Расширенный поиск
16 Сентября 2019 года
Логин: Регистрация
Пароль: Забыли пароль?
Навигация
Словарь
  • Гитче джилтин уллу элни джандырыр.
  • Таула не мийик болсала да, аууш табылыр.
  • Мал тутхан – май джалар.
  • Тыш элде солтан болгъандан эсе, кесинги элде олтан болгъан игиди!
  • Сибиртки да сыйлы болду, кюрек да кюнлю болду.
  • Къарт бла баш аша, джаш бла аякъ аша.
  • Кёбден умут этиб, аздан къуру къалма.
  • Кёл – къызбай, къол – батыр.
  • Къыйынлы джети элге оноу этер.
  • Харам къарнашдан, халал тенг ашхы.
  • Бойнуму джети джерден кессенг да, мен ол ишни этеллик тюлме.
  • Адеб джокъда, намыс джокъ.
  • Биреуге кёлтюрген таягъынг, кесинги башынга урур.
  • Ичимден чыкъды хата, къайры барайым сата?
  • Биреуню къыйынлыгъы бла кесинге джол ишлеме.
  • Джюз элде джюз ёгюзюм болгъандан эсе, джюз джууугъум болсун.
  • Ётюрюкчюню шагъаты – къатында.
  • Тёзгеннге, джабылгъан эшик ачылыр.
  • Ёлмесенг да, къарт дамы болмазса?
  • Адамны адамлыгъы къыйынлыкъда айгъакъланады.
  • Ашыкъгъан cуу, тенгизге джетмез.
  • Башы джабылгъан челекге, кир тюшмез.
  • Экиндини кеч къылсанг, чабыб джетер ашхам.
  • Аз сёлешген, къайгъысыз турур.
  • Къарт болгъан джерде, берекет болур, сабий болгъан джерде, оюн болур.
  • Мухарны эси – ашарыкъда.
  • Адамны бетине къарама, адетине къара.
  • Арбаз къынгырды да, ийнек сауалмайма.
  • Къанны къан бла джуума, аманны аман бла къуума.
  • Ач да бол, токъ да бол – намысынга бек бол.
  • Эм уллу байлыкъ – джан саулукъ.
  • Оюмсуз атлагъан, аджалсыз ёлюр.
  • Ашхы болсанг, атынг чыгъар, аман болсанг, джанынг чыгъар.
  • Акъыл сабырлыкъ берир.
  • Арыгъан къош чамчы болур.
  • Уллу сёзде уят джокъ.
  • Бозанг болмагъан джерге, къалагъынгы сукъма.
  • Бёрю да ач къалмасын, эчки да ашалмасын.
  • Ургъан суудан башынгы сакъла.
  • Чабакъсыз кёлге къармакъ салгъанлыкъгъа, чабакъ тутмазса.
  • Айныгъанлы алты кюн, тогъайгъанлы тогъуз кюн.
  • Мени джылытмагъан кюн, меннге тиймесин!
  • Ашхы адам – халкъ байлыгъы, ашхы джер – джашау байлыгъы.
  • Сабыр джетер муратха, сабырсыз къалыр уятха.
  • Биреуню тёрюнден, кесинги эшик артынг игиди.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Ашхылыкъ джерде джатмайды, аманлыкъ суугъа батмайды.
  • Аякъларынгы джууургъанынга кёре узат.
  • Билмезни кёзю кёрмез, этмезни къулагъы эшитмез.
  • Ачыкъ джюрекге джол – ачыкъ.

Аудио

Джаммаев Борис

Файлов: 13

Обновлен: 10.07.2017

  • Джаммаев Борис Айджаякъ
(Голосов: 4, Рейтинг: 4)

Описание

Дата: 21.03.2012
Прослушиваний: 1656
Скачиваний: 161
Размер: 6.29 МБ
Текст песни:
Музыка Бориса Джамбаева, стихи Азамата Суюнчева. 

Посвящается Хурриет Эрсой (Айджаякъ Маршанкуловой) - советнику премьер-министра Республики Турция, президенту карачаево-балкарского фонда Турции. 

Айны, Кюнню къызымыса, Айджаякъ, 
Ингил джилтин джылы джарыкъ тийдирген? 
Къайдан чыкъдынг сен, джаз джилек, бал таракъ, 
Къыш чилледе кесин татлы сюйдюрген? 

Сен джашагъан Стамбул бла Анкара 
Санга сыйлы, багъалы да болурла, 
Къарачайда хар бир тау да - минара, 
Мийик чыкъ да, бизни джуртгъа бир къара. 

Сени бабанг-акканг салгъан къалала 
Ёмюрледен санга хапар айтырла,. 
Джаягъынгы сал да, ташын тансыкъла, 
Ала ичген таза суудан сен уртла. 

"Къонакъ" дерге боллукъмулла адамла 
Ата юйюн сюйюб келген къызына? 
Узаймайын кёл салырса джуртунга, 
Сен ашыкъма къайытыргъа ызынга. 

Сени бла тюбешген кюн, Айджаякъ! 
Къар джауса да, ай батылмайд шахарда. 
Аякъ ызыбызны джабмаз джабалакъ, 
Унутулмаз татлы ушакъ арада. 

Къарачайдан кетме, ариу Айджаякъ, 
Къарачайда хар бир тау да - минара! 
Таугъа чыгъыб, сагъыш этиб сен къара, 
Сюймекликге чырмау болмаз чек ара. 

Комментарии (1)

    Джаратама0
    Totur_Ram
    07.01.2013 23:31:55
    АЙДЖАЯКЪ

    Айны, Кюнню къызымыса, Айджаякъ,
    ингил джилтин - джылы джарыкъ тийдирген?
    Къайдан чыкъдынг сен джаз джилЕк, бал таракъ,
    Къыш чилледе кесин татлы сюйдюрген?

    Сен джашагъан Стамбул бла Анкара,
    Санга сыйлы, багъалы да болурла!
    Къарачайда хар бир тау да - минара,
    Мийик чыкъ да бизни джуртха бир къара!

    Сени бабанг-акканг салгъан къалала,
    Ёмюрледен санга хапар айтырла!
    Джаягъынгы сал да, ташын тансыкъла,
    Ала ичген таза суудан сен уртла!

    Къонакъ дерге боллукъмулла адамла,
    Ата юйюн сюйюб келген къызына?
    Узаймайын кёл салырса джуртунга,
    Сен ашыкъма къайытыргъа ызынга!

    Сени бла тюбешген кюн, Айджаякъ,
    къар джауса да, Ай батылмайд шахарда.
    Аякъ ызыбызны джабмаз джабалакъ,
    унутулмаз татлы ушакъ арада.

    Къарачайдан кетме, ариу Айджаякъ!
    Къарачайда хар бир тау да - минара!
    Таугъа чыгъыб, сагъыш этиб сен къара,
    Сюймекликге чырмау болмаз чек ара!
    Ссылка
    • Зарегистрируйтесь чтобы пользоваться плейлистом.