- Акъыллы эркиши атын махтар, акъылсыз эркиши къатынын махтар.
- Тынгылагъан тынгы бузар.
- Тюзню ётмеги тюзде къалса да, тас болмаз.
- Къартны сыйын кёрмеген, къартлыгъында сыйлы болмаз.
- Намыс сатылыб алынмайды.
- Акъыл неден да кючлюдю.
- Джаным-тиним – окъуу, билим.
- Къыз келсе, джумуш эте келеди, къатын келсе, ушакъ эте келеди.
- Билимли ёлмез, билимсиз кёрмез.
- Таукел адам тау тешер.
- Аз сёлешген, къайгъысыз турур.
- Кеси юйюмде мен да ханма.
- Айран ичген – къутулду, джугъусун джалагъан – тутулду.
- Ач келгенни – тойдур, кеч келгенни – къондур.
- Биреуню къыйынлыгъы бла кесинге джол ишлеме.
- Эрине къаргъыш этген къатын, эрнин къабар.
- Къатыны харакетли болса, эри къымсыз болур.
- Ариу сёз аурууунгу алыр.
- Нарт сёз – тилни бети.
- Тин – байлыгъынг, терен саулугъунг.
- Эринчекни аурууу – кёб.
- Суу да къайтады чыкъгъан джерине.
- Ёгюзню мюйюзлери ауурлукъ этмейдиле.
- Джол бла сёзню къыйыры джокъ.
- Къарнынг бла ёч алма.
- Аман киши кеси юйюнде – къонакъ.
- Къазанчы аман болса, къазаны къайнамаз.
- Адамны артындан къара сабан сюрме.
- Уллу къашыкъ эрин джыртар.
- Сагъышы джокъ – джукъучу, акъылы джокъ – къаугъачы.
- Ата – баланы уясы.
- Ашхылыкъ джерде джатмайды, аманлыкъ суугъа батмайды.
- Ёгюзню мюйюзюнден тутадыла, адамны сёзюнден тутадыла.
- Къаллай салам берсенг, аллай джууаб алырса.
- Ачыкъ джюрекге джол – ачыкъ.
- Джырчы ёлсе, джыры къалыр.
- Ариу сёзде ауруу джокъ.
- Чарсда алчыны эл кёреди.
- Сёлеш деб шай берген, тохта деб, сом берген.
- Айтхан сёзюне табылгъан.
- Биреуге кёлтюрген таягъынг, кесинги башынга урур.
- Юй ишлеген балта эшикде къалыр.
- Тешигини къатында, чычхан да батыр болур.
- Джангыз торгъай джырламаз.
- Иесиз малны бёрю ашар.
- Ёмюрлюк шохлукъну джел элтмез.
- «Ма», - дегенни билмесенг, «бер», - дегенни билмезсе.
- Ётюрюкню башын керти кесер.
- Тёрени джагъы джокъ.
- Билимден уллу байлыкъ джокъду.
|
STest
|
