билимсиз кюнюнг – джокъ.
  • Мал тутхан – май джалар.
  • Къонакъны къачан кетерин сорма, къачан келлигин сор.
  • Ашхы адам – халкъ байлыгъы, ашхы джер – джашау байлыгъы.
  • Алтыда кюлмеген, алтмышда кюлмез.
  • Джерни букъусу кёкге къонмаз.
  • Джаш болсун, къыз болсун, акъылы, саны тюз болсун.
  • Ата – билек, ана – джюрек!
  • Ауузу бла къуш тута айланады.
  • Эки элинги тыйсанг, джети элде махталырса.
  • Урама да – ёледи, сатама да – келеди.
  • Ашатыргъа иш – ашхы, ишлетирге аш – ашхы.
  • Гитче джилтин уллу элни джандырыр.
  • Къулакъдан эсе, кёзге ышан.
  • Ойнай-ойнай кёз чыгъар.
  • Джыйырма къойну юч джыйырма эбзе кюте эди.
  • Тойгъандан сора, ашны сёкме.
  • Билим къая тешер.
  • Эрине къаргъыш этген къатын, эрнин къабар.
  • Ачыу алгъа келсе, акъыл артха къалады.
  • Кесине гебен этелмеген, биреуге черен эте эди.
  • Суугъа – таянма, джаугъа – ийнанма.
  • Ёксюзню къалачы уллу кёрюнюр.
  • Къартны сыйын кёрмеген, къартлыгъында сыйлы болмаз.
  • Ашыкъгъан cуу, тенгизге джетмез.
  • Байлыкъ болгъан джерде, тынчлыкъ джокъду.
  • Джарлы эскисин джамаса, къууаныр.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Ана – юйню кюн джарыгъы.
  • Джырчы ёлсе, джыры къалыр.
  • Джукъу тёшек сайламайды.
  • Кёпюр салгъан кеси ётер, уру къазгъан кеси кетер.
  • Баргъанынга кёре болур келгенинг.
  • Сабий болмагъан джерде, мёлек болмаз.
  • Ач – эснер, ат – кишнер.
  • Окъугъан озар, окъумагъан тозар.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Къарачай шахар
(Голосов: 3, Рейтинг: 3.67)

Описание

Дата: 21.03.2012
Прослушиваний: 1802
Скачиваний: 146
Размер: 6.86 МБ
Текст песни:
Музыка Бориса Джамбаева, стихи Азамата Суюнчева. 

Босагъангда таулу къыз, 
Берген кибик джюрегин, 
Алгъьш аякъны алыб, 
Узатады билегин. 

Припев: 
Карачаевск — тау шахар, 
Ачыкъ болуб джюрегинг, 
Чакъырады шохланы 
Сени шохлукъ билегинг. 

Уруннганны саугъасы — 
Сени тепсинг — берекет, 
Сен шохлукъну къаласы, 
Туздамынгдан тигим эт. 

Припев: 
Тёрт джанынгда къаяла, 
Нартла кибик, сюелиб, 
Къарайдыла къууана, 
Къарнашлыкгъа къаш кериб. 

Тау шахарым — шохлукъну 
Бузулмазлыкъ къаласы, 
Тау башладан баш болсун 
Адетлеринг, намысынг. 

Припев: 
Карачаевск — тау шахар, 
Ачыкъ болуб джюрегннг, 
Чакъырады шохланы 
Сени шохлукъ билегинг. 

Босагъангда таулу къыз, 
Берген кибик джюрегин, 
Алгъьш аякъны алыб, 
Узатады билегин. 

Припев: 
Карачаевск — тау шахар, 
Ачыкъ болуб джюрегинг, 
Чакъырады шохланы 
Сени шохлукъ билегинг.

Комментариев нет

  • Зарегистрируйтесь чтобы пользоваться плейлистом.