- Джылыгъа джылан илешир.
- Тёзген – тёш ашар!
- Ишге юренсин къоллары, халкъ бла болсун джоллары.
- Сёз – кюмюш, джыр – алтын.
- Мал тутхан – май джалар.
- Уллу къашыкъ эрин джыртар.
- Келгинчи, къонакъ уялыр, келгенден сора, къонакъбай уялыр.
- Aдам боллукъ, сыфатындан белгили.
- Чакъырылмагъан къонакъ тёрге атламаз.
- Ач келгенни – тойдур, кеч келгенни – къондур.
- Адамны джюреги нени кёрюрге сюйсе, кёзю да аны кёрюрге ёч болады.
- Бёрю да ач къалмасын, эчки да ашалмасын.
- Тиширыусуз юй – отсуз от джагъа.
- Тенгни тенглиги джашай барсанг билинир.
- Ашарыкъда сайлагъаннга – чий гырджын.
- Бозанг болмагъан джерге, къалагъынгы сукъма.
- Сабий болмагъан джерде, мёлек болмаз.
- Хар ишни да аллы къыйынды.
- Ачлыкъ отха секиртир.
- Атлыны ашхысы, ат тизгининден билинир
- Кюн кёрмеген, кюн кёрсе, кюндюз чыракъ джандырыр.
- Ач къарным, тынч къулагъым.
- Ачыкъ джюрекге джол – ачыкъ.
- Джол бла сёзню къыйыры джокъ.
- Накъырда – кертини келечиси.
- Ариу сёз джыланны орнундан чыгъарыр.
- Байлыкъ болгъан джерде, тынчлыкъ джокъду.
- Джылкъыдан – ат чыгъар, тукъумдан – джаш чыгъар.
- Бети къызарыучу адамны, джюреги харам болмаз.
- Аджал соруб келмез, келсе, къайтыб кетмез.
- Къарнынг бла ёч алма.
- Эки ойлашыб, бир сёлешген.
- Джукъу тёшек сайламайды.
- Къатын байлыкъны сюер, эр саулукъну сюер.
- Ашыкъгъан cуу, тенгизге джетмез.
- Мал кёб болса, джууукъ кёб болур.
- Тюзлюк тас болмайды.
- Хунаны тюбюн къазсанг, юсюнге ауар.
- Окъугъан – асыу, окъумагъан – джарсыу.
- Биреу къой излей, биреу той излей.
- Джюрекге ариу – кёзге да ариу.
- Ёксюзню тилеги къабыл болур.
- Насыб бютеу халкъны юлюшюдю.
- Атынг аманнга чыкъгъандан эсе, джанынг тамагъынгдан чыкъсын.
- Зар адам ашынгы ашар, кесинги сатар.
- Биреуню къыйынлыгъы бла кесинге джол ишлеме.
- Билимсиз иш бармаз.
- Кёлю джокъну – джолу джокъ.
- Телиге от эт десенг, юйюнге от салыр.
- Эл тойса, тоймагъан, эл къойса, къоймагъан.
