Эльбрусоид :: Эльбрусоид

Къонакъ хазыр болгъанлыкъгъа, къонакъбай хазыр тюлдю.
Байлыкъ адамны сокъур этер.
Тюзлюк шохлукъну бегитир.
Адам къыйынлыгъын кёлтюрюр, зауукълугъун кёлтюрмез.
Кюн кёрмеген, кюн кёрсе, кюндюз чыракъ джандырыр.
Насыблы элин сюер, насыбсыз кесин сюер.
Чомартны къолун джокълукъ байлар.
Адеби болмагъан къыз – тузсуз хант.
Окъугъан – асыу, окъумагъан – джарсыу.
Ариу сёз аурууунгу алыр.
Къыз чыгъаргъан – къызыл къымжа.
Адам къаллай бир ишленмесе, аллай бир кесин уллу кёреди.
Аман адам этегингден тутса, кес да къач.
Айтылгъан буйрукъ, сёгюлмез
Ётюрюкню башын керти кесер.
Тёгюлген тюгел джыйылмайды.
Кёлю джокъну – джолу джокъ.
Ашлыкъны арба юйге келтирир, чана базаргъа элтир.
Адебни адебсизден юрен.
Къыйынлы джети элге оноу этер.
Ауузу бла къуш тута айланады.
Адам боллукъ, атламындан белгили болур.
Таугъа чыгъаллыкъ эсенг, тюзде къалма.
Суу да къайтады чыкъгъан джерине.
Этни бети бла шорпасы.
Къыз тиширыу кеси юйюнде да къонакъды.
Сёлеш деб шай берген, тохта деб, сом берген.
Аман эсирсе, юйюн ояр.
Чакъырылмай келген къонакъ сыйланмай кетер.
Тили узунну, намысы – къысха.
Ариу сёз – джаннга азыкъ, аман сёз – башха къазыкъ.
Байлыкъ болгъан джерде, тынчлыкъ джокъду.
Чомарт бергенин айтмаз.
Къонакъ кёб келюучю юйню, къазаны отдан тюшмез.
Билими азны – ауузунда кирит.
Ашыкъгъан cуу, тенгизге джетмез.
Ёлюр джаннга, ёкюл джокъ.
Къыз келсе, джумуш эте келеди, къатын келсе, ушакъ эте келеди.
Суугъа – чабакъ, къаягъа – ыргъакъ.
Татлы сёз – балдан татлы.
Бюгюн дуния кибик, тамбла ахыратды.
Чомарт джарлы болмаз.
Чёбню кёлтюрсенг, тюбюнден сёз чыгъар.
Къартны бурнун сюрт да, оноугъа тут.
Иги адамны бир сёзю эки болмаз.
Сагъышы джокъ – джукъучу, акъылы джокъ – къаугъачы.
Атлыны ашхысы, ат тизгининден билинир
Экеулен сёлеше тура эселе, орталарына барыб кирме.
Атадан ёксюз – бир ёксюз, анадан ёксюз – эки ёксюз.
Ата джурт – алтын бешик.