Расширенный поиск
15 Мая 2025 года
Логин: Регистрация
Пароль: Забыли пароль?
Навигация
Словарь
  • Айтылгъан сёз ызына къайтмаз.
  • Къралынгы – душмандан, башынгы от бла суудан сакъла.
  • Баш болса, бёрк табылыр.
  • Къызбайны юйюне дери сюрсенг, батыр болур.
  • Этни да ашады, бетни да ашады.
  • Ат да турмайды бир териде.
  • Джюрек кёзден алгъа кёрюр.
  • Тай асырагъан, атха минер.
  • Эр абынмай, эл танымаз.
  • Накъырда – кертини келечиси.
  • Ачны эсинде – аш.
  • Джан саулукъ бермей, сан саулукъ бермезсе.
  • Адеб этмеген, адеб кёрмез.
  • Чарсда алчыны эл кёреди.
  • Аджашхан тёгерек айланыр.
  • Баргъанынга кёре болур келгенинг.
  • Джуртун къоругъан озар.
  • Танг атмайма десе да, кюн къоярыкъ тюйюлдю.
  • Гугук кесини атын айтыб къычыргъанча, мен, мен деб нек тураса?
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Окъугъан – асыу, окъумагъан – джарсыу.
  • Билимли ёлмез, билимсиз кёрмез.
  • Аууздан келген, къолдан келсе, ким да патчах болур эди.
  • Айтылгъан буйрукъ, сёгюлмез
  • Айтхан – тынч, этген – къыйын.
  • Ауузу бла къуш тута айланады.
  • Ашхы сёз таш тешер.
  • Джарлы тюеге минсе да, ит къабар.
  • Огъурлуну сёзю – суу, огъурсузну сёзю – уу.
  • Суу кетер, таш къалыр.
  • Тамбла алтындан бюгюн багъыр ашхы.
  • Ёмюрлюк шохлукъну джел элтмез.
  • Эркишини аманы тиширыуну джылатыр.
  • Кёб джат да, бек чаб.
  • Арбаз сайлама да, хоншу сайла.
  • Эркиши – от, тиширыу – суу.
  • Тилчиден кери бол.
  • Ариуну – ауруу кёб.
  • Биреуню тёрюнден, кесинги эшик артынг игиди.
  • Джети тилни билген джети кишиди.
  • Джахил болса анасы, не билликди баласы?
  • Ишни ахырын ойламай, аллын башлама.
  • Уллу суу бла уллу ауруудан башынгы сакъла.
  • Ач да бол, токъ да бол – намысынга бек бол.
  • Aдам боллукъ, сыфатындан белгили.
  • Сангырау къулакъ эл бузар.
  • Соргъан айыб тюлдю, билмеген айыбды.
  • Эски джаугъа ышанма.
  • Чакъырылмагъан джерге барма, чакъырылгъан джерден къалма.
  • Къонакъны къачан кетерин сорма, къачан келлигин сор.

Аудио

Байчоров А

Файлов: 6

Обновлен: 06.02.2012

  • Байчоров А. - Заманында къайыталмасам
(Нет голосов)

Описание

Дата: 06.02.2012
Прослушиваний: 1863
Скачиваний: 147
Размер: 5.06 МБ
Текст песни: Музыка Азрета Байчорова, стихи Разбия Батдыева. 

Заманыма къайталмасам джолумдан, 
- Нек келмеди? - деб таш салма къыйналыб, 
Сен ашыра, къаты къысыб къолумдан, 
- Сакъларыкъма, - деген эдинг ышаныб. 

Айла, джылла озуб кетиб арадан, 
Мен а къайталмайын къалсам да санга, 
Ол заманда да, чыгъыб арбазынгдан, 
Ачма джюрек джарсыуунгу бир джанга. 

Барды сенден мени энтда тилерим: 
Ийнанма, ол келлик тюлдю деб, эштсенг, 
Амандыла деб къыйналма тюшлерим; 
Аман да игиди, игиге элтсенг. 

Чыртда чыдаб болалмасанг тансыкъдан, 
Чакъыр мени, эштирикмид деме да. 
Эшитерме мен тилегинги узакъдан, 
Къобандан ургъан джелге тюберме да. 

Сора келиб кече сени аллынга, 
Тансыгъынгы тансыгъыма къошарма, 
Сюймекликни сакълай билген джанынга, 
Къууанч бере, мен кечени бошарма. 

Комментариев нет

  • Зарегистрируйтесь чтобы пользоваться плейлистом.