- Телини эшигин, махтау джабар.
- Сёз къанатсыз учар.
- Дуния аламаты сен эсенг да, игиме деб айтма.
- Ашын ашагъанынгы, башын да сыйла.
- Аджал соруб келмез, келсе, къайтыб кетмез.
- Харам къарнашдан, халал тенг ашхы.
- Тыш элде солтан болгъандан эсе, кесинги элде олтан болгъан игиди!
- Акъыллы – эл иеси, тели – эл баласы.
- Кесине оноу эте билмеген, халкъына да эте билмез.
- Адеб джокъда, намыс джокъ.
- Ушамагъан – джукъмаз.
- Ашхы болсанг, атынг чыгъар, аман болсанг, джанынг чыгъар.
- Билими азны – ауузунда кирит.
- Бойнуму джети джерден кессенг да, мен ол ишни этеллик тюлме.
- Рысхысына кёре, джаш ёсер, къышлыгъына кёре, мал ёсер.
- Ышармагъан – кюлмез, кюлмеген – къууанчны билмез.
- Магъанасыз сёз – тауушсуз сыбызгъы.
- Хар зат кесини орнуна иги.
- Тилде сюек болмаса да, сюек сындырыр.
- Иесиз малны бёрю ашар.
- Аманнга игилик этсенг, юйюнге сау бармазса.
- Джылкъыдан – ат чыгъар, тукъумдан – джаш чыгъар.
- Ашлыкъ – бюртюкден, джюн – тюкден.
- Адам къыйынлыгъын кёлтюрюр, зауукълугъун кёлтюрмез.
- Къууут – джелге, берне – бошха.
- Тойгъан джерден туугъан джер игиди.
- Иги болса, тамадама – махтау, аман болса, меннге – айыб.
- Ишлерге уял да, ашаргъа табма.
- Къызын тута билмеген, тул этер, джашын тута билмеген, къул этер.
- Адамны артындан къара сабан сюрме.
- Кёб къычыргъандан – къоркъма, тынч олтургъандан – къоркъ.
- Тойгъан антын унутур.
- Ауругъан – джашаудан умутчу.
- Тулпарлыкъ, билекден тюл – джюрекден.
- Эки къатын алгъан – эки ташны ортасына башын салгъан.
- Окъугъан – асыу, окъумагъан – джарсыу.
- Эл ауузу – элия.
- Тилчи тилден къаныкъмаз.
- Иги адам абынса да, джангылмаз.
- Кесине гебен этелмеген, биреуге черен эте эди.
- Эм ашхы къайын ана мамукъ бла башынгы тешер.
- Ойнай билмеген, уруб къачар.
- Мухар, кеси тойса да, кёзю тоймаз.
- Ашхы – джыяр, аман – джояр.
- Адебни адебсизден юрен.
- Тилсиз миллет джокъ болур.
- Аууз сакълагъан – джан сакълар.
- Танг атмайма десе да, кюн къоярыкъ тюйюлдю.
- Азыгъы аз, алгъа къабар, аты аман, алгъа чабар.
- Булут кёкге джарашыу, уят бетге джарашыу.
