Расширенный поиск
13 Июля 2025 года
Логин: Регистрация
Пароль: Забыли пароль?
Навигация
Словарь
  • Ургъан суудан башынгы сакъла.
  • Адамны аманы адамны бети бла ойнар.
  • Джангыз терек къынгыр ёсер.
  • Тилчи бир сагъатха айлыкъ хата этер.
  • Къумурсхала джыйылсала, пилни да джыгъадыла.
  • Тас болгъан бычакъны сабы – алтын.
  • Ауурну тюбю бла, дженгилни башы бла джюрюген.
  • Тёрдеги кюлсе, эшикдеги ышарыр.
  • Юреннген ауруу къалмаз.
  • Аман адамны тепсинге олтуртсанг, къызынгы тилер.
  • Адамны сабийин сюйген джюреги, бычакъча, джитиди.
  • Босагъа таш юйге кирмей эди, тыбыр таш эшикге чыкъмай эди.
  • Акъыл бла адеб эгизледиле.
  • Ашлыкъ – бюртюкден, джюн – тюкден.
  • Сёз садакъдан кючлюдю.
  • Джолунга кёре – джюрюшюнг, джагъанга кёре – юлюшюнг.
  • Ач бёрюге мекям джокъ.
  • Чабакъгъа акъыл, табагъа тюшсе келеди.
  • Ашхы адам – халкъ байлыгъы, ашхы джер – джашау байлыгъы.
  • Билмегенинги, билгеннге сор.
  • Эртде тургъан бла эртде юйленнген сокъуранмаз.
  • Билимсиз иш бармаз.
  • Биреуге аманлыкъны тилеме да, кесинге ашхылыкъны тиле.
  • Чабар ат – джетген къыз.
  • Тынгылагъан тынгы бузар.
  • Къарны аманнга къазан такъдырма, къолу аманнга от джакъдырма.
  • Эл ауузу – элия.
  • Ат да турмайды бир териде.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Ач – эснер, ат – кишнер.
  • Джырчы ёлсе, джыры къалыр.
  • Битмегеннге сакъал – танг.
  • Ата Джуртча джер болмаз, туугъан элча эл болмаз.
  • Билимли ёлмез, билимсиз кёрмез.
  • Эли джокъну – кёлю джокъ.
  • Къарт айтханны этмеген, къартаймаз.
  • Тюзню ётмеги тюзде къалса да, тас болмаз.
  • Малны кют, джерни тюрт.
  • Гырджын – тепсини тамадасы.
  • Адамны адамлыгъы къыйынлыкъда айгъакъланады.
  • Ёлмесенг да, къарт дамы болмазса?
  • Сыфатында болмагъаны, суратында болмаз.
  • Бир абыннган – минг сюрюнюр.
  • Сакъ юйюне сау барыр.
  • Кимни – тили, тиши онглу, кимни – къолу, иши онглу.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Билмезни кёзю кёрмез, этмезни къулагъы эшитмез.
  • Тюзлюк шохлукъну бегитир.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Сакъламагъан затынга джолукъсанг, не бек къууанаса, не бек ачыйса.

Аудио

Байчоров А

Файлов: 6

Обновлен: 06.02.2012

  • Байчоров А. - Заманында къайыталмасам
(Нет голосов)

Описание

Дата: 06.02.2012
Прослушиваний: 1921
Скачиваний: 147
Размер: 5.06 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.